ਲੋਕ ਸਭਾ ਚੋਣਾਂ ਦੇ ਪਹਿਲੇ ਪੜਾਅ ਵਿਚ ਅੱਜ ਵੀਰਵਾਰ ਨੂੰ 91 ਸੀਟਾਂ 'ਤੇ ਵੋਟਿੰਗ ਹੋ ਰਹੀ ਹੈ...
ਆਂਧਰਾ ਪ੍ਰਦੇਸ਼ : ਲੋਕ ਸਭਾ ਚੋਣਾਂ ਦੇ ਪਹਿਲੇ ਪੜਾਅ ਵਿਚ ਅੱਜ ਵੀਰਵਾਰ ਨੂੰ 91 ਸੀਟਾਂ 'ਤੇ ਵੋਟਿੰਗ ਹੋ ਰਹੀ ਹੈ। ਆਂਧਰਾ ਪ੍ਰਦੇਸ਼ ਵਿਚ ਲੋਕ ਸਭਾ ਚੋਣਾਂ ਦੇ ਨਾਲ-ਨਾਲ ਵਿਧਾਨ ਸਭਾ ਚੋਣਾਂ ਦੇ ਲਈ ਵੀ ਵੋਟਿੰਗ ਹੋ ਰਹੀ ਹੈ। ਹਾਲਾਂਕਿ ਪ੍ਰਦੇਸ਼ ਵਿਚ ਵੋਟਿੰਗ ਦੇ ਦੌਰਾਨ ਕੁਝ ਅਜਿਹਾ ਹੋਇਆ ਜਿਸ ਨਾਲ ਵੋਟਿੰਗ ਕੇਂਦਰ ‘ਚ ਹਫ਼ੜਾ-ਦਫ਼ੜੀ ਮਚ ਗਈ। ਦਰਅਸਲ ਜਨ ਸੈਨਾ ਪਾਰਟੀ ਦੇ ਇਕ ਉਮੀਦਵਾਰ ਨੇ ਗੁੱਸੇ ‘ਚ ਈਵੀਐਮ ਨੂੰ ਹੀ ਚੁੱਕ ਕੇ ਧਰਤੀ ਨਾਲ ਮਾਰਿਆ।
#WATCH Jana Sena MLA candidate Madhusudhan Gupta smashes an Electronic Voting Machine (EVM) at a polling booth in Gooty, in Anantapur district. He has been arrested by police. #AndhraPradesh pic.twitter.com/VoAFNdA6Jo
— ANI (@ANI) April 11, 2019
ਜਾਣਕਾਰੀ ਮੁਤਾਬਿਕ ਆਂਧਰਾ ਪ੍ਰਦੇਸ਼ ਦੇ ਅਨੰਤਪੁਰ ਲੋਕ ਸਭਾ ਸੀਟ ਤੋਂ ਪਵਨ ਕਲਿਆਣ ਦੀ ਪਾਰਟੀ ਜਨਸੈਨਾ ਦੇ ਉਮੀਦਵਾਰ ਮਧੂਸੂਦਨ ਗੁਪਤਾ ਵੋਟਿੰਗ ਕੇਂਦਰ ‘ਤੇ ਅਪਣੇ ਵੋਟ ਪਾਉਣ ਗਏ। ਮਸ਼ੀਨ ‘ਤੇ ਠੀਕ ਤੋਂ ਵਿਧਾਨ ਸਭਾ ਅਤੇ ਸੰਸਦੀ ਖੇਤਰਾਂ ਦੇ ਨਾਮ ਨਜ਼ਰ ਨਾ ਆਉਣ ਤੋਂ ਉਹ ਵੋਟਿੰਗ ਕੇਂਦਰ ਦੇ ਕਰਮਚਾਰੀਆਂ ਤੋਂ ਨਾਰਾਜ਼ ਹੋ ਗਏ। ਕਿਹਾ ਜਾ ਰਿਹਾ ਹੈ ਕਿ ਉਹ ਐਨਾ ਕੁ ਭੜਕ ਗਏ ਕਿ ਉਨ੍ਹਾਂ ਨੇ ਈਵੀਐਮ ਮਸ਼ੀਨ ਨੂੰ ਹੀ ਚੁੱਕ ਕੇ ਧਰਤੀ ਨਾਲ ਮਾਰਿਆ।
EVM
ਜਿਸ ਕਾਰਨ ਮਸ਼ੀਨ ਟੁੱਟ ਗਈ। ਉਮੀਦਵਾਰ ਦੇ ਇਸ ਹੰਗਾਮੇ ਦੇ ਕਾਰਨ ਕੁਝ ਸਮੇਂ ਦੇ ਲਈ ਵੋਟਿੰਗ ਵੀ ਬੰਦ ਹੋ ਗਈ। ਉਥੇ ਘਟਨਾ ਦੀ ਸੂਚਨਾ ਮਿਲਣ ਤੋਂ ਤੁਰੰਤ ਬਾਅਦ ਪੁਲਿਸ ਨੇ ਮਧੂਸੂਦਨ ਗੁਪਤਾ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਹਾਲਾਂਕਿ ਉਨ੍ਹਾਂ ਨੇ ਪੁਲਿਸ ਦੇ ਨਾਲ ਵੀ ਬਦਸਲੂਕੀ ਕੀਤੀ। ਇਸ ਪੂਰੀ ਘਟਨਾ ਦਾ ਵੀਡੀਓ ਵੀ ਸਾਹਮਣੇ ਆਇਆ ਹੈ। ਜਿਸ ਵਿਚ ਮਧੂਸੂਦਨ ਗੁਪਤਾ ਈਵੀਐਮ 'ਤੇ ਗੁੱਸਾ ਉਤਾਰਦੇ ਦਿਖਾਈ ਦੇ ਰਹੇ ਹਨ।
