ਤਮਿਲਨਾਡੁ ਦੇ ਪੰਜ ਵਾਰ ਮੁਖ ਮੰਤਰੀ ਰਹੇ ਅਤੇ ਕਲਾਈਨਾਰ ਦੇ ਨਾਮ ਨਾਲ ਮਸ਼ਹੂਰ ਡੀਐਮਕੇ ਦੇ ਪ੍ਰੈਜ਼ੀਡੈਂਟ ਮੁਥੁਵੇਲ ਕਰੁਣਾਨਿਧਿ
ਚੇਨਈ, ਤਮਿਲਨਾਡੁ ਦੇ ਪੰਜ ਵਾਰ ਮੁਖ ਮੰਤਰੀ ਰਹੇ ਅਤੇ ਕਲਾਈਨਾਰ ਦੇ ਨਾਮ ਨਾਲ ਮਸ਼ਹੂਰ ਡੀਐਮਕੇ ਦੇ ਪ੍ਰੈਜ਼ੀਡੈਂਟ ਮੁਥੁਵੇਲ ਕਰੁਣਾਨਿਧਿ ਦਾ ਮੰਗਲਵਾਰ ਸ਼ਾਮ ਚੇਨਈ ਦੇ ਕਾਵੇਰੀ ਹਸਪਤਾਲ ਵਿਚ 94 ਸਾਲ ਦੀ ਉਮਰ ਭੋਗ ਕੇ ਸੰਸਾਰ ਨੂੰ ਅਲਵਿਦਾ ਕਹਿ ਗਏ। ਦਰਵਿੜ ਅੰਦੋਲਨ ਦੀ ਉਪਜ ਐਮ ਕਰੁਣਾਨਿਧਿ ਆਪਣੇ ਕਰੀਬ 6 ਦਹਾਕਿਆਂ ਦੇ ਰਾਜਨੀਤਕ ਕਰਿਅਰ ਵਿਚ ਜ਼ਿਆਦਾਤਰ ਸਮਾਂ ਰਾਜ ਦੀ ਸਿਆਸਤ ਦਾ ਇੱਕ ਥੰਮ ਬਣੇ ਰਹੇ। ਉਹ 50 ਸਾਲ ਤੱਕ ਆਪਣੀ ਪਾਰਟੀ ਡੀਐਮਕੇ ਦੇ ਪ੍ਰੈਜ਼ੀਡੈਂਟ ਰਹੇ।
M Karunanidhi is No more
ਬਹੁਮੁਖੀ ਪ੍ਰਤਿਭਾ ਦੇ ਧਨੀ ਐਮ ਕਰੁਣਾਨਿਧਿ ਤਮਿਲ ਭਾਸ਼ਾ 'ਤੇ ਚੰਗੀ ਪਕੜ ਰੱਖਦੇ ਸਨ। ਉਨ੍ਹਾਂ ਨੇ ਕਈ ਕਿਤਾਬਾਂ, ਨਾਵਲ, ਨਾਟਕਾਂ ਅਤੇ ਤਮਿਲ ਫ਼ਿਲਮਾਂ ਲਈ ਸੰਵਾਦ ਵੀ ਲਿਖੇ। ਤਮਿਲ ਸਿਨੇਮਾ ਤੋਂ ਰਾਜਨੀਤੀ ਵਿਚ ਕਦਮ ਰੱਖਣ ਵਾਲੇ ਕਰੁਣਾਨਿਧਿ ਕਰੀਬ 6 ਦਹਾਕਿਆਂ ਦੇ ਆਪਣੇ ਰਾਜਨੀਤਕ ਜੀਵਨ ਵਿਚ ਇੱਕ ਵੀ ਚੋਣ ਨਹੀਂ ਹਾਰੇ। ਕਰੁਣਾਨਿਧਿ ਦੇ ਸਮਰਥਕ ਉਨ੍ਹਾਂ ਨੂੰ ਪਿਆਰ ਨਾਲ ਕਲਾਈਨਾਰ ਯਾਨੀ ਕਲਾ ਦਾ ਵਿਦਵਾਨ ਕਹਿੰਦੇ ਹਨ। ਕਰੁਣਾਨਿਧਿ ਯੂਰਿਨਰੀ ਟ੍ਰੈਕਟ ਇੰਫੇਕਸ਼ਨ ਅਤੇ ਬੁਢੇਪੇ ਵਿਚ ਹੋਣ ਵਾਲੀਆਂ ਕਈ ਬੀਮਾਰੀਆਂ ਤੋਂ ਪੀੜਤ ਸਨ।
M Karunanidhi is No more
