ਨਵੀਂ ਦਿੱਲੀ: ਪਸ਼ੂ-ਪਾਲਣ ਡੇਅਰੀ ਅਤੇ ਮੱਛੀ ਪਾਲਣ ਮੰਤਰੀ ਗਿਰੀਰਾਜ ਸਿੰਘ ਨੇ ਕਿਹਾ ਹੈ ਕਿ ਤਕਨੀਕ ਦੀ ਵਰਤੋਂ ਨਾਲ ਆਉਣ ਵਾਲੇ ਸਮੇਂ ਵਿਚ ਸਿਰਫ਼ ਮਾਦਾ ਗਾਂ ਦਾ ਹੀ ਜਨਮ ਹੋਵੇਗਾ। ਉਨ੍ਹਾਂ ਇਹ ਵੀ ਕਿਹਾ ਕਿ ਉਹ ਗਊਆਂ ਪੈਦਾ ਕਰਨ ਦੀ ਫ਼ੈਕਟਰੀ ਲਾ ਦੇਣਗੇ। ਭਾਜਪਾ ਮੰਤਰੀ ਨੇ ਕਿਹਾ ਕਿ ਸਰਕਾਰ ਨੇ ਪਸ਼ੂਆਂ ਵਿਚ ਲਿੰਗ ਨਿਰਧਾਰਤ ਕਰਨ ਵਾਲੀ ਤਕਨੀਕ ਬਣਾਉਣ ਦੀ ਯੋਜਨਾ ਬਣਾਈ ਹੈ।
Giriraj singh said we will set up a cow production factory
ਨਵੀਂ ਤਕਨੀਕ ਨਾਲ ਹੁਣ ਸਿਰਫ਼ ਮਾਦਾ ਗਾਂ ਦਾ ਹੀ ਜਨਮ ਹੋਵੇਗਾ ਅਤੇ ਇਸ ਨਾਲ ਕਿਸਾਨਾਂ ਦੀ ਆਮਦਨ ਵਧੇਗੀ। ਉਨ੍ਹਾਂ ਕਿਹਾ ਕਿ ਹੁਣ ਮਾਬ-ਲਿਚਿੰਗ ਦਾ ਸਵਾਲ ਨਹੀਂ ਹੋਵੇਗਾ ਅਤੇ ਸਾਡਾ ਜਾਨਵਰ ਉਪਯੋਗੀ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਸਾਲ 2025 ਤੱਕ ਦੇਸ਼ ਵਿਚ 10 ਕਰੋੜ ਗਾਵਾਂ ਹੋ ਜਾਣਗੀਆਂ। ਜਿੰਨੀਆਂ ਗਾਵਾਂ ਹੋਣਗੀਆਂ, ਓਨਾ ਹੀ ਦੁੱਧ ਹੋਵੇਗਾ ਅਤੇ ਅਸੀਂ ਦੁੱਧ ਬਾਹਰ ਭੇਜਾਂਗੇ। ਇਸ ਨਾਲ ਕਿਸਾਨਾਂ ਨੂੰ ਜ਼ਾਦਾ ਫ਼ਾਇਦਾ ਹੋਵੇਗਾ।
Giriraj Singh
ਗਿਰੀਰਾਜ ਸਿੰਘ ਨੇ ਕਿਹਾ ਕਿ ਜਦ ਅਸੀਂ ਫ਼ੈਕਟਰੀ ਬਾਰੇ ਬੋਲ ਰਹੇ ਹਾਂ ਤਾਂ ਕਈ ਲੋਕਾਂ ਨੂੰ ਹੈਰਾਨੀ ਹੋਵੇਗੀ ਕਿ ਗਾਂ ਦੀ ਫ਼ੈਕਟਰੀ ਕਿਵੇਂ ਲੱਗੇਗੀ? ਉਨ੍ਹਾਂ ਕਿਹਾ ਕਿ ਨਵੀਂ ਤਕਨੀਕ ਨਾਲ ਜੋ ਗਾਂ ਦੁੱਧ ਦੇਣ ਵਾਲੀ ਨਹੀਂ ਰਹੇਗੀ, ਉਸ ਅੰਦਰ 20 ਲੀਟਰ ਦੁੱਧ ਦੇਣ ਵਾਲੀ ਗਾਂ ਦਾ ਆਈਵੀਐਫ਼ ਅਤੇ ਹੋਰ ਵੀ ਆਧੁਨਿਕ ਤਕਨੀਕ ਦੀ ਵਰਤੋਂ ਕਰਕੇ ਦੁੱਧ ਉਤਪਾਦਨ ਦੀ ਸਮਰੱਥਾ ਵਧਾਈ ਜਾਵੇਗੀ।
Cow
ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਸਾਡੇ ਦੁੱਧ ਦੀ ਕੀਮਤ ਦਾਂ ਵਿਚ ਦੁੱਧ ਦੀਆਂ ਕੀਮਤਾਂ ਤੋਂ ਘੱਟ ਹੋਵੇਗੀ ਜਿਸ ਨਾਲ ਕਿਸਾਨਾਂ ਦੇ ਚਿਹਰਿਆਂ ਉਤੇ ਖੁਸ਼ੀ ਆਵੇਗੀ।
