ਮੁੱਖ ਮੰਤਰੀ ਕੁਮਾਰਸਵਾਮੀ ਨੇ ਆਡਿਓ ਕਲਿਪ ਜਾਰੀ ਕਰਦੇ ਹੋਏ ਦਾਅਵਾ ਕੀਤਾ ਕਿ ਭਾਜਪਾ ਨੇਤਾ ਬੀਐਸ ਯੇਦੀਯੁਰੱਪਾ ਵਿਧਾਇਕਾਂ ਦੀ ਖਰੀਦ ਫਰੋਖ਼ਤ ਵਿਚ ਲੱਗੇ ਹੋਏ ਹਨ।
ਬੈਂਗਲੁਰੂ : ਕਰਨਾਟਕਾ ਲਈ 2019-20 ਦਾ ਬਜਟ ਪੇਸ਼ ਕਰਨ ਤੋਂ ਪਹਿਲਾਂ ਕਰਨਾਟਕਾ ਦੇ ਮੁੱਖ ਮੰਤਰੀ ਕੁਮਾਰਸਵਾਮੀ ਨੇ ਆਡਿਓ ਕਲਿਪ ਜਾਰੀ ਕਰਦੇ ਹੋਏ ਦਾਅਵਾ ਕੀਤਾ ਕਿ ਭਾਜਪਾ ਨੇਤਾ ਬੀਐਸ ਯੇਦੀਯੁਰੱਪਾ ਵਿਧਾਇਕਾਂ ਦੀ ਖਰੀਦ ਫਰੋਖ਼ਤ ਵਿਚ ਲੱਗੇ ਹੋਏ ਹਨ। ਕੁਮਾਰਸਵਾਮੀ ਨੇ ਭਾਜਪਾ ਪ੍ਰਦੇਸ਼ ਪ੍ਰਧਾਨ ਬੀਐਸ ਯੇਦੀਯੁਰੱਪਾ ਅਤੇ ਜੇਡੀਐਸ ਵਿਧਾਇਕ ਨਾਗਨਗੌੜਾ ਕਾਂਡਕੁਰ
ਦੇ ਬੇਟੇ ਸ਼ਰਨਾ ਦੀ ਗੱਲਬਾਤ ਦਾ ਇਕ ਆਡਿਓ ਜਾਰੀ, ਇਸ ਵਿਚ ਯੇਦੀਯਰੁੱਪਾ ਉਹਨਾਂ ਦੇ ਪਿਤਾ ਨੂੰ 25 ਲੱਖ ਅਤੇ ਮੰਤਰੀ ਦੇ ਅਹੁਦਾ ਦੇਣ ਦੀ ਪੇਸ਼ਕਸ਼ ਦੇ ਰਹੇ ਹਨ। ਇਸ ਦੇ ਨਾਲ ਹੀ ਮੁੱਖ ਮੰਤਰੀ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਹਮਲਾ ਬੋਲਦਿਆਂ ਕਿਹਾ ਕਿ ਉਹ ਦੇਸ਼ ਦੇ ਲੋਕਤੰਤਰ ਨੁੰ ਬਰਬਾਦ ਕਰ ਰਹੇ ਹਨ। ਲੋਕਾਂ ਨੂੰ ਭਟਕਾ ਰਹੇ ਹਨ। ਮੈਂ ਸਾਰੇ ਵਿਪੱਖੀ ਦਲਾਂ ਨੂੰ ਅਪੀਲ ਕਰਦਾ ਹਾਂ