ਕਰੁਣਾਨਿਧਿ ਦੇ ਬਲਡ ਪ੍ਰੈਸ਼ਰ ਵਿਚ ਗਿਰਾਵਟ ਆਉਣ ਦੇ ਕਾਰਨ ਸ਼ਨੀਵਾਰ ਰਾਤ ਨੂੰ ਚੇਂਨਨੈ ਦੇ ਕਾਵੇਰੀ ਹਸਪਤਾਲ ਦੇ ਆਈਸੀਯੂ ਵਿਚ ਭਰਤੀ ਕਰਾਇਆ ਗਿਆ ਸੀ। ਸ਼ੁਰੁਆਤੀ ਇਲਾਜ ਦੇ ਬਾਅਦ ਉਨ੍ਹਾਂ ਦਾ ਬਲਡ ਪ੍ਰੇਸ਼ਰ ਕੰਟਰੋਲ ਵਿੱਚ ਕਰ ਲਿਆ ਗਿਆ ਸੀ। ਸ਼ਨੀਵਾਰ ਰਾਤ ਨੂੰ ਹਸਪਤਾਲ ਨੇ ਇੱਕ ਬਿਆਨ ਜਾਰੀ ਕਰਦਿਆਂ ਦੱਸਿਆ ਕਿ ਕਰੁਣਾਨਿਧਿ ਦੀ ਸਿਹਤ ਕਾਫੀ ਵਿਗੜ ਗਈ ਹੈ। ਸੋਮਵਾਰ ਨੂੰ ਕਰੁਣਾਨਿਧਿ ਦੀ ਤਬਿਅਤ ਜਿਆਦਾ ਖ਼ਰਾਬ ਹੋ ਗਈ ਹੈ। ਪੂਰੀ ਡਾਕਟਰੀ ਸਹਾਇਤਾ ਤੋਂ ਬਾਅਦ ਵੀ ਉਨ੍ਹਾਂ ਦੇ ਅੰਗਾਂ ਦੇ ਕੰਮ ਕਰਨ ਦੀ ਰਫ਼ਤਾਰ ਘੱਟ ਹੁੰਦੀ ਜਾ ਰਹੀ ਸੀ।
M Karunanidhi is No more
ਉਨ੍ਹਾਂ ਦੀ ਹਾਲਤ ਬਹੁਤ ਹੀ ਨਾਜ਼ਕ ਅਤੇ ਅਸਥਿਰ ਬਣੀ ਹੋਈ ਸੀ। ਦੇਰ ਸ਼ਾਮ ਨੂੰ ਹਸਪਤਾਲ ਨੇ ਕਰੁਣਾਨਿਧਿ ਨੂੰ ਮ੍ਰਿਤ ਘੋਸ਼ਿਤ ਕਰ ਦਿੱਤਾ। ਹਾੜਪਤਾਲ ਨੇ ਦੱਸਿਆ ਕਿ ਕਰੁਣਾਨਿਧਿ ਦੀ ਸ਼ਾਮ 6:10 'ਤੇ ਮੌਤ ਹੋ ਗਈ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਕਰੁਣਾਨਿਧਿ ਦੀ ਇੱਕ ਸਿਹਤਮੰਦ ਜੀਵਨ ਸ਼ੈਲੀ ਦੇ ਇਨਸਾਨ ਸਨ। ਉਹ ਸਵੇਰੇ ਜਲਦੀ ਉਠ ਜਾਂਦੇ ਸਨ ਅਤੇ ਯੋਗ ਕਰਦੇ ਸਨ। ਉਹ ਕਾਫ਼ੀ ਪੈਦਲ ਚਲਦੇ ਸਨ ਅਤੇ ਆਮ ਭੋਜਨ ਕਰਦੇ ਸਨ। ਸਾਲ 2016 ਤੋਂ ਬਾਅਦ ਉਨ੍ਹਾਂ ਨੂੰ ਕਈ ਵਾਰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ। ਪਿੱਠ ਅਤੇ ਪੈਰਾਂ ਵਿਚ ਦਰਦ ਦੇ ਕਾਰਨ ਸਾਲ 2009 ਵਿਚ ਉਨ੍ਹਾਂ ਦੀ ਸਰਜਰੀ ਹੋਈ ਸੀ।
