ਇਕ ਅਗਸਤ ਤੋਂ ਲਾਗੂ ਹੋਵੇਗਾ ਨਿਯਮ
ਨਵੀਂ ਦਿੱਲੀ: ਫ਼ੌਜ ਨੇ ਵੱਡਾ ਫ਼ੈਸਲਾ ਲੈਂਦੇ ਹੋਏ ਕਿਹਾ ਹੈ ਕਿ ਇਕ ਅਗੱਸਤ ਤੋਂ ਬ੍ਰਿਗੇਡੀਅਰ ਅਤੇ ਉਸ ਤੋਂ ਉੱਪਰ ਦੇ ਰੈਂਕ ਦੇ ਸਾਰੇ ਅਧਿਕਾਰੀਆਂ ਦੀ ਵਰਦੀ ਇਕੋ ਜਿਹੀ ਸਮਾਨ ਰਹੇਗੀ, ਭਾਵੇਂ ਉਹ ਕਿਸੇ ਵੀ ਰੈਜੀਮੈਂਟ ਤੋਂ ਹੋਵੇ। ਫ਼ੌਜੀ ਸੂਤਰਾਂ ਨੇ ਮੰਗਲਵਾਰ ਨੂੰ ਇਹ ਜਾਣਕਾਰੀ ਦਿਤੀ। ਸੂਤਰਾਂ ਅਨੁਸਾਰ ਪਿਛਲੇ ਮਹੀਨੇ ਸੰਪੰਨ ਹੋਏ ਫ਼ੌਜ ਦੇ ਸੀਨੀਅਰ ਕਮਾਂਡਰਾਂ ਦੇ ਸੰਮੇਲਨ ’ਚ ਕਾਫੀ ਵਿਚਾਰ-ਵਟਾਂਦਰੇ ਅਤੇ ਸਾਰੇ ਪੱਖਧਾਰਕਾਂ ਨਾਲ ਵਿਸਥਾਰ ਨਾਲ ਗੱਲਬਾਤ ਦੇ ਆਧਾਰ ’ਤੇ ਇਹ ਫ਼ੈਸਲਾ ਲਿਆ ਗਿਆ। ਇਹ ਨਿਯਮ ਇਕ ਅਗੱਸਤ ਤੋਂ ਲਾਗੂ ਹੋਵੇਗਾ।
ਇਹ ਵੀ ਪੜ੍ਹੋ: ਅਡਾਨੀ ਗਰੁੱਪ ਦੀਆਂ 3 ਕੰਪਨੀਆਂ ਨੂੰ ਝਟਕਾ, ਦੁਨੀਆ ਦੇ ਦਿੱਗਜ਼ ਕਲਾਈਮੋਟ ਗਰੁਪ ਨੇ ਛੱਡਿਆ ਸਾਥ
ਹਾਲਾਂਕਿ ਸੂਤਰਾਂ ਨੇ ਸਪੱਸ਼ਟ ਕੀਤਾ ਕਿ ਇਹ ਤਬਦੀਲੀ ਸਿਰਫ਼ ਬ੍ਰਿਗੇਡੀਅਰ ਅਤੇ ਉਸ ਤੋਂ ਉੱਪਰ ਦੇ ਅਧਿਕਾਰੀਆਂ ਦੇ ਮਾਮਲੇ ’ਚ ਕੀਤੀ ਗਈ ਹੈ ਅਤੇ ਕਰਨਲ ਤੇ ਉਸ ਤੋਂ ਹੇਠਾਂ ਦੇ ਰੈਂਕਾਂ ਦੀ ਵਰਦੀ ਪਹਿਲੇ ਦੀ ਤਰ੍ਹਾਂ ਹੀ ਰੈਜੀਮੈਂਟਾਂ ਦੇ ਅਨੁਰੂਪ ਵੱਖ-ਵੱਖ ਹੀ ਰਹੇਗੀ। ਸੂਤਰਾਂ ਨੇ ਕਿਹਾ ਕਿ ਫ਼ੌਜ ’ਚ ਉੱਚ ਅਗਵਾਈ ‘ਚ ਰੈਜੀਮੈਂਟ ਦੇ ਪੱਧਰ ਤੋਂ ਉੱਪਰ ਉੱਠ ਕੇ ਸਮਾਨ ਪਛਾਣ ਅਤੇ ਦਿ੍ਰਸ਼ਟੀਕੋਣ ਨੂੰ ਉਤਸ਼ਾਹ ਦੇਣ ਅਤੇ ਇਸ ਨੂੰ ਮਜਬੂਤ ਬਣਾਉਣ ਲਈ ਫ਼ੌਜ ਨੇ ਬ੍ਰਿਗੇਡੀਅਰ ਅਤੇ ਉਸ ਤੋਂ ਉੱਪਰ ਦੇ ਰੈਂਕਾਂ ਲਈ ਵਰਦੀ ਨੂੰ ਸਮਾਨ ਰੱਖਣ ਦਾ ਫ਼ੈਸਲਾ ਲਿਆ ਹੈ ਭਾਵੇਂ ਹੀ ਕਿਸੇ ਵੀ ਅਧਿਕਾਰੀ ਦੀ ਨਿਯੁਕਤੀ ਕਿਸੇ ਵੀ ਕੈਡਰ ’ਚ ਅਤੇ ਰੈਜੀਮੈਂਟ ਵਿਚ ਹੋਈ ਹੋਵੇ।
