ਦਾਕਾਰਾ ਸ਼ਿਲਪਾ ਸ਼ੈਟੀ ਨੇ ਐਤਵਾਰ ਨੂੰ ਕਿਹਾ ਕਿ ਸਮਾਂ ਆ ਗਿਆ ਹੈ ਜਦੋਂ ਔਰਤਾਂ ਅਪਣੇ ਨਾਲ ਹੋਈ ਜਿਸਮਾਨੀ ਪਰੇਸ਼ਾਨੀ ਦੇ ਬਾਰੇ ਵਿਚ...
ਨਵੀਂ ਦਿੱਲੀ : ਅਦਾਕਾਰਾ ਸ਼ਿਲਪਾ ਸ਼ੈਟੀ ਨੇ ਐਤਵਾਰ ਨੂੰ ਕਿਹਾ ਕਿ ਸਮਾਂ ਆ ਗਿਆ ਹੈ ਜਦੋਂ ਔਰਤਾਂ ਅਪਣੇ ਨਾਲ ਹੋਈ ਜਿਸਮਾਨੀ ਪਰੇਸ਼ਾਨੀ ਦੇ ਬਾਰੇ ਵਿਚ ਗੱਲ ਕਰਨ ਪਰ ‘ਮੀ ਟੂ ਹੈਸ਼ਟੈਗ ਦੇ ਨਾਲ ਨਹੀਂ ਸਗੋਂ ਯੂ ਟੂ’ ਦੇ ਨਾਲ, ਕਿਉਂਕਿ ਇਸ ਵਿਚ ਦੋਸ਼ੀ ਪੁਰਸ਼ ਹਨ। ਸ਼ਿਲਪਾ ਨੇ ਦਸ ਸਾਲ ਪਹਿਲਾਂ ਇਕ ਫਿਲਮ ਦੇ ਸੈਟ ‘ਤੇ ਨਾਨਾ ਪਾਟੇਕਰ ਦੇ ਕਥਿਤ ਪਰੇਸ਼ਾਨੀ ਦੇ ਬਾਰੇ ਗੱਲ ਕਰਨ ਲਈ ਤਨੂਸ਼੍ਰੀ ਦੱਤਾ ਦੀ ਤਾਰੀਫ਼ ਕੀਤੀ ਅਤੇ ਕਿਹਾ ਕਿ ਇਸ ਤੋਂ ਇਕ ਅਭਿਆਨ ਦੀ ਸ਼ੁਰੂਆਤ ਹੋਈ ਹੈ। ਸ਼ਿਲਪਾ ਨੇ ਗੱਲਬਾਤ ਕਰਦੇ ਹੋਏ ਕਿਹਾ, ‘ਕਿਸੇ ਵੀ ਜਗ੍ਹਾ ਤੇ ਕਲਾਕਾਰਾਂ ਲਈ ਕੰਮ ਕਰਨ ਦਾ ਮਾਹੌਲ ਸੁਰੱਖਿਅਤ ਹੋਣਾ ਚਾਹੀਦਾ ਹੈ।
ਇਹ ਇਕ ਸ਼ਰਤ ਹੋਣੀ ਚਾਹੀਦੀ ਹੈ। ਤਨੂਸ਼੍ਰੀ ਦੱਤਾ ਨੇ ਜੋ ਅਭਿਆਨ ਚਲਾਇਆ ਹੈ ਉਸ ਵਿਚ ਇਕ ਔਰਤ ਅਤੇ ਇਕ ਇਨਸਾਨ ਦੇ ਤੌਰ ‘ਤੇ ਮੈਂ ਉਨ੍ਹਾਂ ਦੇ ਨਾਲ ਹਾਂ ਕਿਉਂਕਿ ਇਸ ਤਰ੍ਹਾਂ ਦੀਆਂ ਚੀਜ਼ਾਂ ਨੂੰ ਦਬਾ ਦਿੱਤਾ ਜਾਂਦਾ ਹੈ।’ ਪਾਟੇਕਰ ਨੇ ਜਿਸਮਾਨੀ ਪਰੇਸ਼ਾਨੀ ਦੇ ਦੋਸ਼ਾਂ ਤੋਂ ਇਨਕਾਰ ਕੀਤਾ ਹੈ। ਸ਼ਿਲਪਾ ਨੇ ਕਿਹਾ ਕਿ ਔਰਤਾਂ ਨੂੰ ਕਮਜ਼ੋਰ ਜਾਂ ਅਪਣੇ ਆਪ ਨੂੰ ਦੋਸ਼ੀ ਨਹੀਂ ਠਹਰਾਉਣਾ ਚਾਹੀਦਾ ਸਗੋਂ ਅੱਜ ਦੇ ਸਮੇਂ ਵਿਚ ਮਜ਼ਬੂਤ ਰਹਿਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਕਿਹਾ, ਅਸੀਂ ਨਹੀਂ ਜਾਣਦੇ ਕਿ ਕੀ ਚਲ ਰਿਹਾ ਹੈ ਪਰ ਇਸ ਤੋਂ ਇਕ ਅਭਿਆਨ ਦੀ ਸ਼ੁਰੂਆਤ ਹੋਈ ਹੈ। ਹੁਣ ਸਮਾਂ ਆ ਗਿਆ ਹੈ ਜਦੋਂ ਔਰਤਾਂ ਅਪਣੀ ਕਮਾਨ ਖ਼ੁਦ ਸੰਭਾਲਣਗੀਆਂ।
ਹੈਸ਼ਟੈਗ ਮੀ ਟੂ ਨਹੀਂ ਹੋ ਸਕਦਾ ਬਲਕਿ ਇਹ ਮਰਦਾਂ ਦੇ ਲਈ ਯੂ ਟੂ ਹੋਣਾ ਚਾਹੀਦਾ ਹੈ। ਸ਼ਿਲਪਾ ਨੇ ਇਹ ਵੀ ਕਿਹਾ ਕਿ ਉਹ ਇਸ ਲਈ ਨਹੀਂ ਫਿਟ ਰਹਿਣਾ ਚਾਹੁੰਦੀ ਕਿਉਂਕਿ ਉਹ ਇਕ ਅਦਾਕਾਰਾ ਹੈ ਬਲਕਿ ਇਸ ਲਈ ਫਿਟ ਰਹਿਣਾ ਚਾਹੁੰਦੀ ਹੈ ਕਿਉਂਕਿ ਉਹਨਾਂ ਵਿਚ ਫਿਟਨਸ ਦਾ ਉਤਸ਼ਾਹ ਹੈ। ਇਸ ਲਈ ਉਨ੍ਹਾਂ ਨੇ ਅਪਣੇ ਪਿਤਾ ਦਾ ਅਹਿਸਾਨ ਜਤਾਇਆ।