ਕਿ ਉਹ ਇਸ ਨੂੰ ਮੱਦੇ ਨੂੰ ਚੁੱਕਣ 'ਤੇ ਸੰਸਦ ਵਿਚ ਪ੍ਰਧਾਨ ਮੰਤਰੀ ਦੇ ਸੱਚ ਨੂੰ ਪ੍ਰਗਟ ਕਰਨ। ਮੁੱਖ ਮੰਤਰੀ ਨੇ ਕਾਲੇ ਧਨ ਨੂੰ ਲੈ ਕੇ ਪ੍ਰਧਾਨ ਮੰਤਰੀ 'ਤੇ ਨਿਸ਼ਾਨਾ ਸਾਧਿਆ ਅਤੇ ਕਿਹਾ ਕਿ ਇਕ ਪਾਸੇ ਪੀਐਮ ਮੋਦੀ ਦੇਸ਼ ਅਤੇ ਰਾਜਨੇਤਾਵਾਂ ਨੂੰ ਉਪਦੇਸ਼ ਦਿੰਦੇ ਹਨ ਅਤੇ ਦੂਜੇ ਪਾਸੇ ਅਪਣੇ ਦੋਸਤਾਂ ਨੂੰ ਉਤਸ਼ਾਹਿਤ ਕਰਕੇ ਕਾਲੇਧਨ ਰਾਹੀਂ ਦੇਸ਼ ਦੇ ਲੋਕਤੰਤਰ ਨੂੰ ਬਰਬਾਦ ਕਰ ਰਹੇ ਹਨ।
ਉਹਨਾਂ ਕਿਹਾ ਕਿ ਮੇਰੇ ਕੋਲ ਇਸ ਗੱਲ ਲਈ ਬਾਕਾਇਦਾ ਸਬੂਤ ਹਨ ਮੈਂ ਇਸ ਨੂੰ ਉਜਾਗਰ ਕਰ ਕੇ ਰਹਾਂਗਾ। ਦੱਸ ਦਈਏ ਕਿ ਕਰਨਾਟਕ ਵਿਚ ਜੇਡੀਐਸ ਅਤੇ ਕਾਂਗਰਸ ਦੇ ਗਠਜੋੜ ਨਾਲ ਸਰਕਾਰ ਚਲ ਰਹੀ ਹੈ। ਕੁਮਾਰਸਵਾਮੀ ਨੇ ਭਾਜਪਾ 'ਤੇ ਸਰਕਾਰ ਗਿਰਾਉਣ ਦੀ ਸਾਜਸ਼ ਦਾ ਇਲਜ਼ਾਮ ਲਗਾਉਂਦੇ ਹੋਏ ਵਿਧਾਇਕਾਂ ਦੀ ਖਰੀਦ ਫਰੋਖ਼ਤ ਕਰਨ ਦਾ ਇਲਜ਼ਾਮ ਲਗਾਇਆ ਸੀ। ਇਸ ਤੋਂ ਪਹਿਲਾਂ ਵੀ ਕਰਨਾਟਕਾ ਦੇ
ਸਾਬਕਾ ਮੁੱਖ ਮੰਤਰੀ ਸਿੱਧਰਮਈਆ ਨੇ ਦੋਸ਼ ਲਗਾਇਆ ਕਿ ਭਾਜਪਾ ਰਾਜ ਵਿਚ ਜੇਡੀਏ-ਕਾਂਗਰਸ ਸਰਕਾਰ ਨੂੰ ਸੱਤਾ ਤੋਂ ਬੇਦਖਲ ਕਰਨ ਦੀ ਅਪਣੀ ਕੋਸਿਸ਼ ਅਧੀਨ ਕਾਂਗਰਸ ਦੇ ਹਰੇਕ ਵਿਧਾਇਕ ਨੂੰ 50 ਕਰੋੜ ਦੀ ਪੇਸ਼ਕਸ਼ ਕੀਤੀ ਹੈ। ਹੁਣ ਮੁੱਖ ਮੰਤਰੀ ਐਚਡੀ ਕੁਮਾਰਸਵਾਮੀ ਕੈਬਿਨਟ ਦੇ ਦੋ ਮੰਤਰੀਆਂ ਨੇ ਇਲਜ਼ਾਮ ਲਗਾਇਆ ਹੈ ਕਿ ਭਾਜਪਾ ਹੁਣ ਵੀ ਕਾਂਗਰਸ ਅਤੇ ਜੇਡੀਐਸ ਵਿਧਾਇਕਾਂ ਨੂੰ ਲੁਭਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।