Five River Water: ਵਿਛੜੇ ਪੰਜ ਪਾਣੀਆਂ ਦਾ ਹੋਇਆ ਮੇਲ
Five River Water: ਅੱਜ ਭਾਰਤ-ਪਾਕਿਸਤਾਨ ਦੀ ਵੰਡ ਤੋਂ ਬਾਅਦ ਪਹਿਲੀ ਵਾਰ ਚੜ੍ਹਦਾ ਤੇ ਲਹਿੰਦਾ ਪੰਜਾਬ ਸੱਭਿਆਚਾਰਕ ਤੌਰ 'ਤੇ ਇਕਜੁੱਟ ਹੋਇਆ ਹੈ। ਪੰਜਾਬ ਦੇ ਦੋਵੇਂ ਪਾਸੇ ਦੇ ਕਾਰਕੁੰਨਾਂ ਨੇ ਮਿਲ ਕੇ ਆਪਣੇ ਸੱਭਿਆਚਾਰ ਦਾ ਜਸ਼ਨ ਮਨਾਇਆ। ਦਰਅਸਲ, ਦੋਵਾਂ ਪਾਸਿਆਂ ਦੇ ਕਾਰਕੁਨਾਂ ਨੇ ਸ਼ਾਂਤੀ ਦਾ ਸੰਦੇਸ਼ ਦੇਣ ਵਾਲਾ ਪ੍ਰੋਗਰਾਮ ਆਯੋਜਿਤ ਕੀਤਾ, ਜੋ ਕਿ ਇੱਕ ਵੱਖਰੀ ਕਿਸਮ ਦੀ ਪਹਿਲਕਦਮੀ ਹੈ। ਲਾਹੌਰ, ਪਾਕਿਸਤਾਨ ਵਿੱਚ ਹੋਏ ਇਸ ਪ੍ਰੋਗਰਾਮ ਨੂੰ ‘ਵਿਛੜੇ ਪੰਜ ਪਾਣੀਆਂ ਦਾ ਮੇਲਾ’ ਨਾਮ ਦਿਤਾ ਗਿਆ। ਇਸ ਵਿੱਚ ਇਕ ਹੋਰ ਕੋਸ਼ਿਸ਼ ਸ਼ਾਮਲ ਹੋਇਆ। ਇਸ ਦੌਰਾਨ ਪੰਜ-ਆਬ ਯਾਨੀ ਪੰਜਾਬ ਦੇ ਪੰਜ ਦਰਿਆਵਾਂ ਦੇ ਪਾਣੀ ਨੂੰ ਮਿਲਾ ਦਿਤਾ ਗਿਆ। ਇਸ ਦੌਰਾਨ ਕੁਝ ਪਲਾਂ ਲਈ ਬਟਵਾਰੇ ਤੋਂ ਪਹਿਲਾਂ ਵਾਲਾ ਪੰਜਾਬ ਮੁੜ ਜ਼ਿੰਦਾ ਹੋ ਗਿਆ।
ਇਹ ਵੀ ਪੜ੍ਹੋ: Justice Ritu Bahri: ਜਸਟਿਸ ਰਿਤੂ ਬਾਹਰੀ ਬਣਨਗੇ ਉੱਤਰਾਖੰਡ ਹਾਈ ਕੋਰਟ ਦੀ ਚੀਫ਼ ਜਸਟਿਸ
ਇਹ ਪਹਿਲ ਸਾਂਝ ਪੰਜਾਬ ਦੇ ਕਾਰਕੁਨ ਅਤੇ ਅਮਰੀਕਾ ਸਥਿਤ ਪ੍ਰੋਫੈਸਰ ਤਰੁਨਜੀਤ ਸਿੰਘ ਬੁਟਾਲੀਆ ਨੇ ਕੀਤੀ ਹੈ। ਬੁਟਾਲੀਆ ਨੇ ਸਤਲੁਜ ਅਤੇ ਬਿਆਸ ਦਰਿਆਵਾਂ ਦਾ ਪਾਣੀ ਲਿਆ। ਉਹ ਇਹ ਪਾਣੀ ਲਾਹੌਰ ਲੈ ਕੇ ਗਏ। ਪਾਕਿਸਤਾਨ ਤੋਂ ਕਾਰਕੁਨ ਜੇਹਲਮ, ਚਨਾਬ ਅਤੇ ਰਾਵੀ ਤੋਂ ਪਾਣੀ ਲੈ ਕੇ ਲਾਹੌਰ ਪੁੱਜੇ। ਇੱਥੇ ਦੋਵਾਂ ਦੇਸ਼ਾਂ ਦੇ ਪੰਜਾਬ ਦੇ ਪਾਣੀਆਂ ਨੂੰ ਮਿਲਾ ਦਿਤਾ ਗਿਆ।
