ਤਨੂਸ਼੍ਰੀ ਦੱਤਾ ਦੁਆਰਾ ਨਾਨਾ ਪਾਟੇਕਰ ਉਤੇ ਲਗਾਏ ਗਏ ਸੈਕਸ਼ੂਅਲ ਹਰਾਸਮੈਂਟ ਦੇ ਦੋਸ਼ਾਂ ਤੋਂ ਬਾਅਦ ਇਹ ਖ਼ਬਰ ਲਗਾਤਾਰ ਸੁਰਖੀਆਂ ਵਿਚ...
ਮੁੰਬਈ : ਤਨੂਸ਼੍ਰੀ ਦੱਤਾ ਦੁਆਰਾ ਨਾਨਾ ਪਾਟੇਕਰ ਉਤੇ ਲਗਾਏ ਗਏ ਸੈਕਸ਼ੂਅਲ ਹਰਾਸਮੈਂਟ ਦੇ ਦੋਸ਼ਾਂ ਤੋਂ ਬਾਅਦ ਇਹ ਖ਼ਬਰ ਲਗਾਤਾਰ ਸੁਰਖੀਆਂ ਵਿਚ ਹੈ। ਹੁਣ ਸੁਣਨ ਵਿਚ ਆ ਰਿਹਾ ਹੈ ਕਿ ਨਾਨਾ ਪਾਟੇਕਰ ਨੇ ਤਨੂਸ਼੍ਰੀ ਦੁਆਰਾ ਲਗਾਏ ਦੋਸ਼ਾਂ ਉਤੇ ਉਨ੍ਹਾਂ ਨੂੰ ਇਕ ਕਾਨੂੰਨੀ ਨੋਟਿਸ ਭੇਜਿਆ ਹੈ। ਇਸ ਗੱਲ ਦੀ ਜਾਂਚ ਨਾਨਾ ਦੇ ਵਕੀਲ ਰਾਜਿੰਦਰ ਸ਼ਿਰੋਡਕਰ ਨੇ ਵੀ ਕੀਤੀ ਹੈ। ਨਾਨਾ ਪਾਟੇਕਰ ਦੇ ਵਕੀਲ ਸ਼ਿਰੋਡਕਰ ਨੇ ਸੋਮਵਾਰ ਨੂੰ ਦੱਸਿਆ ਕਿ ਤਨੂਸ਼੍ਰੀ ਦੱਤਾ ਨੂੰ ਕਾਨੂੰਨੀ ਨੋਟਿਸ ਭੇਜ ਦਿੱਤਾ ਗਿਆ ਹੈ ਜੋ ਅੱਜ ਉਨ੍ਹਾਂ ਨੂੰ ਮਿਲ ਜਾਏਗਾ।
ਉਨ੍ਹਾਂ ਨੇ ਕਿਹਾ, ‘ਮੈਂ ਤਨੂਸ਼੍ਰੀ ਦੱਤਾ ਨੂੰ ਜੋ ਕਾਨੂੰਨੀ ਨੋਟਿਸ ਭੇਜਿਆ ਹੈ ਉਸ ਵਿਚ ਉਨ੍ਹਾਂ ਦੁਆਰਾ ਲਗਾਏ ਗਏ ਸਾਰੇ ਦੋਸ਼ਾਂ ਨੂੰ ਖਾਰਿਜ ਕੀਤਾ ਗਿਆ ਹੈ ਅਤੇ ਨਾਨਾ ਪਾਟੇਕਰ ਦੀ ਈਮੇਜ਼ ਖਰਾਬ ਕਰਨ ਲਈ ਮਾਫ਼ੀ ਮੰਗਣ ਨੂੰ ਕਿਹਾ। ਮੀਡੀਆ ਨਾਲ ਗੱਲ ਕਰਦੇ ਹੋਏ ਸ਼ਿਰੋਡਕਰ ਨੇ ਕਿਹਾ ਕਿ ਇਸ ਬਾਰੇ ਵਿਚ ਇਸ ਸਮੇਂ ਜ਼ਿਆਦਾ ਕੁਝ ਨਹੀਂ ਕਿਹਾ ਜਾ ਸਕਦਾ ਪਰ ਉਹ ਹੁਣ ਇਸ ਤਰ੍ਹਾਂ ਕਿਉਂ ਕਰ ਰਹੀ ਹੈ ਇਸ ਦਾ ਕੋਈ ਸੁਝਾਵ ਨਹੀਂ ਹੈ।
ਨਾਨਾ ਜਲਦੀ ਹੀ ਮੁੰਬਈ ਵਾਪਸ ਆ ਕੇ ਇਸ ਮੁੱਦੇ ਉਤੇ ਪ੍ਰੈੱਸ ਕਾਨਫਰੰਸ ਕਰ ਸਕਦੇ ਹਨ। ਹਾਲਾਂਕਿ ਨਾਨਾ ਦੇ ਵਕੀਲ ਨੇ ਪਹਿਲਾਂ ਵੀ ਇਸ ਤਰ੍ਹਾਂ ਦਾ ਦਾਅਵਾ ਕੀਤਾ ਸੀ ਕਿ ਉਨ੍ਹਾਂ ਨੇ ਤਨੂਸ਼੍ਰੀ ਨੂੰ ਕਾਨੂੰਨੀ ਨੋਟਿਸ ਭੇਜਿਆ ਹੈ ਜਿਸ ਤੋਂ ਬਾਅਦ ਤਨੂਸ਼੍ਰੀ ਨੇ 2 ਦਿਨ ਪਹਿਲਾਂ ਇਹ ਸਪੱਸ਼ਟ ਕੀਤਾ ਸੀ ਕਿ ਉਨ੍ਹਾਂ ਨੂੰ ਕੋਈ ਕਾਨੂੰਨੀ ਨੋਟਿਸ ਨਹੀਂ ਮਿਲਿਆ ਹੈ।