ਭਾਰਤੀ ਫ਼ੌਜ ਲਈ ਸਿੱਕਮ ਦੇ ਨੇੜੇ ਵਿਵਾਦਪੂਰਨ ਡੋਕਲਾਮ ਪਠਾਰ ਦੇ ਕਿਨਾਰੇ 'ਤੇ ਬਣੇ ਰਣਨੀਤਕ....
ਨਵੀਂ ਦਿੱਲੀ: ਭਾਰਤੀ ਫ਼ੌਜ ਲਈ ਸਿੱਕਮ ਦੇ ਨੇੜੇ ਵਿਵਾਦਪੂਰਨ ਡੋਕਲਾਮ ਪਠਾਰ ਦੇ ਕਿਨਾਰੇ 'ਤੇ ਬਣੇ ਰਣਨੀਤਕ ਮਹੱਤਵਪੂਰਨ ਡੋਕਲਾ ਬੇਸ' ਤੇ ਪਹੁੰਚਣ ਵਿਚ 40 ਮਿੰਟ ਤੋਂ ਜ਼ਿਆਦਾ ਸਮਾਂ ਨਹੀਂ ਲੱਗੇਗਾ। ਕਿਉਂਕਿ ਤਾਰਕੋਲ ਤੋਂ ਬਣੀ ਹਰ ਮੌਸਮ ਵਿਚ ਕੰਮ ਕਰਨ ਵਾਲੀ ਸੜਕ ਤਿਆਰ ਹੈ, ਜਿਸ ਉਤੇ ਕਿੰਨਾ ਵੀ ਵਜਨ ਲੈ ਜਾਣ ‘ਤੇ ਕੋਈ ਪਾਬੰਧੀ ਨਹੀਂ ਹੈ। ਸਾਲ 2017 ਵਿਚ ਜਦੋਂ ਭਾਰਤੀ ਫ਼ੌਜ ਡੋਕਲਾਮ ਵਿਚ ਚੀਨ ਦੀ ਪੀਪਲਜ਼ ਲਿਬਰੇਸ਼ਨ ਆਰਮੀ ਨਾਲ ਉਲਝਦੀ ਹੋਈ ਸੀ, ਇਸ ਬੇਸ ਤੱਤ ਪਹੁੰਚਣ ਦੇ ਲਈ ਖੱਚਰਾਂ ਦੇ ਲਈ ਬਣੇ ਰਸਤੇ ਉਤੇ ਸੱਤ ਘੰਟੇ ਤੱਕ ਦਾ ਸਮਾਂ ਲੱਗ ਜਾਂਦਾ ਸੀ।
doklam
ਬਾਰਡਰ ਰੋਡਜ਼ ਆਰਗਨਾਈਜੇਸ਼ਨ ਦੇ ਮੁਤਾਬਿਕ ਨਵੀਂ ਤਿਆਰ ਹੋਈ ਭੀਮ ਬੇਸ ਡੋਕਲਾ ਰੋਡ ਨੂੰ ਯੁੱਧ ਪੱਧਰ ‘ਤੇ ਪੱਕਾ ਕੀਤਾ ਗਿਆ। ਜਿਸ ਨਾਲ ਦੁਸ਼ਮਣ ਵੱਲੋਂ ਹਮਲਾ ਕੀਤੇ ਜਾਣ ਦੀ ਸਥਿਤੀ ਦੇ ਲਈ ਦੇਸ਼ ਦੀ ਰੱਖਿਆ ਤਿਆਰੀ ਹੋ ਸਕੇ। ਚੀਨ ਦੇ ਨਾਲ ਹੋਏ ਵਿਵਾਦ ਤੋਂ ਪਹਿਲਾਂ ਸਾਲ 2015 ਵਿਚ ਮੰਜ਼ੂਰ ਕੀਤੀ ਗਈ ਸੜਕ ਉਤੇ ਕੰਮ ਨੂੰ ਡੋਕਲਾਮ ਵਿਚ ਵਿਵਾਦ ਦੀ ਵਜ੍ਹਾ ਤੋਂ ਕਾਰਜ਼ਸ਼ੀਲ ਸ੍ਰੋਤਾਂ ਦੀ ਭਾਰੀ ਆਵਾਜਾਈ ਦੇ ਬਾਵਜੂਦ ਉਤਸ਼ਾਹ ਦੇ ਨਾਲ ਸ਼ੁਰੂ ਕੀਤਾ ਗਿਆ। ਇਹ ਹੀ ਨਹੀਂ, ਡੋਕਲਾਮ ਤੱਕ ਜਾਨ ਦੇ ਲਈ ਹਰ ਮੌਸਮ ਵਿਚ ਬਣੀ ਰਹਿਣ ਵਾਲੀ ਦੂਜੀ ਸੜਕ, ਫਲੈਗ ਹਿਲ-ਡੋਕਲਾ ਐਕਸਿਸ ਵੀ 2020 ਤੱਕ ਪੂਰੀ ਹੋ ਜਾਵੇਗੀ।
