ਕੇਰਲ ਦੇ ਇਡੁੱਕੀ ਵਿਚ ਤਕਨੋਲਜੀ ਇੰਸਟੀਟਿਊਟ ਦੇ ਪਹਿਲੇ ਸਾਲ ਦੇ ਵਿਦਿਆਰਥੀ ਨੂੰ ਸੀਨੀਅਰਸ ਦੁਆਰਾ ਰੈਗਿੰਗ ਕਰਨ ਦਾ ਦਿਲ
ਕੇਰਲ : ਕੇਰਲ ਦੇ ਇਡੁੱਕੀ ਵਿਚ ਤਕਨੋਲਜੀ ਇੰਸਟੀਟਿਊਟ ਦੇ ਪਹਿਲੇ ਸਾਲ ਦੇ ਵਿਦਿਆਰਥੀ ਨੂੰ ਸੀਨੀਅਰਸ ਦੁਆਰਾ ਰੈਗਿੰਗ ਕਰਨ ਦਾ ਦਿਲ ਦਹਿਲਾਉਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਪਹਿਲੇ ਸਾਲ ਦੇ ਇੱਕ ਵਿਦਿਆਰਥੀ ਨੂੰ ਸੀਨੀਅਰਸ ਨੇ ਰੈਗਿੰਗ ਦੇ ਦੌਰਾਨ ਕਥਿਤ ਤੌਰ `ਤੇ ਕਾਫ਼ੀ ਬੁਰੀ ਤਰ੍ਹਾਂ ਨਾਲ ਕੁੱਟਿਆ , ਜਿਸ ਦੇ ਬਾਅਦ ਉਸ ਨੂੰ ਹਸਪਤਾਲ ਵਿਚ ਭਰਤੀ ਹੋਣਾ ਪਿਆ.
ਹਸਪਤਾਲ ਦੇ ਡਾਕਟਰਾਂ ਦਾ ਕਹਿਣਾ ਹੈ ਕਿ ਪੀੜਤ ਵਿਦਿਆਰਥੀ ਦੇ ਪੈਰ ਵਿਚ ਕਈ ਜਗ੍ਹਾ ਸੱਟਾਂ ਲੱਗੀਆਂ ਹਨ। ਹਾਲਾਂਕਿ ,ਦੂਸਰੇ ਸਾਲ ਦੇ ਪੰਜ ਵਿਦਿਆਰਥੀਆਂ `ਤੇ ਸ਼ਿਕਾਇਤ ਦੇ ਬਾਅਦ ਰੈਗਿੰਗ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ। 23 ਸਾਲ ਦੇ ਅਤੁੱਲ ਮੋਹਨ ਨੇ ਕਿਹਾ ਕਿ ਮੈਨੂੰ ਕਰੀਬ ਤਿੰਨ ਘੰਟੇ ਤਕ ਕੁੱਟਿਆ ਗਿਆ। ਮੋਹਨ ਨੇ ਦਸਿਆ ਹੈ ਕਿ ਘਟਨਾ ਨੂੰ ਯਾਦ ਕਰਦੇ ਹੋਏ ਉਨ੍ਹਾਂ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਨ੍ਹਾਂ ਨੂੰ ਕੁੱਝ ਸੀਨੀਅਰਸ ਦੁਆਰਾ ਡੀਸੀ ਸਕੂਲ ਆਫ ਮੈਨੇਜਮੇਂਟ ਐਂਡ ਤਕਨੋਲਜੀ ਦੀ ਬਿਲਡਿੰਗ ਤੋਂ ਬਾਹਰ ਨਿਕਲਣ ਲਈ ਮਜਬੂਰ ਕੀਤਾ ਗਿਆ।
ਅਤੁੱਲ ਨੇ ਕਿਹਾ, ਉਨ੍ਹਾਂ ਲੋਕਾਂ ਨੇ ਮੈਨੂੰ ਇੱਕ ਹੱਥ ਵਿਚ ਇਕ ਰਾਡ ਅਤੇ ਇੱਕ ਸੈਲਫੋਨ ਫੜਨ ਲਈ ਕਿਹਾ, ਫਿਰ ਉਨ੍ਹਾਂ ਨੇ ਮੇਰੇ ਇਸ ਹੱਥ ਉੱਤੇ ਡੰਡੇ ਨਾਲ ਮਾਰਨਾ ਸ਼ੁਰੂ ਕਰ ਦਿੱਤਾ। ਨਾਲ ਹੀ ਇਹ ਵੀ ਹਿਦਾਇਤ ਦਿੱਤੀ ਕਿ ਨਾ ਤਾਂ ਫੋਨ ਅਤੇ ਨਾ ਹੀ ਰਾਡ ਹੱਥ ਤੋਂ ਡਿਗਣਾ ਚਾਹੀਦਾ ਹੈ। ਪਰ ਲਗਾਤਾਰ ਡੰਡੇ ਨਾਲ ਕੁੱਟੇ ਜਾਣ ਦੀ ਵਜ੍ਹਾ ਨਾਲ ਮੇਰੇ ਹੱਥ ਤੋਂ ਮੋਬਾਇਲ ਫੋਨ ਡਿੱਗ ਗਿਆ , ਤਾਂ ਉਸ ਦੇ ਬਾਅਦ ਉਨ੍ਹਾਂ ਲੋਕਾਂ ਨੇ ਹੋਰ ਵੀ ਬੁਰੀ ਤਰ੍ਹਾਂ ਨਾਲ ਮੈਨੂੰ ਮਾਰਨਾ ਸ਼ੁਰੂ ਕਰ ਦਿੱਤਾ।
ਹਾਲਾਂਕਿ , ਹੁਣ ਕਾਲਜ ਦੇ ਵਿਦਿਆਰਥੀਆਂ ਦਾ ਇਲਜ਼ਾਮ ਹੈ ਕਿ ਕੈਂਪਸ ਵਿਚ ਰੈਗਿੰਗ ਹੁਣ ਹਰ ਦਿਨ ਦੀ ਗੱਲ ਹੋ ਗਈ ਹੈ। ਕਈਆਂ ਨੇ ਕਿਹਾ ਕਿ ਰੈਗਿੰਗ ਦੀ ਵਜ੍ਹਾ ਨਾਲ ਅਸੀ ਲੋਕ ਹੋਸਟਲ ਤੋਂ ਬਾਹਰ ਨਿਕਲਣ ਲਈ ਵੀ ਡਰ ਰਹੇ ਹਾਂ। 22 ਜੂਨ ਨੂੰ ਕਾਲਜ ਵਿਚ ਪੜਾਈ ਸ਼ੁਰੂ ਕਰਣ ਵਾਲੇ ਮੋਹਨ ਨੇ ਕਿਹਾ ਕਿ ਰੈਗਿੰਗ ਤੋਂ ਬਚਨ ਲਈ ਮੈਂ ਸੀਨੀਅਰਸ ਨੂੰ ਝੂਠ ਵੀ ਬੋਲਿਆ। ਮੈਂ ਉਨ੍ਹਾਂ ਨੂੰ ਕਿਹਾ ਕਿ ਮੈਨੂੰ ਮੋਚ ਆ ਗਈ ਹੈ। ਪਰ ਉਸ ਦਾ ਕਹਿਣਾ ਹੈ ਕਿ ਉਹਨਾਂ ਨੂੰ ਪਤਾ ਚਲਦੇ ਹੀ ਉਹਨਾਂ ਨੇ ਮੈਨੂੰ ਫਿਰ ਤੋਂ ਬੁਰੀ ਤਰਾਂ ਨਾਲ ਕੁੱਟਿਆ।