ਇਹ ਵੀ ਪੜ੍ਹੋ: ਔਰਤਾਂ ਮਸਰਾਂ ਦੀ ਦਾਲ ਦੇ ਬਣੇ ਫ਼ੇਸਪੈਕ ਤੋਂ ਪਾ ਸਕਦੀਆਂ ਹਨ ਖ਼ੂਬਸੂਰਤ ਚਮੜੀ
ਇਸ ਫ਼ੈਸਲੇ ਦੇ ਲਾਗੂ ਹੋਣ ਤੋਂ ਬਾਅਦ ਬ੍ਰਿਗੇਡੀਅਰ ਅਤੇ ਉਸ ਤੋਂ ਉੱਪਰ ਰੈਂਕ ਦੇ ਅਧਿਕਾਰੀ ਰੈਜੀਮੈਂਟ ਦੇ ਅਨੁਰੂਪ ਵੱਖ-ਵੱਖ ਟੋਪੀ, ਬੈਲਟ, ਬੂਟ, ਸ਼ੋਲਡਰ ਬੈਜ ਅਤੇ ਜਾਰਜਟ ਪੈਚ ਨਹੀਂ ਪਹਿਨਣਗੇ। ਇਨ੍ਹਾਂ ਸਾਰੇ ਚੀਜ਼ਾਂ ਦਾ ਮਿਆਰੀਕਰਨ ਕਰ ਕੇ ਇਨ੍ਹਾਂ ਨੂੰ ਸਾਰਿਆਂ ਲਈ ਸਮਾਨ ਬਣਾਇਆ ਜਾਵੇਗਾ। ਨਵੇਂ ਨਿਯਮ ਅਨੁਸਾਰ ਫ਼ਲੈਗ ਰੈਂਕ ਦੇ ਅਧਿਕਾਰੀ ਹੁਣ ਲੇਨਯਾਰਡ ਯਾਨੀ ਕਮਰਬੰਦ ਡੋਰੀ ਨਹੀਂ ਪਹਿਨਣਗੇ। ਸੂਤਰਾਂ ਦਾ ਕਹਿਣਾ ਹੈ ਕਿ ਇਸ ਨਾਲ ਫ਼ੌਜ ਦੇ ਨਿਰਪੱਖ ਅਤੇ ਸਮਾਨ ਭਾਅ ਵਾਲੇ ਸੰਗਠਨ ਦੇ ਚਰਿੱਤਰ ਅਤੇ ਸਵਰੂਪ ਨੂੰ ਮਜਬੂਤੀ ਮਿਲੇਗੀ।
ਇਹ ਵੀ ਪੜ੍ਹੋ: ਕੋਰਟ ਨੇ ਪੱਤਰਕਾਰ ਭਾਵਨਾ ਦੀ ਅੰਤਰਿਮ ਜ਼ਮਾਨਤ ਰੱਖੀ ਜਾਰੀ, ਮਾਮਲੇ ਦੀ ਅਗਲੀ ਸੁਣਵਾਈ 22 ਮਈ ਨੂੰ ਤੈਅ
ਇਸ ਫ਼ੈਸਲੇ ਦੇ ਪਿੱਛੇ ਇਕ ਹੋਰ ਤਰਕ ਇਹ ਦਿਤਾ ਜਾ ਰਿਹਾ ਹੈ ਕਿ ਫ਼ੌਜ ’ਚ ਬ੍ਰਿਗੇਡੀਅਰ ਅਤੇ ਉਸ ਤੋਂ ਉੱਪਰ ਦੇ ਰੈਂਕ ਦੇ ਅਧਿਕਾਰੀ ਯੂਨਿਟ ਅਤੇ ਬਟਾਲੀਅਨਾਂ ਨੂੰ ਕਮਾਨ ਕਰ ਚੁੱਕੇ ਹੁੰਦੇ ਹਨ। ਮਾਨਕ ਵਰਦੀ ਹੋਣ ਨਾਲ ਸੀਨੀਅਰ ਰੈਂਕਾਂ ਦੇ ਅਧਿਕਾਰੀਆਂ ਦੀ ਪਛਾਣ ’ਚ ਵੀ ਸਮਾਨਤਾ ਆਏਗੀ, ਇਸ ਨਾਲ ਫ਼ੌਜ ਦੇ ਅਸਲ ਮੁੱਲ ਵੀ ਸਾਹਮਣੇ ਆਉਣਗੇ। ਸੂਤਰਾਂ ਦਾ ਕਹਿਣਾ ਹੈ ਕਿ ਕਰਨਲ ਦੇ ਪੱਧਰ ਤਕ ਇਕ ਹੀ ਰੈਜੀਮੈਂਟ ’ਚ ਜੂਨੀਅਰ ਲੀਡਰਸ਼ਿਪ ਦੇ ਪੱਧਰ ’ਤੇ ਵੱਖ-ਵੱਖ ਪਛਾਣ ਜ਼ਰੂਰੀ ਹੈ। ਇਹ ਰੈਜੀਮੈਂਟ ਦੇ ਪੱਧਰ ’ਤੇ ਫ਼ੌਜੀਆਂ ’ਚ ਇਕਜੁਟਤਾ, ਸਬੰਧਾਂ ਨੂੰ ਮਜਬੂਤ ਬਣਾਉਣ ਅਤੇ ਅਧਿਕਾਰੀ ਤੇ ਜਵਾਨ ਦੇ ਸਬੰਧ ਮਜਬੂਤ ਕਰਨ ਲਈ ਹੁੰਦੀ ਹੈ।
