ਮੱਧ ਪ੍ਰਦੇਸ਼ ਦੇ ਇੰਦੌਰ ਜ਼ਿਲ੍ਹਾ ਚੋਣ ਦਫਤਰ ਦੇ ਅਧਿਕਾਰੀ ਵੀਰਵਾਰ ਨੂੰ ਉਸ ਸਮੇਂ ਹੈਰਾਨ ਰਹਿ ਗਏ, ਜਦੋਂ ਵਿਧਾਨ ਸਭਾ ਚੋਣਾਂ ਲਈ ਜ਼ਮਾਨਤ ਦੀ ਰਕਮ ਭਰਨ ਆਏ ਇਕ ਉਮੀਦਵਾਰ ...
ਇੰਦੌਰ (ਭਾਸ਼ਾ) :- ਮੱਧ ਪ੍ਰਦੇਸ਼ ਦੇ ਇੰਦੌਰ ਜ਼ਿਲ੍ਹਾ ਚੋਣ ਦਫਤਰ ਦੇ ਅਧਿਕਾਰੀ ਵੀਰਵਾਰ ਨੂੰ ਉਸ ਸਮੇਂ ਹੈਰਾਨ ਰਹਿ ਗਏ, ਜਦੋਂ ਵਿਧਾਨ ਸਭਾ ਚੋਣਾਂ ਲਈ ਜ਼ਮਾਨਤ ਦੀ ਰਕਮ ਭਰਨ ਆਏ ਇਕ ਉਮੀਦਵਾਰ ਨੇ ਉਨ੍ਹਾਂ ਦੇ ਸਾਹਮਣੇ 10,000 ਰੁਪਏ ਦੇ ਸਿੱਕਿਆਂ ਦਾ ਢੇਰ ਲਗਾ ਦਿੱਤਾ। ਦੀਪਕ ਪਵਾਰ ਨਾਮ ਦੇ ਇਸ ਉਮੀਦਵਾਰ ਇਕ ਰੁਪਏ ਦੋ ਰੁਪਏ ਦੇ 10 ਹਜ਼ਾਰ ਰੁਪਏ ਦੀ ਕੀਮਤ ਦੇ ਸਿੱਕੇ ਲੈ ਕੇ ਪੁੱਜੇ ਸਨ।
coins
ਕਰੀਬ ਡੇਢ ਘੰਟੇ ਦੀ ਮੇਹਨਤ ਦੇ ਦੌਰਾਨ ਪੰਜ ਲੋਕਾਂ ਨੇ ਸਿੱਕੇ ਗਿਣ ਕੇ ਉਨ੍ਹਾਂ ਨੂੰ ਰਸੀਦ ਦਿੱਤੀ। ਅਧਿਕਾਰੀ ਨੇ ਦੱਸਿਆ ਕਿ ਪਵਾਰ ਨੇ ਚੋਣ ਜ਼ਮਾਨਤ ਦੀ ਰਕਮ ਤਾਂ ਭਰ ਦਿੱਤੀ ਹੈ ਪਰ ਫਿਲਹਾਲ ਆਪਣਾ ਪਰਚਾ ਦਾਖਲ ਨਹੀਂ ਕੀਤਾ ਹੈ। ਪ੍ਰਦੇਸ਼ ਦੇ ਵਿਧਾਨ ਸਭਾ ਚੋਣਾਂ ਲਈ ਪਰਚਾ ਭਰਨ ਦੀ ਨੌਂ ਨਵੰਬਰ (ਸ਼ੁੱਕਰਵਾਰ) ਨੂੰ ਆਖਰੀ ਤਾਰੀਖ ਹੈ।
Coins
ਸਵਰਣਿਮ ਭਾਰਤ ਇਨਕਲਾਬ ਪਾਰਟੀ ਦਾ ਨੇਤਾ ਦੱਸਣ ਵਾਲੇ ਪਵਾਰ ਨੇ ਕਿਹਾ ਕਿ ਚੋਣ ਚੰਦੇ ਵਿਚ ਨੋਟ ਨਾ ਮਿਲਣ 'ਤੇ ਮੈਨੂੰ ਇਹਨਾਂ ਸਿੱਕਿਆਂ ਨੂੰ ਹੀ ਜ਼ਮਾਨਤ ਦੀ ਰਕਮ ਦੇ ਰੂਪ ਵਿਚ ਜਮਾਂ ਕਰਾਉਣਾ ਪਿਆ। ਪਵਾਰ ਪੇਸ਼ੇ ਤੋਂ ਵਕੀਲ ਹੈ ਅਤੇ ਚੋਣਾਂ ਵਿਚ ਪਹਿਲੀ ਵਾਰ ਕਿਸਮਤ ਅਜਮਾਉਣ ਜਾ ਰਹੇ ਹਨ। ਜ਼ਮਾਨਤ ਦੀ ਰਕਮ ਦੇ ਰੂਪ ਵਿਚ ਭਾਨ ਜਮਾਂ ਕਰਣ ਦਾ ਕਾਰਨ ਪੁੱਛੇ ਜਾਣ ਉੱਤੇ ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਬਾਜ਼ਾਰ ਵਿਚ ਇਨੀ ਦਿਨੀਂ ਨਗਦੀ ਦੀ ਕਾਫੀ ਕਿੱਲਤ ਹੈ ਅਤੇ ਲੋਕਾਂ ਨੇ ਉਨ੍ਹਾਂ ਨੂੰ ਚੋਣ ਚੰਦੇ ਦੇ ਰੂਪ ਵਿਚ ਕੇਵਲ ਸਿੱਕੇ ਦਿੱਤੇ।