ਇਹ ਵੀ ਪੜ੍ਹੋ: Whatsapp Account Ban: : ਵਟਸਐਪ ਨੇ ਇਕ ਵਾਰ 'ਚ ਬੰਦ ਕੀਤੇ 71 ਲੱਖ ਤੋਂ ਜ਼ਿਆਦਾ ਭਾਰਤੀ ਖਾਤੇ, ਤੁਸੀਂ ਵੀ ਨਾ ਕਰਨਾ ਇਹ ਗਲਤੀ
ਦੋਵਾਂ ਦੇਸ਼ਾਂ ਦੀਆਂ ਸਮਾਜ ਸੇਵੀ ਸੰਸਥਾਵਾਂ ਨੇ ਇਸ ਪ੍ਰੋਗਰਾਮ ਨੂੰ ਸਫ਼ਲ ਬਣਾਉਣ ਲਈ ਯਤਨ ਕੀਤੇ। ਦੋਵਾਂ ਦਾ ਮਕਸਦ ਇਕੋ ਹੈ। ਇਹ ਉਪਰਾਲਾ ਜੀਵੇ ਸਾਂਝ ਪੰਜਾਬ ਅਤੇ ਰਾਹੀ ਬਚਾਓ ਤਹਿਰੀਕ ਵੱਲੋਂ ਕੀਤਾ ਗਿਆ ਹੈ। ਦੋਹਾਂ ਦੇਸ਼ਾਂ ਦੇ ਪਾਣੀਆਂ ਨੂੰ ਸਭ ਤੋਂ ਪਹਿਲਾਂ ਲਾਹੌਰ ਦੇ ਉੱਚੇ ਬੁਰਜ 'ਤੇ ਲਿਜਾਇਆ ਗਿਆ। ਇਸ ਤੋਂ ਬਾਅਦ ਵਰਕਰ ਸ਼ਾਲੀਮਾਰ ਬਾਗ ਨੇੜੇ ਦਰਬਾਰ ਮਾਧੋ ਲਾਲ ਹੁਸੈਨ ਵਿਖੇ ਇਕੱਠੇ ਹੋਏ, ਜਿਥੇ ਨਮਾਜ਼ ਅਦਾ ਕੀਤੀ ਗਈ। ਇੱਥੋਂ ਇਹ ਪਰੰਪਰਾਗਤ ਢੋਲਕੀਆਂ ਦੇ ਨਾਲ ਰਾਵੀ ਦਰਿਆ ਤੱਕ ਰੈਲੀ ਕੱਢੀ ਗਈ। ਇਸ ਨੂੰ ਪੰਜਾਬ ਦੇ ਦਰਿਆਵਾਂ ਅਤੇ ਉਨ੍ਹਾਂ ਦੇ ਪਾਣੀਆਂ ਦੇ ਸਨਮਾਨ ਵਿੱਚ ਰਵਾਇਤੀ ਪੰਜਾਬੀ ਕਲਮ, ਸੰਗੀਤ, ਕਵਿਤਾਵਾਂ ਦੇ ਵਿਚਕਾਰ ਰਾਵੀ ਵਿੱਚ ਲੀਨ ਕੀਤਾ ਗਿਆ।
ਇਸ ਪਹਿਲਕਦਮੀ ਦਾ ਉਦੇਸ਼ ਦੋਵਾਂ ਮੁਲਕਾਂ ਵਿਚ ਵੰਡੇ ਚੜ੍ਹਦੇ ਅਤੇ ਲਹਿੰਦੇ ਪੰਜਾਬ ਨੂੰ ਆਪਸ ਵਿੱਚ ਜੋੜਨਾ ਹੈ। ਪੰਜਾਬ ਪੰਜ ਮੌਜੂਦਾ ਦਰਿਆਵਾਂ (ਸਤਲੁਜ, ਬਿਆਸ, ਰਾਵੀ, ਜੇਹਲਮ ਅਤੇ ਚਨਾਬ) ਦੁਆਰਾ ਵਗਦਾ ਹੈ। ਇਸ ਵਿੱਚ ਨੌਜਵਾਨਾਂ ਨੂੰ ਸੁਨੇਹਾ ਦਿਤਾ ਗਿਆ ਕਿ ਇਨ੍ਹਾਂ ਦਰਿਆਵਾਂ ਨੂੰ ਪ੍ਰਦੂਸ਼ਣ ਜਾਂ ਬੇਲੋੜੀ ਵਰਤੋਂ ਤੋਂ ਬਚਾਇਆ ਜਾ ਸਕਦਾ ਹੈ।
