ਸੁਲਤਾਨਪੁਰ ਜ਼ਿਲ੍ਹੇ ਦੇ ਮੁਸਲਿਮ ਇਲਾਕੇ 'ਚ ਨੁੱਕੜ ਮੀਟਿੰਗ ਦੀ ਵੀਡੀਓ ਵਾਇਰਲ
ਨਵੀਂ ਦਿੱਲੀ : ਕੇਂਦਰੀ ਮੰਤਰੀ ਅਤੇ ਸੁਲਤਾਨਪੁਰ ਤੋਂ ਭਾਜਪਾ ਉਮੀਦਵਾਰ ਮੇਨਕਾ ਗਾਂਧੀ ਖੁਲੇਆਮ ਮੁਸਲਮਾਨਾਂ ਨੂੰ ਧਮਕੀਆਂ ਦੇ ਕੇ ਵੋਟਾਂ ਮੰਗ ਰਹੀ ਹੈ। ਮੇਨਕਾ ਗਾਂਧੀ ਨੇ ਮੁਸਲਿਮ ਇਲਾਕੇ 'ਚ ਇਕ ਨੁੱਕੜ ਮੀਟਿੰਗ ਵਿਚ ਧਮਕੀ ਦਿੰਦਿਆਂ ਕਿਹਾ, "ਮੈਂ ਤਾਂ ਚੋਣ ਜਿੱਤ ਰਹੀ ਹਾਂ। ਅਜਿਹੇ 'ਚ ਤੁਸੀ ਮੈਨੂੰ ਵੋਟ ਦਿਓ ਨਹੀਂ ਤਾਂ ਕਲ ਨੂੰ ਜਦੋਂ ਤੁਸੀ ਆਪਣੇ ਕੰਮ ਲਈ ਸਾਡੇ ਕੋਲ ਆਏ ਤਾਂ ਸਮਝ ਲਓ ਮੈਂ ਕੀ ਕਰਾਂਗੀ।"
Maneka Gandhi threatening voters that she will watch booth wise votes to decide whom to be helped once she wins.
— Ravi Nair (@t_d_h_nair) 12 April 2019
Sakshi Maharaj says as a ‘Sanyasi’ he’ll curse people if they won’t vote for him!
BJP is a Party with a Difference ?
pic.twitter.com/sG1X65WJ5s
ਮੇਨਕਾ ਗਾਂਧੀ ਨੇ ਸੁਲਤਾਨਪੁਰ ਜ਼ਿਲ੍ਹੇ ਦੇ ਮੁਸਲਿਮ ਬਹੁਗਿਣਤੀ ਪਿੰਡ ਤੁਰਾਬਖਾਨੀ ਇਲਾਕੇ 'ਚ ਇਕ ਨੁੱਕੜ ਮੀਟਿੰਗ ਕੀਤੀ। ਇਸ ਮੀਟਿੰਗ ਦੀ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਮੇਨਕਾ ਗਾਂਧੀ ਕਹਿ ਰਹੀ ਹੈ, "ਅਸੀ ਖੁਲ੍ਹੇ ਹੱਥ ਅਤੇ ਖੁਲ੍ਹੇ ਦਿਲ ਨਾਲ ਆਏ ਹਾਂ। ਤੁਹਾਨੂੰ ਕਲ੍ਹ ਨੂੰ ਮੇਰੀ ਜ਼ਰੂਰਤ ਪਵੇਗੀ। ਸਾਡੀ ਮਦਦ ਕਰਨ ਦਾ ਇਹੀ ਸਮਾਂ ਹੈ।"
Maneka Gandhi
ਮੇਨਕਾ ਗਾਂਧੀ ਨੇ ਕਿਹਾ, "ਮੇਰੇ ਫ਼ਾਊਂਡੇਸ਼ਨ ਨੇ ਤੁਹਾਡੇ ਲਈ 1000 ਕਰੋੜ ਰੁਪਏ ਖ਼ਰਚ ਕੀਤੇ ਹਨ, ਪਰ ਜਦੋਂ ਚੋਣਾਂ ਆਉਂਦੀਆਂ ਹਨ ਤਾਂ ਤੁਸੀ ਕਹਿ ਦਿੰਦੇ ਹੋ ਕਿ ਅਸੀ ਭਾਜਪਾ ਨੂੰ ਵੋਟ ਕਿਉਂ ਦੇਈਏ। ਚੋਣਾਂ 'ਚ ਮੇਰੀ ਜਿੱਤ ਪੱਕੀ ਹੈ। ਇਹ ਜਿੱਤ ਤੁਹਾਡੇ ਬਗੈਰ ਹੋਈ ਤਾਂ ਥੋੜੀ ਖੱਟੀ ਹੋਵੇਗੀ। ਜਦੋਂ ਨਤੀਜਾ ਆਵੇਗਾ ਅਤੇ ਤੁਹਾਡੇ ਬੂਥ ਤੋਂ 50 ਜਾਂ 100 ਵੋਟਾਂ ਪੈਣਗੀਆਂ। ਅਜਿਹੇ 'ਚ ਤੁਸੀ ਮੇਰੇ ਕੋਲ ਆਓਗੇ ਤਾਂ ਸਮਝ ਲਓ ਅਸੀ ਕੀ ਕਰਾਂਗੇ?"
