ਪਾਕਿਸਤਾਨ ਵਿਚ ਇਕ ਗਰੀਬ ਰੇਹੜੀ ਲਗਾਉਣ ਵਾਲੇ ਦੇ ਬੈਂਕ ਖਾਤੇ ਵਿਚ 2.25 ਅਰਬ ਰੁਪਏ ਦੀ ਵਡੀ ਰਕਮ ਦਾ ਪਤਾ ਚਲਣ ਤੋਂ ਬਾਅਦ ਹੁਣ ਉਹ ਜਾਂਚ ਏਜੰਸੀਆਂ ਦੇ ਨਿਸ਼ਾਨੇ 'ਤੇ ਆ...
ਕਰਾਚੀ : ਪਾਕਿਸਤਾਨ ਵਿਚ ਇਕ ਗਰੀਬ ਰੇਹੜੀ ਲਗਾਉਣ ਵਾਲੇ ਦੇ ਬੈਂਕ ਖਾਤੇ ਵਿਚ 2.25 ਅਰਬ ਰੁਪਏ ਦੀ ਵਡੀ ਰਕਮ ਦਾ ਪਤਾ ਚਲਣ ਤੋਂ ਬਾਅਦ ਹੁਣ ਉਹ ਜਾਂਚ ਏਜੰਸੀਆਂ ਦੇ ਨਿਸ਼ਾਨੇ 'ਤੇ ਆ ਗਿਆ ਹੈ। ਮੀਡੀਆ ਰਿਪੋਰਟ ਦੇ ਮੁਤਾਬਕ ਇਹ ਜਮ੍ਹਾਂ ਰਾਸ਼ੀ ਸਾਬਕਾ ਰਾਸ਼ਟਰਪਤੀ ਆਸਿਫ ਅਲੀ ਜ਼ਰਦਾਰੀ ਨਾਲ ਜੁਡ਼ੇ ਕਈ ਅਰਬ ਰੁਪਏ ਦੇ ਮਨੀ ਲਾਂਡਰਿੰਗ ਘਪਲੇ ਨਾਲ ਜੁਡ਼ੀ ਸੀ। ਕਰਾਚੀ ਦੇ ਓਰੰਗੀ ਸ਼ਹਿਰ ਦੇ ਰਹਿਣ ਵਾਲੇ ਅਬਦੁਲ ਕਾਦਿਰ ਨੂੰ ਪਤਾ ਚਲਿਆ ਕਿ ਉਸ ਦੇ ਬੈਂਕ ਖਾਤੇ ਵਿਚ 2.225 ਅਰਬ ਰੁਪਏ ਹਨ।
Pakistan street vendor
ਰਿਪੋਰਟ ਦੇ ਮੁਤਾਬਕ ਉਸ ਨੂੰ ਇਸ ਵਡੀ ਰਕਮ ਬਾਰੇ ਵਿਚ ਉਸ ਸਮੇਂ ਪਤਾ ਚਲਿਆ ਜਦੋਂ ਸਮੂਹ ਜਾਂਚ ਏਜੰਸੀ (ਐਫਆਈਏ) ਵਲੋਂ ਉਸ ਨੂੰ ਇਕ ਖ਼ਤ ਮਿਲਿਆ। ਉਸ ਨੇ ਮੀਡੀਆ ਨੂੰ ਦੱਸਿਆ ਕਿ ਮੇਰੇ ਭਰਾ ਨੇ ਮੈਨੂੰ ਦੱਸਿਆ ਕਿ ਜਾਂਚ ਏਜੰਸੀ ਵਲੋਂ ਮੇਰੇ ਨਾਮ 'ਤੇ ਇਕ ਖ਼ਤ ਆਇਆ ਹੈ ਅਤੇ ਇਸ ਦੇ ਲਈ ਮੈਨੂੰ ਪੇਸ਼ ਕੀਤਾ ਗਿਆ ਹੈ। ਕਾਦਿਰ ਨੇ ਕਿਹਾ ਕਿ ਮੈਂ ਦੁਨੀਆਂ ਦਾ ਨੰਬਰ ਇਕ ਦੁਖੀ ਵਿਅਕਤੀ ਹਾਂ। ਜਿਵੇਂ ਕਿ ਉਨ੍ਹਾਂ ਨੇ ਮੈਨੂੰ ਦੱਸਿਆ ਕਿ ਮੇਰੇ ਖਾਤੇ ਵਿਚ ਅਰਬਾਂ ਰੁਪਏ ਹਨ ਪਰ ਮੈਂ ਘੱਟ ਤੋਂ ਘੱਟ ਅਪਣੇ ਰਹਿਣ ਸਹਿਣ ਵਿਚ ਥੋੜ੍ਹੇ ਜਿਹੇ ਸੁਧਾਰ ਲਈ ਇਸ ਵਿਚੋਂ ਇਕ ਪਾਈ ਵੀ ਖਰਚ ਨਹੀਂ ਕਰ ਸਕਦਾ।
Asif Ali Zardari
ਮੈਨੂੰ ਇਸ ਰਕਮ ਨੂੰ ਲੈ ਕੇ ਇਸ ਲਈ ਵੀ ਸ਼ੱਕ ਹੈ ਕਿਉਂਕਿ ਜਮ੍ਹਾਂ ਕਰਾਉਂਦੇ ਸਮੇਂ ਹਸਤਾਖਰ ਅੰਗਰੇਜ਼ੀ ਵਿਚ ਕੀਤੇ ਗਏ ਸਨ, ਜਦੋਂ ਕਿ ਮੈਂ ਹਮੇਸ਼ਾ ਉਰਦੂ ਵਿਚ ਕਰਦਾ ਹਾਂ। ਰਿਪੋਰਟ ਦੇ ਮੁਤਾਬਕ ਐਫਆਈਏ ਨਾਲ ਜੁਡ਼ੇ ਸੂਤਰਾਂ ਨੇ ਖੁਲਾਸਾ ਕੀਤਾ ਕਿ ਕਾਦਿਰ ਦੇ ਬੈਂਕ ਖਾਤੇ ਵਿਚ 2.25 ਅਰਬ ਰੁਪਏ ਦੀ ਵੱਡੀ ਰਕਮ ਦਾ ਪਤਾ ਚਲਿਆ ਹੈ ਜੋ ਪੀਪੀਪੀ ਦੇ ਸਾਥੀ ਪ੍ਰਧਾਨ ਜ਼ਰਦਾਰੀ ਅਤੇ ਉਨ੍ਹਾਂ ਦੀ ਭੈਣ ਫਰਯਾਲ ਤਾਲਪੁਰ ਦੀ ਸੰਲਿਪਤਤਾ ਵਾਲੇ ਮਨੀ ਲਾਂਡਰਿੰਗ ਘਪਲੇ ਨਾਲ ਸਬੰਧਤ ਹੈ।
Faryal Talpur
ਦੱਸ ਦਈਏ ਕਿ ਸਾਬਕਾ ਰਾਸ਼ਟਰਪਤੀ ਅਤੇ ਉਨ੍ਹਾਂ ਦੇ ਪਰਵਾਰ ਦੇ ਮੈਬਰਾਂ 'ਤੇ ਮਨੀ ਲਾਂਡਰਿੰਗ ਦਾ ਕੇਸ ਚੱਲ ਰਿਹਾ ਹੈ ਅਤੇ ਅਗਸਤ ਵਿਚ ਉਨ੍ਹਾਂ ਦੇ ਵਿਰੁਧ ਗੈਰ ਜ਼ਮਾਨਤੀ ਵਾਰੰਟ ਵੀ ਜਾਰੀ ਕੀਤਾ ਗਿਆ ਸੀ।
