ਕਿਹਾ - ਸਿੱਖ ਕਤਲੇਆਮ 'ਤੇ ਕਾਂਗਰਸੀ ਆਗੂ ਕਹਿ ਰਿਹਾ ਹੈ ਕਿ 'ਹੋਇਆ ਤਾਂ ਹੋਇਆ'
ਰੋਹਤਕ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਹਰਿਆਣਾ ਦੇ ਰੋਹਤਕ 'ਚ ਇਕ ਚੋਣ ਰੈਲੀ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਪਿਛਲੇ 5 ਸਾਲ 'ਚ ਮੈਂ ਦੇਸ਼ ਨੂੰ ਲੁੱਟਣ ਵਾਲਿਆਂ ਨੂੰ ਜੇਲ ਦੇ ਦਰਵਾਜੇ ਤਕ ਪਹੁੰਚਾਇਆ ਹੈ ਅਤੇ ਜੇ ਮੈਨੂੰ ਫਿਰ 5 ਸਾਲ ਮਿਲੇ ਤਾਂ ਇਹ ਲੁਟੇਰੇ ਜੇਲ ਦੇ ਅੰਦਰ ਹੋਣਗੇ। ਉਨ੍ਹਾਂ ਕਿਹਾ ਕਿ ਭ੍ਰਿਸ਼ਟਾਚਾਰ ਕਾਂਗਰਸ ਦੇ ਖ਼ੂਨ 'ਚ ਹੈ।
Narendra Modi
ਰਾਬਰਟ ਵਾਡਰਾ ਦਾ ਨਾਂ ਲਏ ਬਗੈਰ ਕਾਂਗਰਸ 'ਤੇ ਹਮਲਾ ਬੋਲਦਿਆਂ ਮੋਦੀ ਨੇ ਕਿਹਾ ਕਿ ਕੌਡੀਆਂ ਦੇ ਭਾਅ ਕਿਸਾਨਾਂ ਦੀਆਂ ਜ਼ਮੀਨਾਂ ਲੈ ਕੇ ਭ੍ਰਿਸ਼ਟਾਚਾਰ ਦੀ ਖੇਤੀ ਹੋਈ। ਅੱਜ ਪੂਰੀ ਦੁਨੀਆਂ 'ਚ ਸੱਭ ਤੋਂ ਤੇਜ਼ੀ ਨਾਲ ਵਧਦੀ ਅਰਥਵਿਵਸਥਾ ਭਾਰਤ ਹੈ। 2014 'ਚ ਭਾਰਤ ਆਰਥਕ ਤੌਰ 'ਤੇ ਦੁਨੀਆਂ 'ਚ 11ਵੇਂ ਨੰਬਰ 'ਤੇ ਸੀ। ਅੱਜ 6ਵੇਂ ਨੰਬਰ 'ਤੇ ਹੈ ਅਤੇ 5ਵੇਂ ਨੰਬਰ 'ਤੇ ਆਉਣ ਲਈ ਕੋਸ਼ਿਸ਼ ਕਰ ਰਿਹਾ ਹੈ। ਦੇਸ਼ ਦੀ ਸਭ ਤੋਂ ਤੇਜ਼ ਟਰੇਨ ਵੰਦੇ ਭਾਰਤ ਹੋਵੇ ਜਾਂ ਤੁਹਾਡੇ ਹੱਥ 'ਚ ਮੋਬਾਈਲ ਫ਼ੋਨ, ਅੱਜ ਇਹ ਸਭ ਭਾਰਤ 'ਚ ਹੀ ਬਣ ਰਿਹਾ ਹੈ। ਹੁਣ ਭਾਰਤ ਨੇ ਪਾਣੀ, ਧਰਤੀ ਅਤੇ ਹਵਾ ਦੇ ਨਾਲ-ਨਾਲ ਪੁਲਾੜ 'ਚ ਵੀ ਸਰਜਿਕਲ ਸਟ੍ਰਾਈਕ ਕਰਨ ਦੀ ਸਮਰੱਥਾ ਪ੍ਰਾਪਤ ਕਰ ਲਈ ਹੈ।
Congress is going to get a major shock in Rohtak and surrounding seats. Watch my speech. https://t.co/j8A5iHnqj6
— Chowkidar Narendra Modi (@narendramodi) 10 May 2019
ਮੋਦੀ ਨੇ ਕਿਹਾ ਕਿ ਕਾਂਗਰਸ ਸਮੇਂ ਅਤਿਵਾਦੀ ਹਮਲਾ ਕਰਦੇ ਰਹੇ ਅਤੇ ਯੂਪੀਏ ਸਰਕਾਰ ਰੌਂਦੀ ਰਹੀ। ਅੱਜ ਅਸੀ ਖੁੱਲੀ ਛੋਟ ਦੇ ਦਿੱਤੀ ਹੈ। ਹਮਲਾ ਹੋਇਆ ਤਾਂ ਕਰਾਰਾ ਜਵਾਬ ਦਿਆਂਗੇ। ਇਹ ਚੌਕੀਦਾਰ ਗੋਲੀ ਦਾ ਜਵਾਬ ਗੋਲੇ ਨਾਲ ਦੇਵੇਗਾ। ਤੁਸੀ ਅਤਿਵਾਦੀਆਂ ਦਾ ਸਮਰਥਨ ਕਰੋਗੇ ਤਾਂ ਅਸੀ ਘਰ ਅੰਦਰ ਵੜ ਕੇ ਗੋਲੀ ਮਾਰਾਂਗੇ।
#WATCH PM Modi in Rohtak, Haryana on Congress' Sam Pitroda's remark on 1984 riots: 'Hua so hua'-3 words that sum up Congress's arrogance were uttered y'day by one of its most senior leaders, he said this on anti-Sikh riots. They have no value for human life pic.twitter.com/HWhj7CVzhy
— ANI (@ANI) 10 May 2019
ਸਿੱਖ ਕਤਲੇਆਮ 'ਤੇ ਕਾਂਗਰਸੀ ਆਗੂ ਸੈਮ ਪਿਤਰੋਦਾ ਵੱਲੋਂ ਦਿੱਤੇ ਵਿਵਾਦਤ ਬਿਆਨ 'ਤੇ ਮੋਦੀ ਨੇ ਕਿਹਾ ਕਿ ਕਾਂਗਰਸੀ ਆਗੂਆਂ ਦੀ ਖੋਪੜੀ 'ਚ ਹੰਕਾਰ ਭਰਿਆ ਹੋਇਆ ਹੈ। ਅਜਿਹੇ ਲੋਕਾਂ ਲਈ ਜ਼ਿੰਦਗੀ ਦੀ ਕੋਈ ਕੀਮਤ ਨਹੀਂ ਹੈ। ਸੈਂਕੜੇ ਸਿੱਖਾਂ ਨੂੰ ਪਟਰੌਲ-ਡੀਜ਼ਲ ਪਾ ਕੇ ਸਾੜ ਦਿੱਤਾ ਗਿਆ ਅਤੇ ਕਾਂਗਰਸ ਕਹਿ ਰਹੀ ਹੈ ਕਿ 'ਹੋਇਆ ਤਾਂ ਹੋਇਆ।'
