ਭਾਰਤੀ ਪੱਖ ਵਲੋਂ ਇਸ ਦੇ ਬਾਰੇ ’ਚ ਕੋਈ ਟਿਪਣੀ ਨਹੀਂ ਆਈ ਹੈ।
ਬੀਜਿੰਗ : -ਚੀਨ ਦੇ ਰਖਿਆ ਮੰਤਰਾਲਾ ਨੇ ਇਥੇ ਕਿਹਾ ਕਿ ਪੂਰਬੀ ਲੱਦਾਖ਼ ’ਚ ਪੌਂਗੇਗ ਝੀਲ ਦੇ ਉੱਤਰੀ ਅਤੇ ਦਖਣੀ ਸਿਰੇ ’ਤੇ ਤਾਇਨਾਤ ਭਾਰਤ ਅਤੇ ਚੀਨ ਦੇ ਮੋਹਰੀ ਮੋਰਚਿਆਂ ਦੇ ਫ਼ੌੌਜੀਆਂ ਨੇ ਬੁਧਵਾਰ ਤੋਂ ਯੋਜਨਾਬੱਧ ਤਰੀਕੇ ਨਾਲ ਪਿੱਛੇ ਹਟਣਾ ਸ਼ੁਰੂ ਕਰ ਦਿਤਾ। ਭਾਰਤੀ ਪੱਖ ਵਲੋਂ ਇਸ ਦੇ ਬਾਰੇ ’ਚ ਕੋਈ ਟਿਪਣੀ ਨਹੀਂ ਆਈ ਹੈ।
ਚੀਨੀ ਰਖਿਆ ਮੰਤਰਾਲਾ ਦੇ ਬੁਲਾਰੇ ਕਰਨਲ ਵੁ ਕਿਆਨ ਨੇ ਕਿਹਾ ਕਿ ਪੂਰਬ ਲੱਦਾਖ਼ ’ਚ ਪੌਂਗੇਗ ਝੀਲ ਦੇ ਉੱਤਰੀ ਅਤੇ ਦਖਣੀ ਪਾਸਿਆਂ ’ਤੇ ਤਾਇਨਾਤ ਭਾਰਤ ਅਤੇ ਚੀਨ ਦੇ ਮੋਹਰੀ ਮੋਰਚਿਆਂ ਦੇ ਫ਼ੌੌਜੀਆਂ ਨੇ ਬੁਧਵਾਰ ਤੋਂ ਯੋਜਨਾਬੱਧ ਤਰੀਕੇ ਨਾਲ ਪਿੱਛੇ ਹਟਣਾ ਸ਼ੁਰੂ ਕਰ ਦਿਤਾ ਹੈ। ਉਨ੍ਹਾਂ ਦੇ ਇਸ ਬਿਆਨ ਨਾਲ ਸਬੰਧਤ ਖ਼ਬਰ ਚੀਨ ਦੇ ਆਧਿਕਾਰਤ ਮੀਡੀਆ ਨੇ ਸਾਂਝਾ ਕੀਤੀ ਹੈ।
ਕਿਆਨ ਨੇ ਇਕ ਪ੍ਰੈੱਸ ਕਾਨਫ਼ਰੰਸ ’ਚ ਕਿਹਾ ਕਿ ਭਾਰਤ ਅਤੇ ਚੀਨ ਵਿਚਕਾਰ ਕਮਾਂਡਰ ਪੱਧਰ ਦੀ 9ਵੇਂ ਦੌਰ ਦੀ ਗੱਲਬਾਤ ’ਚ ਬਣੀ ਸਹਿਮਤੀ ਦੇ ਅਨੁਰੂਪ ਦੋਵਾਂ ਦੇਸ਼ਾਂ ਦੀਆਂ ਹਥਿਆਰਬੰਦ ਫ਼ੌੌਜਾਂ ਦੇ ਮੋਹਰੀ ਮੋਰਚਿਆਂ ਦੀਆਂ ਇਕਾਈਆਂ ਨੇ ਅੱਜ 10 ਫ਼ਰਵਰੀ ਤੋਂ ਪੌਂਗੇਗ ਝੀਲ ਦੇ ਉੱਤਰੀ ਅਤੇ ਦਖਣੀ ਪਾਸਿਆਂ ਤੋਂ ਯੋਜਨਾਬੱਧ ਤਰੀਕੇ ਨਾਲ ਪਿੱਛੇ ਹਟਣਾ ਸ਼ੁਰੂ ਕਰ ਦਿਤਾ। ਜ਼ਿਕਰਯੋਗ ਹੈ ਕਿ ਦੋਵਾਂ ਦੇਸ਼ਾਂ ਵਿਚਕਾਰ ਪੂਰਬੀ ਲੱਦਾਖ਼ ’ਚ ਪਿਛਲੇ ਸਾਲ ਮਈ ਤੋਂ ਫ਼ੌਜੀ ਟਕਰਾਅ ਚੱਲ ਰਿਹਾ ਹੈ।