ਮੰਤਰੀ ਨੇ ਵਿਦਿਆਰਥੀਆਂ ਨੂੰ ਦਿੱਤੀ ਸਿੱਖਿਆ
ਛੱਤੀਸਗੜ੍ਹ: ਛੱਤੀਸਗੜ੍ਹ ਦੇ ਉਦਯੋਗ ਮੰਤਰੀ ਕਵਾਸੀ ਲਖਮਾ ਇਕ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਵਿਵਾਦਾਂ ਵਿਚ ਆ ਗਏ ਹਨ। ਦਰਅਸਲ ਇਸ ਵੀਡੀਓ ਵਿਚ ਮੰਤਰੀ ਸਾਬ੍ਹ ਇਹ ਕਹਿੰਦੇ ਹੋਏ ਨਜ਼ਰ ਆ ਰਹੇ ਨੇ ਕਿ ਉਨ੍ਹਾਂ ਨੇ ਇਕ ਵਿਦਿਆਰਥੀ ਨੂੰ ਨੇਤਾ ਬਣਨ ਲਈ ਡੀਸੀ ਜਾਂ ਐਸਐਸਪੀ ਦਾ ਕਾਲਰ ਫੜਨ ਦੀ ਸਿੱਖਿਆ ਦਿੱਤੀ ਸੀ।
Hold the SPs and Collectors by their collar and become a ‘big Neta’
ਵੀਡੀਓ ਵਿਚ ਮੰਤਰੀ ਲਖਮਾ ਇਕ ਪੁਰਾਣਾ ਕਿੱਸਾ ਸੁਣਾਉਂਦੇ ਹੋਏ ਨਜ਼ਰ ਆ ਰਹੇ ਹਨ, ਜਿਸ ਵਿਚ ਉਹ ਆਖ ਰਹੇ ਨੇ ਕਿ ਜਦੋਂ ਨੇਤਾ ਬਣਨ ਦੇ ਚਾਹਵਾਨ ਇਕ ਵਿਦਿਆਰਥੀ ਨੇ ਉਨ੍ਹਾਂ ਨੂੰ ਪੁੱਛਿਆ ਕਿ ਵੱਡਾ ਨੇਤਾ ਬਣਨ ਲਈ ਉਸ ਨੂੰ ਕੀ ਕਰਨਾ ਚਾਹੀਦਾ ਹੈ ਤਾਂ ਲਖਮਾ ਨੇ ਕਿਸੇ ਡੀਸੀ ਜਾਂ ਐਸਐਸਪੀ ਦਾ ਕਾਲਰ ਫੜ ਲਓ, ਬਣ ਗਏ ਵੱਡੇ ਨੇਤਾ। ਲਖਮਾ ਦੀ ਇਹ ਗੱਲ ਸੁਣ ਕੇ ਉਥੇ ਮੌਜੂਦ ਸਾਰੇ ਲੋਕ ਹੱਸਣ ਲੱਗ ਪਏ।
Kawasi Lakhma
ਵੀਡੀਓ ਨਕਸਲ ਪ੍ਰਭਾਵਤ ਸੁਕਮਾ ਜ਼ਿਲ੍ਹੇ ਦੇ ਕੋਂਟਾ ਖੇਤਰ ਦਾ ਹੈ, ਜਿੱਥੇ ਉਹ ਇਕ ਸਕੂਲ ਦੇ ਪ੍ਰੋਗਰਾਮ ਵਿਚ ਬੈਠੇ ਹੋਏ ਨਜ਼ਰ ਆ ਰਹੇ ਹਨ। ਮੰਤਰੀ ਵੱਲੋਂ ਇਸ ਘਟਨਾ ਦਾ ਜ਼ਿਕਰ ਉਥੇ ਮੌਜੂਦ ਵਿਦਿਆਰਥੀਆਂ ਦੇ ਸਾਹਮਣੇ ਕੀਤਾ ਗਿਆ, ਜਦਕਿ ਉਨ੍ਹਾਂ ਦੇ ਨਾਲ ਹੋਰ ਵੀ ਕਈ ਕਾਂਗਰਸੀ ਨੇਤਾ ਬੈਠੇ ਨਜ਼ਰ ਆ ਰਹੇ ਹਨ। ਵਿਵਾਦ ਵਧਣ ’ਤੇ ਲਖਮਾ ਨੇ ਅਪਣੇ ਬਿਆਨ ਤੋਂ ਮੁੱਕਰਦੇ ਹੋਏ ਆਖਿਆ ਕਿ ਉਸ ਦੇ ਬਿਆਨ ਨੂੰ ਤੋੜ ਮਰੋੜ ਦੇ ਪੇਸ਼ ਕੀਤਾ ਗਿਆ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਜਦੋਂ ਨੇਤਾ ਹੀ ਵਿਦਿਆਰਥੀਆਂ ਨੂੰ ਅਜਿਹੀ ਪੁੱਠੀ ਸਿੱਖਿਆ ਦੇ ਰਹੇ ਹਨ ਤਾਂ ਹੋਰ ਕਿਸੇ ਤੋਂ ਕੀ ਆਸ ਕੀਤੀ ਜਾ ਸਕਦੀ ਹੈ।
ਦੇਖੋ ਵੀਡੀਓ:
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
