4 Years old child falls into borewell
ਆਪਦਾ ਪ੍ਰਬੰਧਨ ਟੀਮ ਬੋਰਵੈੱਲ ਦੇ ਨੇੜੇ ਦੂਜਾ ਖੱਡਾ ਖੋਦਣ ਵਿਚ ਲੱਗੀ
ਜੈਪੁਰ : ਰਾਜਸਥਾਨ ਦੇ ਸਿਰੋਹੀ ਜਿਲ੍ਹੇ ਦੇ ਸ਼ਿਵਗੰਜ ਵਿਚ ਇਕ 4 ਸਾਲ ਦਾ ਬੱਚਾ ਬੋਰਵੈੱਲ ਵਿਚ ਡਿੱਗ ਗਿਆ ਹੈ। ਘਟਨਾ ਵੀਰਵਾਰ ਸਵੇਰ ਦੀ ਦੱਸੀ ਜਾ ਰਹੀ ਹੈ। ਇੱਥੇ ਪਿੰਡ ਛੱਬਾ ਦੇ ਖੇਤ ਵਿਚ ਇਕ ਬੱਚਾ ਖੇਡਦੇ-ਖੇਡਦੇ ਖੁਲ੍ਹੇ ਬੋਰਵੈੱਲ ਵਿਚ ਡਿੱਗ ਗਿਆ।
4 Years old child falls into borewell
ਬੱਚੇ ਦੇ ਬੋਰਵੈੱਲ ਵਿਚ ਡਿੱਗਣ ਦੀ ਜਾਣਕਾਰੀ ਪੂਰੇ ਪਿੰਡ ਵਿਚ ਅੱਗ ਦੀ ਤਰ੍ਹਾਂ ਫੈਲ ਗਈ ਅਤੇ ਵੇਖਦੇ ਹੀ ਵੇਖਦੇ ਪਿੰਡ ਵਾਲਿਆਂ ਦੀ ਭੀੜ ਇੱਕਠੀ ਹੋ ਗਈ। ਸਥਾਨਕ ਵਿਧਾਇਕ ਸੰਯਮ ਲੋਡਾ ਅਤੇ ਸ਼ਿਵਗੰਜ ਥਾਣੇ ਨੂੰ ਘਟਨਾ ਦੀ ਸੂਚਨਾ ਮਿਲੀ ਤਾਂ ਪ੍ਰਸ਼ਾਸਨ ਹਰਕਤ ਵਿਚ ਆ ਗਿਆ ਅਤੇ ਆਪਦਾ ਪ੍ਰਬੰਧਨ ਦੀ ਟੀਮ ਮੌਕੇ ਤੇ ਪਹੁੰਚ ਗਈ।
file photo
ਫਿਲਹਾਲ ਬੱਚੇ ਨੂੰ ਬਚਾਉਣ ਲਈ ਬਚਾਅ ਕਾਰਜ ਜਾਰੀ ਹੈ। ਤਾਜਾ ਜਾਣਕਾਰੀ ਮੁਤਾਬਕ ਬੋਰਵੈੱਲ ਵਿਚ ਬੱਚੇ ਦੇ ਲਈ ਆਕਸੀਜਨ ਸਪਲਾਈ ਕੀਤੀ ਜਾ ਰਹੀ ਹੈ। ਬੱਚੇ ਨੂੰ ਬਚਾਉਣ ਦੇ ਲਈ ਆਪਦਾ ਪ੍ਰਬੰਧਨ ਟੀਮ ਬੋਰਵੈੱਲ ਦੇ ਨੇੜੇ ਦੂਜਾ ਖੱਡਾ ਖੋਦਣ ਵਿਚ ਲੱਗੀ ਹੋਈ ਹੈ। ਮੌਕੇ ਉੱਤੇ ਐਸਡੀਐਮ ਭਗੀਰਥ ਚੌਧਰੀ ਵੀ ਮੌਜੂਦ ਹਨ।
