ਦਿੱਲੀ ਦੇ ਤੀਹ ਹਜਾਰੀ ਕੋਰਟ ਵਿਚ ਸ਼ਨੀਵਾਰ ਨੂੰ ਪੁਲਿਸ ਅਤੇ ਵਕੀਲਾਂ ਦੇ ਵਿਚ ਹੋਈ ਹਿੰਸਕ...
ਨਵੀਂ ਦਿੱਲੀ: ਦਿੱਲੀ ਦੇ ਤੀਹ ਹਜਾਰੀ ਕੋਰਟ ਵਿਚ ਸ਼ਨੀਵਾਰ ਨੂੰ ਪੁਲਿਸ ਅਤੇ ਵਕੀਲਾਂ ਦੇ ਵਿਚ ਹੋਈ ਹਿੰਸਕ ਝੜਪ ਵਿਚ 20 ਪੁਲਿਸ ਕਰਮਚਾਰੀ ਜਖ਼ਮੀ ਹੋ ਗਏ। ਇਸ ਵਿਚ ਪੁਰਾਣੀ ਦਿੱਲੀ ਕੋਤਵਾਲੀ ਦੇ ਐਸਐਚਓ ਦੇ 10 ਟਾਂਕੇ ਲੱਗੇ ਹਨ, ਉਥੇ ਹੀ ਇਕ ਕਾਂਸਟੇਬਲ ਗੰਭੀਰ ਰੂਪ ਵਿਚ ਜਖ਼ਮੀ ਹੋ ਗਿਆ ਜਿਸਨੂੰ ਆਈਸੀਯੂ ਵਿਚ ਭਰਤੀ ਕਰਾਇਆ ਹੈ। ਇਸ ਘਟਨਾ ਦਾ ਸੀਸੀਟੀਵੀ ਫੁਟੇਜ ਸਾਹਮਣੇ ਆਇਆ ਹੈ। ਜਿਸ ਵਿਚ ਦਿਖ ਰਿਹਾ ਹੈ ਕਿ ਕਿਵੇਂ ਪੁਲਿਸ ਵਾਲਿਆਂ ਨੂੰ ਖੁਦ ਨੂੰ ਲਾਕਅੱਪ ਵਿਚ ਬੰਦ ਕਰੇ ਜਾਨ ਬਚਾਉਣੀ ਪਈ।
Delhi Police
ਵਕੀਲਾਂ ਨੇ ਜਦੋਂ ਪੁਲਿਸ ਉਤੇ ਹਮਾਲ ਕੀਤਾ ਤਾਂ ਸਾਰੇ ਪੁਲਿਸ ਵਾਲੇ ਖੁਦ ਨੂੰ ਬਚਾਉਣ ਲਈ ਅਦਾਲਤ ਦੇ ਲਾਕਅੱਪ ਵੱਲ ਭੱਜੇ ਅਤੇ ਸਭ ਨੇ ਖੁਦ ਨੂੰ ਅੰਦਰ ਬੰਦ ਕਰ ਲਿਆ। ਵਕੀਲਾਂ ਦੀ ਭੀੜ ਨੇ ਲਾਕਅੱਪ ਦਾ ਜਿੰਦਾ ਤੋੜਨ ਦੀ ਕੋਸ਼ਿਸ਼ ਕੀਤੀ। ਤਾਂ ਜਿੰਦਾ ਤੋੜਨ ਵਿਚ ਕਾਮਯਾਬੀ ਨਾ ਮਿਲੀ ਤਾਂ ਲਾਕਅੱਪ ਦੇ ਅਗਲੇ ਹਿੱਸੇ ਨੂੰ ਅੱਗ ਦੇ ਹਵਾਲੇ ਕਰ ਦਿੱਤਾ। ਕਿਸੇ ਤਰ੍ਹਾਂ ਨਾਲ ਪੁਲਿਸ ਵਾਲਿਆਂ ਨੇ ਵਕੀਲਾਂ ਨੂੰ ਲਾਖਅੱਪ ਤੋਂ ਬਾਹਰ ਕੱਢਿਆ ਅਤੇ ਲਾਖਅੱਪ ਨੂੰ ਸੇਫ਼ ਜੋਨ ਵਿਚ ਬਦਲਿਆ ਅਤੇ ਫੋਰਸ ਆਉਣ ਤੱਕ ਉਥੇ ਹੀ ਲੁਕ ਕੇ ਬੈਠੇ ਰਹੇ। ਦਿੱਲੀ ਦੇ ਤੀਹ ਹਜਾਰੀ ਕੋਰਟ ਵਿਚ ਸ਼ਨੀਵਾਰ ਨੂੰ ਪੁਲਿਸ ਅਤੇ ਵਕੀਲਾਂ ਦੇ ਵਿਚ ਹਿੰਸਕ ਝੜਪ ਹੋਈ।
