ਕੇਂਦਰ ਸਰਕਾਰ ਦਾ ਸੜਕ ਨਿਰਮਾਣ ਵਿਚ ਪਲਾਸਟਿਕ ਦੇ ਕੂੜੇ ਦੀ ਵਰਤੋਂ ਕਰਨ ਦਾ ਪਰੀਖਣ ਸਫਲ ਰਿਹਾ ਹੈ
ਨਵੀਂ ਦਿੱਲੀ: ਕੇਂਦਰ ਸਰਕਾਰ ਦਾ ਸੜਕ ਨਿਰਮਾਣ ਵਿਚ ਪਲਾਸਟਿਕ ਦੇ ਕੂੜੇ ਦੀ ਵਰਤੋਂ ਕਰਨ ਦਾ ਪਰੀਖਣ ਸਫਲ ਰਿਹਾ ਹੈ। ਵੱਖ-ਵੱਖ ਸੜਕ ਨਿਰਮਾਣ ਏਜੰਸੀਆਂ ਨੇ ਹੁਣ ਤੱਕ ਇਕ ਲੱਖ ਕਿਲੋਮੀਟਰ ਤੋਂ ਜ਼ਿਆਦਾ ਸੜਕਾਂ ਪਲਾਸਟਿਕ ਦੇ ਕੂੜੇ ਨਾਲ ਬਣਾਈਆਂ ਹਨ। ਇਹ ਜ਼ਿਆਦਾ ਹੰਢਣਸਾਰ ਅਤੇ ਸਸਤੀਆਂ ਹਨ।
Road
ਦਹਾਕਿਆਂ ਬਾਅਦ ਪਲਾਸਟਿਕ ਦੇ ਕੂੜੇ ਦਾ ਨਿਪਟਾਰਾ ਕਰਨ ਦਾ ਰਾਸਤਾ ਮਿਲ ਗਿਆ ਹੈ। ਇਸ ਨਾਲ ਵਾਤਾਵਰਣ ਨੂੰ ਪਲਾਸਟਿਕ ਨਾਲ ਪਹੁੰਚ ਰਹੇ ਨੁਕਸਾਨ ਵਿਚ ਘਾਟਾ ਹੋਵੇਗਾ। ਜੁਲਾਈ 2016 ਵਿਚ ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰੀ ਨਿਤਿਨ ਗਡਕਰੀ ਨੇ ਸੜਕ ਨਿਰਮਾਣ ਵਿਚ ਠੋਸ ਅਤੇ ਪਲਾਸਟਿਕ ਦੇ ਕੂੜੇ ਦੀ ਵਰਤੋਂ ਕਰਨ ਦਾ ਐਲਾਨ ਕੀਤਾ ਸੀ।
Plastic Road
ਇਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਪਾਇਲਟ ਪ੍ਰਾਜੈਕਟ ਦੇ ਤਹਿਤ 10 ਕਿਲੋਮੀਟਰ ਨੈਸ਼ਨਲ ਹਾਈਵੇਅ ਵਿਚ 10 ਫੀਸਦੀ ਪਲਾਸਟਿਕ ਦੇ ਕੂੜੇ ਦੀ ਵਰਤੋਂ ਕੀਤੀ ਗਈ। ਜਨਵਰੀ 2017 ਵਿਚ ਸੈਂਟਰ ਰੋਡ ਰਿਸਰਚ ਇੰਸਟੀਚਿਊਟ (ਸੀਆਰਆਰਆਈ) ਵੱਲੋਂ ਕੁਆਲਟੀ ਅਤੇ ਸਮਰੱਥਾ ਦੇ ਅਧਿਐਨ ਤੋਂ ਬਾਅਦ, ਰਾਸ਼ਟਰੀ ਰਾਜਮਾਰਗਾਂ, ਰਾਜ ਮਾਰਗਾਂ, ਜ਼ਿਲ੍ਹਾ ਸੜਕਾਂ, ਮਿਊਂਸੀਪਲ ਕਾਰਪੋਰੇਸ਼ਨਾਂ, ਮਿਊਂਸੀਪਲ ਬਾਡੀਜ਼ ਆਦਿ ਦੀਆਂ ਸੜਕਾਂ ਦੇ ਨਿਰਮਾਣ ਵਿਚ 10% ਪਲਾਸਟਿਕ ਕੂੜੇ ਦੀ ਵਰਤੋਂ ਕਰਨ ਦੇ ਆਦੇਸ਼ ਜਾਰੀ ਕੀਤੇ ਗਏ ਸਨ।
Plastic Road
ਅਧਿਕਾਰੀ ਨੇ ਦੱਸਿਆ ਕਿ ਦੇਸ਼ ਦੇ 11 ਸੂਬਿਆਂ ਵਿਚ ਇਕ ਲੱਖ ਕਿਲੋਮੀਟਰ ਸੜਕਾਂ ਬਣ ਚੁੱਕੀਆਂ ਹਨ ਅਤੇ ਚਾਲੂ ਵਿੱਤੀ ਵਰ੍ਹੇ ਵਿਚ ਇਹ ਅੰਕੜਾ ਦੁੱਗਣਾ ਵਧੇਗਾ। ਅਸਮ ਵਿਚ ਇਸ ਸਾਲ ਪਹਿਲੀ ਵਾਰ ਰਾਸ਼ਟਰੀ ਰਾਜਮਾਰਗਾਂ ਵਿਚ ਪਲਾਸਟਿਕ ਦੇ ਕੂੜੇ ਦੀ ਵਰਤੋਂ ਹੋਈ ਹੈ। ਇੰਡੀਅਨ ਰੋਡ ਕਾਂਗਰਸ ਨੇ ਕੋਡ ਆਫ ਪਲਾਸਟਿਕ ਦੇ ਨਵੇਂ ਮਾਨਕ 2013 ਵਿਚ ਤਿਆਰ ਕੀਤੇ ਸੀ।
Road project
ਪਲਾਸਟਿਕ ਕੂੜੇ ਨੂੰ ਸੜਕ ਨਿਰਮਾਣ ਵਿਚ ਵਰਤਣ ਦਾ ਇਹ ਵਿਸ਼ਵ ਦਾ ਪਹਿਲਾ ਕੋਡ ਆਫ ਪਲਾਸਟਿਕ ਹੈ। 260 ਕਿਲੋਮੀਟਰ ਲੰਬੇ ਜੰਮੂ-ਕਸ਼ਮੀਰ ਰਾਸ਼ਟਰੀ ਰਾਜਮਾਰਗ ਵਿਚ ਪਲਾਸਟਿਕ ਦਾ ਕੂੜਾ ਮਿਲਾਇਆ ਗਿਆ। ਨੋਇਡਾ ਸੈਕਟਰ 14ਏ ਵਿਚ ਮਹਾਮਾਇਆ ਫਲਾਈਓਵਰ ਤੱਕ ਸੜਕ ਨਿਰਮਾਣ ਵਿਚ ਛੇ ਟਨ ਪਲਾਸਟਿਕ ਦਾ ਕੂੜਾ ਲੱਗਿਆ। ਦਿੱਲੀ-ਮੇਰਠ ਐਕਸਪ੍ਰੈਸ ਵੇਅ ਦੇ ਯੂਪੀ ਗੇਟ ਕੋਲ ਦੋ ਕਿਲੋਮੀਟਰ ਸੜਕ ਲਈ 1.6ਟਨ ਪਲਾਸਟਿਕ ਦਾ ਕੂੜਾ ਲੱਗਿਆ।