doklam
ਬਾਰਡਰ ਰੋਡਸ ਆਰਗਨਾਈਜੇਸ਼ਨ ਦੇ ਮੁਤਾਬਿਕ ਫਲੈਗ ਹਿਲ ਮਧੂਬਾਲਾ ਡੋਕਲਾ ਰੂਟ ਉਤੇ ਬਣੀ ਇਹ ਸੜਕ 3,601 ਮੀਟਰ ਤੋਂ 4200 ਮੀਟਰ (11,811 ਫੁੱਟ ਤੋਂ 13,779) ਦੀ ਉਚਾਈ ਵਾਲੇ ਬੇਹੱਦ ਉਚੇ ਇਲਾਕੇ ਤੋਂ ਗੁਜ਼ਰਦੀ ਹੈ। ਇਹ ਰੂਟ ਰਣਨੀਤਿਕ ਰੂਪ ਤੋਂ ਅਹਿਮ ਕਈ ਪੋਸਟਾਂ ਨੂੰ ਜੋੜਦੀ ਹੈ। ਜਿਨ੍ਹਾਂ ਦੇ ਨਾਮ ਇਸ ਰਿਪੋਰਟ ਵਿਚ ਨਹੀਂ ਦਿੱਤੇ ਗਏ ਹਨ। ਇਸ ਸੜਕ ਦਾ 10 ਕਿਲੋਮੀਟਰ ਹਿੱਸਾ ਪਹਿਲਾ ਹੀ ਤਿਆਰ ਹੋ ਚੁੱਕਾ ਹੈ। 20 ਕਿਲੋਮੀਟਰ ਤੋਂ ਕੁਝ ਜ਼ਿਆਦਾ ਦਾ ਬਚਿਆ ਹੋਇਆ ਹਿੱਸਾ ਇਕ ਸਾਲ ਦੇ ਵਿਚ ਤਿਆਰ ਹੋ ਜਾਵੇਗਾ।
doklam
ਹਾਲਾਂਕਿ ਪੂਰਬੀ ਲਦਾਖ ਵਿਚ ਪੈਂਪਾਂਗ ਝੀਲ ਦੇ ਉੱਤਰੀ ਸ਼ੋਰ ਉਤੇ ਪਿਛਲੇ ਮਹੀਨੇ ਭਾਰਤੀ ਅਤੇ ਚੀਨੀ ਫੌਜੀਆਂ ਦੇ ਵਿਚ ਕੁਝ ਝੜਪਾਂ ਹੋਈਆਂ ਸੀ, ਪਰ 13,000 ਫੁੱਟ ਦੀ ਉੱਚਾਈ ‘ਤੇ ਮੌਜੂਦ ਡੋਕਲਾਮ ਖੇਤਰ ਵਿਚ ਸ਼ਾਂਤੀ ਕਾਇਮ ਹੈ। ਸੂਤਰਾਂ ਨੇ ਦੱਸਿਆ ਕਿ ਫ਼ੌਜੀਆਂ ਨੂੰ ਹਟਾਏ ਜਾਣ ਤੋਂ ਬਾਅਦ ਤੋਂ ਭਾਰਤ ਅਤੇ ਚੀਨ ਦਾ ਇਕ-ਇਕ ਕਰਨਲ ਰੋਜ਼ ਸਵੇਰੇ 8.30 ਵਜੇ ਡੋਕਲਾ ਵਿਚ ਮੁਲਾਕਾਤ ਕਰਦੇ ਹਨ।
Doklam issue
ਚਾਹੇ ਬਰਫ਼ ਡਿੱਗੇ, ਔਲੇ ਡਿੱਗੇ, ਜਾਂ ਬਾਰਿਸ਼ ਆਵੇ। ਆਮਤੌਰ ‘ਤੇ ਚਾਹ ਪੀਂਦੇ-ਪੀਂਦੇ ਲਗਪਗ 15 ਮਿੰਟ ਚੱਲਣ ਵਾਲੀ ਇਸ ਬੈਠਕ ਨੂੰ ਵਿਵਾਦਤ ਇਲਾਕੇ ਵਿਚ ਸ਼ਾਂਤੀ ਬਣਾਈ ਰੱਖਣ ਦੇ ਲਈ ਬੇਹੱਦ ਅਹਿਮ ਮੰਨਿਆ ਜਾਂਦਾ ਹੈ। ਉਂਝ 2017 ਤੋਂ ਡੋਕਲਾਮ ਪਠਾਰ ਉਤੇ ਚੀਨ ਵੱਲੋਂ ਸੜਕ ਬਣਾਉਣ ਵਰਗੀਆਂ ਕੋਈ ਨਵੀਆਂ ਗਤੀਵਿਧੀਆਂ ਸਾਹਮਣੇ ਨਹੀਂ ਆਈਆਂ ਹਨ।