Delhi Police
ਮਾਮਲਾ ਇੰਨਾਂ ਵਧ ਗਿਆ ਸੀ ਕਿ ਪੁਲਿਸ ਨੂੰ ਫਾਇਰਿੰਗ ਕਰਨੀ ਪਈ। ਦਰਅਸਲ, ਤੀਹ ਹਜਾਰੀ ਕੋਰਟ ਵਿਚ ਸ਼ਨੀਵਾਰ ਨੂੰ ਇਕ ਵਕੀਲ ਨੇ ਗਲਤ ਥਾਂ ‘ਤੇ ਗੱਡੀ ਪਾਰਕ ਕੀਤੀ। ਪੁਲਿਸ ਨੇ ਗੱਡੀ ਨੂੰ ਹਟਾਉਣ ਲਈ ਤੁਰੰਤ ਕਿਹਾ ਜਿਸ ਤੋਂ ਬਾਅਦ ਦੋਨਾਂ ਦੇ ਵਿਚ ਬਹਿਸ ਸ਼ੁਰੂ ਹੋ ਗਈ। ਇਸ ਲੜਾਈ-ਝਗੜੇ ਵਿਚ ਕੁਝ ਹੋਰ ਵਕੀਲ ਵੀ ਸ਼ਾਮਲ ਹੋ ਗਏ ਤਾਂ ਪੁਲਿਸ ਨੇ ਉਸ ਵਿਚੋਂ ਕੁਝ ਵਕੀਲਾਂ ਨੂੰ ਚੁੱਕ ਕੇ ਕੋਰਟ ਦੇ ਲਾਕਅੱਪ ਵਿਚ ਹੀ ਬੰਦ ਕਰ ਦਿੱਤਾ ਜਿਸ ਤੋਂ ਬਾਅਦ ਵਕੀਲ ਇਕੱਠੇ ਹੋ ਗਏ।
Delhi Police
ਜਦੋਂ ਇਕ ਵਕੀਲ (ਸੁਰਿੰਦਰ ਵਰਮਾ) ਨੂੰ ਤੀਜੀ ਬਟਾਲੀਅਨ ਦੇ ਪੁਲਿਸ ਕਰਮਚਾਰੀ ਨੇ ਅੰਦਰ ਜਾਣ ਤੋਂ ਰੋਕਿਆ ਤਾਂ ਇਸਤੋਂ ਬਾਅਦ ਬਹਿਸ ਅਤੇ ਗਰਮੋ-ਗਰਮੀ ਤੋਂ ਬਾਅਦ ਵਿਵਾਦ ਵਧਦਾ ਗਿਆ। ਜਾਣਕਾਰੀ ਮੁਤਾਬਿਕ, ਸੁਰਿੰਦਰ ਵਰਮਾ ਨਾਮ ਦੇ ਵਕੀਲ ਨੂੰ ਗੋਲੀ ਵੱਜੀ ਜਿਹੜੀ ਕਿ ਪੁਲਿਸ ਵੱਲੋਂ ਚਲਾਈ ਗਈ ਸੀ। ਵਕੀਲ ਅਤੇ ਪੁਲਿਸ ਦੇ ਵਿਚ ਜਬਰਦਸਤ ਝੜਪ,ਅੱਗ ਅਤੇ ਭੰਨ-ਤੋੜ ਵਿਚ ਬਦਲ ਗਈ। ਇਨ੍ਹਾਂ ਹੀ ਨਹੀਂ, ਹੰਗਾਮੇ ਤੋਂ ਬਾਅਦ ਕਵਰ ਕਰਨ ਗਏ ਮੀਡੀਆ ਨਾਲ ਵੀ ਵਕੀਲਾਂ ਨੇ ਬਦਸਲੂਕੀ ਕੀਤੀ। ਕਈ ਲੋਕਾਂ ਦੇ ਮੋਬਾਇਲ ਫੋਨ ਖੋਹ ਕੇ ਭੰਨ ਦਿੱਤੇ।
