ਕਾਂਗਰਸ ਨੇਤਾ ਮਣੀਸ਼ੰਕਰ ਅਈਅਰ ਨੇ ਇਕ ਵਾਰ ਫਿਰ ਤੋਂ ਵਿਵਾਦਿਤ ਬਿਆਨ ਦਿਤਾ ਹੈ। ਉਨ੍ਹਾਂ ਨੇ ਡੈਮੋਕਰੇਟਿਕ ਪਾਰਟੀ ਔਫ਼ ਇੰਡੀਆ ਵਲੋਂ ਦਿੱਲੀ ਵਿਚ ਆਯੋਜਿਤ ...
ਨਵੀਂ ਦਿੱਲੀ : ਕਾਂਗਰਸ ਨੇਤਾ ਮਣੀਸ਼ੰਕਰ ਅਈਅਰ ਨੇ ਇਕ ਵਾਰ ਫਿਰ ਤੋਂ ਵਿਵਾਦਿਤ ਬਿਆਨ ਦਿਤਾ ਹੈ। ਉਨ੍ਹਾਂ ਨੇ ਡੈਮੋਕਰੇਟਿਕ ਪਾਰਟੀ ਔਫ਼ ਇੰਡੀਆ ਵਲੋਂ ਦਿੱਲੀ ਵਿਚ ਆਯੋਜਿਤ 'ਏਕ ਸ਼ਾਮ ਬਾਬਰੀ ਮਸਜਿਦ ਕੇ ਨਾਮ' ਪ੍ਰੋਗਰਾਮ ਵਿਚ ਰਾਮ ਮੰਦਿਰ ਨੂੰ ਲੈ ਕੇ ਅਜਿਹਾ ਬਿਆਨ ਦਿਤਾ ਹੈ ਜਿਸ ਦੇ ਨਾਲ ਕਿ ਸਿਆਸਤ ਗਰਮ ਹੋ ਸਕਦੀ ਹੈ। ਉਨ੍ਹਾਂ ਨੇ ਪੁੱਛਿਆ ਹੈ ਕਿ ਰਾਜਾ ਦਸ਼ਰਥ ਦੇ ਮਹਿਲ ਵਿਚ 10,000 ਕਮਰੇ ਸਨ, ਉਨ੍ਹਾਂ ਵਿਚੋਂ ਕਿਸ ਕਮਰੇ ਵਿਚ ਭਗਵਾਨ ਰਾਮ ਪੈਦਾ ਹੋਏ ਸਨ ? ਕੀ ਇਹ ਗੱਲ ਕਿਸੇ ਨੂੰ ਪਤਾ ਹੈ।
#WATCH Mani Shankar Aiyar, Congress, speaks on #RamMandir at 'Ek Shaam Babri Masjid Ke Naam' programme organised by Social Democratic Party of India in Delhi pic.twitter.com/QtckaUdW70
— ANI (@ANI) January 7, 2019
ਅਈਅਰ ਨੇ ਕਿਹਾ ਕਿ ਅਸੀਂ ਕਹਿੰਦੇ ਹਾਂ ਕਿ ਜੇਕਰ ਤੁਸੀਂ ਚਾਹੁੰਦੇ ਹੋ ਤਾਂ ਅਯੁੱਧਿਆ ਵਿਚ ਰਾਮ ਮੰਦਿਰ ਜ਼ਰੂਰ ਬਣਾਓ ਪਰ ਤੁਸੀਂ ਇਹ ਕਿਵੇਂ ਕਹਿ ਸਕਦੇ ਹੋ ਕਿ ਮੰਦਿਰ ਉਥੇ ਹੀ ਬਣਾਉਣਗੇ। ਇਸ ਦਾ ਕੀ ਮਤਲਬ ਹੈ। ਦਸ਼ਰਥ ਇਕ ਬਹੁਤ ਵੱਡੇ ਮਹਾਰਾਜਾ ਸਨ। ਕਿਹਾ ਜਾਂਦਾ ਹੈ ਕਿ ਉਨ੍ਹਾਂ ਦੇ ਮਹਿਲ ਵਿਚ 10,000 ਕਮਰੇ ਸਨ, ਕੌਣ ਜਾਣਦਾ ਹੈ ਕਿ ਕਿੰਨਵਾਂ ਕਮਰਾ ਕਿੱਥੇ ਸੀ ? ਇਹ ਕਹਿਣਾ ਕਿ ਅਸੀਂ ਸੋਚਦੇ ਹਾਂ ਕਿ ਭਗਵਾਨ ਰਾਮ ਇੱਥੇ ਪੈਦਾ ਹੋਏ ਸਨ ਇਸ ਲਈ ਇੱਥੇ ਮੰਦਿਰ ਬਣਾਉਣਾ ਹੈ ਕਿਉਂਕਿ ਇਥੇ ਇਕ ਮਸਜਿਦ ਹੈ।
ਪਹਿਲਾਂ ਅਸੀਂ ਇਸ ਨੂੰ ਤੋਡ਼ਾਂਗੇ ਅਤੇ ਇਸ ਦੀ ਥਾਂ ਮੰਦਿਰ ਬਣਾਵਾਂਗੇ, ਕੀ ਇਕ ਹਿੰਦੁਸਤਾਨੀ ਲਈ ਅੱਲ੍ਹਾ ਉਤੇ ਭਰੋਸਾ ਰੱਖਣਾ ਗਲਤ ਚੀਜ਼ ਹੈ। ਅਈਅਰ ਨੇ ਕਿਹਾ ਕਿ 6 ਦਸੰਬਰ 1992 ਜਿਸ ਦਿਨ ਬਾਬਰੀ ਮਸਜਿਦ ਨੂੰ ਤੋੜਿਆ ਗਿਆ, ਉਹ ਇਸ ਦੇਸ਼ ਦਾ ਪਤਨ ਸੀ। ਉਸ ਦਿਨ ਨੂੰ ਕਦੇ ਭੁਲਾਇਆ ਨਹੀਂ ਜਾ ਸਕਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਮੈਂ ਕਾਂਗਰਸ ਤੋਂ ਹਾਂ ਅਤੇ ਅਸੀਂ ਗਲਤੀ ਕੀਤੀ। ਉਸ ਸਮੇਂ ਦੇ ਪ੍ਰਧਾਨ ਮੰਤਰੀ ਪੀ.ਵੀ. ਨਰਸਿਮਹਾ ਰਾਓ ਨੇ ਠੀਕ ਸਮੇਂ 'ਤੇ ਠੀਕ ਕਦਮ ਨਹੀਂ ਚੁੱਕੇ ਜਿਸ ਦੀ ਵਜ੍ਹਾ ਨਾਲ ਇਹ ਗਲਤੀ ਹੋਈ।
ਕਾਂਗਰਸ ਨੇਤਾ ਨੇ ਇਸ ਤੋਂ ਪਹਿਲਾਂ ਕਿਹਾ ਸੀ ਕਿ ਰਾਓ ਦੇ ਹਿੰਦੁਵਾਦੀ ਮਾਨਸਿਕਤਾ ਨੇ ਅਯੁਧਿਆ ਵਿਚ ਬਾਬਰੀ ਮਸਜਿਦ ਨੂੰ ਢਾਹੁਣ ਲਈ ਉਤਸ਼ਾਹਿਤ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਮਸਜਿਦ ਤੋੜ ਕੇ ਭਾਰਤ ਨੂੰ ਵੰਡਣ ਦੀ ਦੂਜੀ ਕੋਸ਼ਿਸ਼ ਕੀਤੀ ਗਈ। ਬਾਬਰੀ ਮਸਜਿਦ ਦੇ ਟੁੱਟਣ ਨਾਲ ਹਿੰਦੂ - ਮੁਸਲਮਾਨ ਏਕਤਾ ਟੁੱਟ ਗਈ।