ਕਿਹਾ ਕਿ ਕੇਂਦਰ ਸਰਕਾਰ ਵੱਲੋਂ ਪਾਸ ਕੀਤੇ ਕਾਲੇ ਕਾਨੂੰਨ ਕਾਰਪੋਰੇਟ ਘਰਾਣਿਆਂ ਦੇ ਕਾਲੇ ਧਨ ਨੂੰ ਚਿੱਟੇ ਧਨ ਵਿੱਚ ਬਦਲਣ ਦਾ ਇੱਕ ਸਾਧਨ ਹੈ ।
ਨਵੀਂ ਦਿੱਲੀ : ਦਿੱਲੀ ਦੇ ਚਾਰਟਰਡ ਅਕਾਊਂਟੈਂਟ ਨੇ ਕਿਸਾਨੀ ਮੋਰਚੇ ਵਿੱਚ ਪਹੁੰਚ ਕੇ ਕਾਨੂੰਨਾਂ ਨੂੰ ਲੈ ਕੇ ਹੈਰਾਨੀਜਨਕ ਖੁਲਾਸੇ ਕਰਦਿਆਂ ਕਿਹਾ ਕਿ ਇਹ ਕੇਂਦਰ ਸਰਕਾਰ ਵੱਲੋਂ ਬਣਾਏ ਕਾਨੂੰਨ ਕਾਲੇ ਧਨ ਨੂੰ ਚਿੱਟੇ ਵਿੱਚ ਬਦਲਣ ਦਾ ਇਕ ਜ਼ਰੀਆ ਹੈ । ਇਹ ਦੁਨਿਆ ਦਾ ਸਭ ਵੱਡਾ ਘਪਲਾ ਸਿੱਧ ਹੋਣ ਜਾ ਰਿਹਾ ਹੈ ।ਦਿੱਲੀ ਦੇ ਚਾਰਟਰਡ ਅਕਾਉਂਟੈਂਟ ਪ੍ਰਕਾਸ਼ ਬੱਤਰਾ ਨੇ ਕਿਹਾ ਕਿ ਕੇਂਦਰ ਸਰਕਾਰ ਕਾਰਪੋਰੇਟ ਘਰਣਿਆਂ ਦਾ ਸਰਕਾਰ ਹੈ , ਸਰਕਾਰ ਵੱਲੋਂਂ ਪਾਸ ਕੀਤੇ ਕਾਲੇ ਕਾਨੂੰਨ ਕਾਰਪੋਰੇਟ ਘਰਾਣਿਆਂ ਦੇ ਕਾਲੇ ਧਨ ਨੂੰ ਚਿੱਟੇ ਧਨ ਵਿੱਚ ਬਦਲਣ ਦਾ ਇੱਕ ਸਾਧਨ ਹੈ ।
ਉਨ੍ਹਾਂ ਕਿਹਾ ਕਿ ਕਾਨੂੰਨ ਰਾਹੀਂ ਕਾਰਪੋਰੇਟ ਘਰਾਣੇ ਹੇੋਰ ਅਮੀਰ ਹੋ ਜਾਣਗੇ ਅਤੇ ਦੇਸ਼ ਦਾ ਕਿਸਾਨ ਹੋਰ ਗਰੀਬ ਹੋ ਜਾਵੇਗਾ । ਕਾਰਪੋਰੇਟ ਘਰਾਣਿਆਂ ਨੇ ਪਹਿਲਾਂ ਹੀ ਦੇਸ਼ ਦਾ ਬਹੁਤ ਨੁਕਸਾਨ ਕੀਤਾ ਹੈ । ਉਨ੍ਹਾਂ ਕਿਹਾ ਕਿ ਦੇਸ਼ ਦੇ ਕਿਸਾਨ ਅੱਤਵਾਦੀ ਨਹੀਂ ਸਗੋਂ ਦੇਸ਼ ਦਾ ਅੰਨਦਾਤਾ ਹੈ । ਜੇਕਰ ਆਪਣੇ ਹੱਕ ਮੰਗਣ ਵਾਲਾ ਅਤਿਵਾਦੀ ਹੈ ਤਾਂ ਮੈਂ ਕਿਸਾਨਾਂ ਦੇ ਸੰਘਰਸ਼ ਦੀ ਹਮਾਇਤ ਵਿੱਚ ਆਇਆ ਹਾਂ ਅਤੇ ਮੈਂ ਵੀ ਅਤਿਵਾਦੀ ਹਾਂ ।
ਬਤਰਾ ਨੇ ਕਿਹਾ ਕਿ ਅਜਿਹੇ ਕਾਨੂੰਨਾਂ ਦੇ ਆਉਣ ਨਾਲ ਦੇਸ਼ ਵਿਚ ਘਪਲਿਆਂ ਦੀ ਭਰਮਾਰ ਹੋ ਜਾਵੇਗੀ, ਕਾਰਪੋਰੇਟ ਘਰਾਣੇ ਘਪਲਿਆਂ ਰਾਹੀਂ ਦੇਸ਼ ਦੀ ਸੰਪਤੀ ਨੂੰ ਹੜੱਪ ਲੈਣਗੇ । ਦੇਸ਼ ਆਰਥਿਕ ਤੌਰ ਤੇ ਹੋਰ ਕਮਜ਼ੋਰ ਹੋ ਜਾਵੇਗਾ । ਉਨ੍ਹਾਂ ਕਿਹਾ ਕਿ ਮੈਂ ਦਿੱਲੀ ਨਿਵਾਸੀ ਹਾਂ ਅਤੇ ਕਿਸਾਨਾਂ ਦੇ ਹੱਕੀ ਸੰਘਰਸ਼ ਦੀ ਦਿਲੋ ਹਮਾਇਤ ਕਰਦਾ ਹਾਂ , ਕੇਂਦਰ ਸਰਕਾਰ ਨੂੰ ਅਪੀਲ ਕਰਦਾ ਹਾਂ ਕਿ ਕਿਸਾਨਾਂ ਦੀਆਂ ਮੰਗਾਂ ਨੂੰ ਪ੍ਰਵਾਨ ਕਰਦੇ ਹੋਏ ਸੰਘਰਸ਼ ਨੂੰ ਖ਼ਤਮ ਕਰੇ ।