M Karunanidhi is No more
ਦਸੰਬਰ 2016 ਵਿਚ ਉਨ੍ਹਾਂ ਦੀ ਸਾਹਨਲੀ ਦਾ ਆਪਰੇਸ਼ਨ ਹੋਇਆ ਸੀ ਤਾਂਕਿ ਉਹ ਚੰਗੀ ਤਰਾਂ ਸਾਹ ਲੈ ਸਕਣ। ਉਨ੍ਹਾਂ ਦੇ ਢਿੱਡ ਦੇ ਅੰਦਰ ਇੱਕ ਟਿਊਬ ਵੀ ਪਾਈ ਗਈ ਸੀ ਤਾਂਕਿ ਖਾਦ ਪਦਾਰਥ ਅਤੇ ਦਵਾਈਆਂ ਸਿਧੀਆਂ ਉਨ੍ਹਾਂ ਦੇ ਢਿੱਡ ਵਿਚ ਪਾਈਆਂ ਜਾ ਸਕਣ। ਪਿਛਲੇ ਇੱਕ ਸਾਲ ਤੋਂ ਉਹ ਘਰ ਤੋਂ ਬਹੁਤ ਘੱਟ ਨਿਕਲ ਰਹੇ ਸਨ ਅਤੇ ਲੋਕਾਂ ਨਾਲ ਉਨ੍ਹਾਂ ਦਾ ਮਿਲਣਾ - ਜੁਲਨਾ ਘੱਟ ਹੋ ਗਿਆ ਸੀ। ਉਨ੍ਹਾਂ ਦੀ ਟਿਊਬ ਬਦਲਣ ਲਈ 19 ਜੁਲਾਈ ਨੂੰ ਉਨ੍ਹਾਂ ਨੂੰ ਕਾਵੇਰੀ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਸੀ। ਸ਼ਾਮ ਨੂੰ ਉਨ੍ਹਾਂ ਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ ਸੀ।
M Karunanidhi is No more
ਕਰੁਣਾਨਿਧਿ ਦੇ ਹਸਪਤਾਲ ਵਿਚ ਭਰਤੀ ਕਰਵਾਏ ਜਾਣ ਤੋਂ ਬਾਅਦ ਹੀ ਹਜ਼ਾਰਾਂ ਦੀ ਸੰਖਿਆ ਵਿਚ ਡੀਐਮਕੇ ਦੇ ਕਰਮਚਾਰੀ ਆਪਣੇ ਪਿਆਰੇ ਨੇਤਾ ਲਈ ਦੁਆਵਾਂ ਵਿਚ ਜੁਟੇ ਹੋਏ ਸਨ। ਉਨ੍ਹਾਂ ਨੂੰ ਉਂਮੀਦ ਸੀ ਕਿ ਕਲਾਈਨਾਰ ਮੌਤ ਨੂੰ ਮਾਤ ਦੇਕੇ ਇੱਕ ਵਾਰ ਫਿਰ ਉਨ੍ਹਾਂ ਦੇ ਵਿਚ ਹੋਣਗੇ। ਹੱਥਾਂ ਵਿਚ ਕਰੁਣਾਨਿਧਿ ਦੀ ਫੋਟੋ ਲਈ ਪ੍ਰਸ਼ੰਸਕਾਂ ਦਾ ਰੋ - ਰੋ ਕੇ ਬੁਰਾ ਹਾਲ ਹੋ ਗਿਆ। ਵੱਡੀ ਸੰਖਿਆ ਵਿਚ ਮਹਿਲਾ ਪ੍ਰਸ਼ੰਸਕ ਵੀ ਕਰੁਣਾਨਿਧਿ ਦੀ ਸਿਹਤ ਲਈ ਦੁਆ ਕਰਨ ਪਹੁੰਚੀਆਂ।
