ਬਾਰ ਕੌਂਸਲ ਦੀ ਰਿਪੋਰਟ ਵਿਚ ਖੁਲਾਸਾ
ਨਵੀਂ ਦਿੱਲੀ: ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿਚ ਦਰਜਨਾਂ ਵਕੀਲ ਕਾਨੂੰਨ ਦੀ ਫਰਜ਼ੀ ਡਿਗਰੀ ਲੈ ਕੇ ਅਭਿਆਸ ਕਰ ਰਹੇ ਹਨ। ਦਿੱਲੀ ਬਾਰ ਕੌਂਸਲ ਦੀ ਰਿਪੋਰਟ ਵਿਚ ਇਹ ਹੈਰਾਨ ਕਰਨ ਵਾਲਾ ਖੁਲਾਸਾ ਹੋਇਆ ਹੈ। ਰਿਪੋਰਟ ਮੁਤਾਬਕ ਉਸ ਯੂਨੀਵਰਸਿਟੀ ਨੇ ਵੀ ਲਾਅ ਡਿਗਰੀ ਹੋਣ ਤੋਂ ਇਨਕਾਰ ਕਰ ਦਿੱਤਾ ਹੈ, ਜਿਸ ਦਾ ਨਾਂਅ ਇਹਨਾਂ ਫਰਜ਼ੀ ਡਿਗਰੀ ‘ਤੇ ਲਿਖਿਆ ਹੈ। ਫਰਜ਼ੀ ਡਿਗਰੀ ਵਾਲੇ ਵਕੀਲਾਂ ਖ਼ਿਲਾਫ ਐਫਆਈਆਰ ਦਰਜ ਕਰਵਾਈ ਜਾ ਰਹੀ ਹੈ। ਬਾਰ ਕੌਂਸਲ ਨੇ ਥਾਣੇ ਵਿਚ ਇਸ ਸਬੰਧੀ ਸ਼ਿਕਾਇਤ ਕੀਤੀ ਹੈ।
68 lawyers practicing in Delhi with fake law degree
ਜਾਣਕਾਰੀ ਮੁਤਾਬਕ ਦਿੱਲੀ ਬਾਰ ਕੌਂਸਲ ਵਿਚ ਕੁਝ ਵਕੀਲਾਂ ਦੀ ਕਾਨੂੰਨ ਦੀ ਡਿਗਰੀ ਫਰਜ਼ੀ ਹੋਣ ਦੀ ਸ਼ਿਕਾਇਤ ਆਈ ਸੀ। ਸ਼ਿਕਾਇਤ ਤੋਂ ਬਾਅਦ ਕੌਂਸਲ ਨੇ ਸਬੰਧਿਤ ਵਕੀਲਾਂ ਦੀ ਡਿਗਰੀ ਨੂੰ ਵੈਰੀਫੀਕੇਸ਼ਨ ਲਈ ਉਹਨਾਂ ਯੂਨੀਵਰਸਿਟੀਆਂ ਨੂੰ ਭੇਜ ਦਿੱਤਾ ਹੈ, ਜਿੱਥੋਂ ਉਹਨਾਂ ਨੂੰ ਜਾਰੀ ਕਰਨ ਦੀ ਗੱਲ ਕਹੀ ਗਈ ਸੀ। ਦਿੱਲੀ ਨਾਲ ਸਬੰਧਤ ਕਰੀਬ 74 ਵਕੀਲਾਂ ਦੀਆਂ ਡਿਗਰੀਆਂ ਜਾਂਚ ਲਈ ਭੇਜੀਆਂ ਗਈਆਂ ਸਨ। ਜਿਨ੍ਹਾਂ ਵਿਚੋਂ ਹੁਣ ਤੱਕ 68 ਵਕੀਲਾਂ ਦੀ ਰਿਪੋਰਟ ਆ ਚੁੱਕੀ ਹੈ ਅਤੇ ਬਾਕੀ ਛੇ ਵਕੀਲਾਂ ਦੀ ਰਿਪੋਰਟ ਆਉਣੀ ਹਾਲੇ ਬਾਕੀ ਹੈ।
Bar Council of India
ਬਾਕ ਕੌਂਸਲ ਆਫ ਇੰਡੀਆ ਦੇ ਸੈਕਟਰੀ ਵਿਸ਼ਣੂ ਸ਼ਰਮਾ ਦੀ ਮੰਨੀਏ ਤਾਂ 68 ਵਕੀਲਾਂ ਦੀ ਡਿਗਰੀ ਬਾਰੇ ਵੀ ਰਿਪੋਰਟ ਆ ਗਈ ਹੈ ਅਤੇ ਜਾਂਚ ਵਿਚ ਉਹਨਾਂ ਨੂੰ ਫਰਜ਼ੀ ਦੱਸਿਆ ਗਿਆ ਹੈ। ਫਰਜ਼ੀ ਡਿਗਰੀ ਵਾਲੇ ਵਕੀਲਾਂ ਖ਼ਿਲਾਫ ਐਫਆਈਆਰ ਦਰਜ ਕਰਵਾਈ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਅਰੋਪੀ ਵਕੀਲਾਂ ਨੂੰ ਨੋਟਿਸ ਵੀ ਜਾਰੀ ਕੀਤਾ ਗਿਆ ਹੈ। ਦੱਸ ਦਈਏ ਕਿ ਸਾਲ 2017 ਵਿਚ ਵੀ ਬਾਰ ਕੌਂਸਲ ਦੇਸ਼ ਵਿਚ ਫਰਜ਼ੀ ਡਿਗਰੀ ਜਾਂ ਬਿਨਾਂ ਡਿਗਰੀ ਵਾਲੇ ਵਕੀਲਾਂ ਦੇ ਮਾਮਲਿਆਂ ਨੂੰ ਸਾਹਮਣੇ ਲਿਆ ਚੁੱਕੀ ਹੈ। ਕੌਂਸਲ ਨੇ ਕਾਨੂੰਨ ਮੰਤਰਾਲੇ ਨੂੰ ਚਿੱਠੀ ਲਿਖ ਕੇ ਕਿਹਾ ਸੀ ਕਿ ਐਡਵੋਕੇਟ ਐਕਟ 1961 ਅਨੁਸਾਰ ਅਜਿਹੇ ਵਕੀਲਾਂ ਨੂੰ ਸਜ਼ਾ ਦੇਣ ‘ਤੇ ਵਿਚਾਰ ਕੀਤਾ ਜਾਵੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
