ਸਿਜੇਰੀਅਨ ਜਣੇਪੇ ਵਿਰੁਧ ਛਿੜੀ ਜੰਗ, ਯੋਗਾ ਅਤੇ ਸੰਗੀਤ ਰਾਹੀਂ ਹੋ ਰਿਹੈ ਸਾਧਾਰਨ ਜਣੇਪਾ
Published : Jan 13, 2019, 3:25 pm IST
Updated : Jan 13, 2019, 3:25 pm IST
SHARE ARTICLE
pregnant woman
pregnant woman

ਮਈ 2018 ਵਿਚ ਭਾਰਤ ਸਰਕਾਰ ਅਤੇ ਵਿਸ਼ਵ ਸਿਹਤ ਸੰਗਠਨ ਦੇ ਟੀਚਾ ਵਿਭਾਗ ਅਧੀਨ ਇਸ ਮਾਡਲ ਨੂੰ ਪ੍ਰਵਾਨਗੀ ਹਾਸਲ ਹੋਈ।

ਇੰਦੌਰ : ਦੇਸ਼ ਵਿਚ ਹਰ 10 ਵਿਚੋਂ 2 ਬੱਚੇ ਸਿਜੇਰੀਅਨ ਨਾਲ ਜਨਮ ਲੈ ਰਹੇ ਹਨ। ਹਸਪਤਾਲਾਂ ਲਈ ਇਹ ਪੈਸੇ ਕਮਾਉਣ ਦਾ ਇਕ ਸਾਧਨ ਬਣ ਚੁੱਕਿਆ ਹੈ। ਇਸ ਦੇ ਵਿਰੁਧ ਇੰਦੌਰ ਬਰਥ ਨੈਟਵਰਕ ਨੇ ਇਕ ਮੁਹਿੰਮ ਉਲੀਕੀ ਹੈ। ਇਸ ਮੁਹਿੰਮ ਵਿਚ ਸ਼ਹਿਰ ਦੇ ਜਨਾਨਾ ਰੋਗਾਂ ਦੇ ਮਾਹਰ, ਹੋਰ ਡਾਕਟਰ, ਨਰਸ, ਆਂਗਨਵਾੜੀ ਵਰਕਰ, ਯੋਗਾ ਮਾਹਰ, ਗਰਭਵਤੀ ਔਰਤਾਂ ਅਤੇ ਮਾਵਾਂ ਸ਼ਾਮਲ ਹਨ। ਇਹ ਮਾਂ ਅਤੇ ਨਵਜੰਮੇ ਬੱਚੇ ਦੀ ਸਿਹਤ ਨੂੰ ਮੁੱਖ ਰੱਖਦੇ ਹੋਏ ਔਰਤਾਂ ਦਾ ਸਾਧਾਰਨ ਜਣੇਪਾ ਕਰਵਾਉਣ ਦੀ ਕੋਸ਼ਿਸ਼ ਵਿਚ ਲਗੇ ਹੋਏ ਹਨ।

Mother and babyMother and baby

ਨੈਟਵਰਕ ਗਰਭਵਤੀ ਔਰਤਾਂ ਅਤੇ ਉਹਨਾਂ ਦੇ ਪਰਵਾਰ ਨੂੰ ਵੀ ਸਿਹਤ ਪੱਖੋਂ ਜਾਗਰੂਕ ਕਰ ਰਿਹਾ ਹੈ। ਇਸ ਨੈਟਵਰਕ ਨਾਲ ਸਬੰਧਤ ਲੋਕ 2016 ਤੋਂ ਇਸ ਨੂੰ ਚਲਾ ਰਹੇ ਹਨ ਅਤੇ ਮੁਸ਼ਕਲ ਹਾਲਾਤਾਂ ਵਿਚ ਵੀ 91 ਔਰਤਾਂ ਦਾ ਜਣੇਪਾ ਸਾਧਾਰਨ ਤਰੀਕੇ ਨਾਲ ਕਰਵਾ ਚੁੱਕੇ ਹਨ। ਇਸ ਨੂੰ ਇੰਦੌਰ ਮਾਡਲ ਦਾ ਨਾਮ ਦਿਤਾ ਗਿਆ ਹੈ। ਮਈ 2018 ਵਿਚ ਭਾਰਤ ਸਰਕਾਰ ਅਤੇ ਵਿਸ਼ਵ ਸਿਹਤ ਸੰਗਠਨ ਦੇ ਟੀਚਾ ਵਿਭਾਗ ਅਧੀਨ ਇਸ ਮਾਡਲ ਨੂੰ ਪ੍ਰਵਾਨਗੀ ਹਾਸਲ ਹੋਈ। ਦੇਸ਼ ਭਰ ਵਿਚ ਹੈਦਰਾਬਾਦ ਤੋਂ ਬਾਅਦ ਇੰਦੌਰ ਸ਼ਹਿਰ ਹੀ ਅਜਿਹਾ ਸ਼ਹਿਰ ਹੈ,

Exercise During PregnancyExercise During Pregnancy

ਜਿਥੇ ਨਰਸਿੰਗ ਕੋਰਸ ਵਿਚ ਇੰਦੌਰ ਮਾਡਲ ਦੇ ਆਧਾਰ 'ਤੇ ਗਰਭਵਤੀ ਔਰਤਾਂ ਦੀ ਦੇਖਭਾਲ ਤੋਂ ਲੈ ਕੇ ਸਾਧਾਰਨ ਜਣੇਪਾ ਕਰਵਾਉਣ ਦੇ ਨੁਕਤਿਆਂ ਦੇ ਨਾਲ 18 ਮਹੀਨੇ ਦੀ ਸਿਖਲਾਈ ਦਿੱਤੀ ਜਾਂਦੀ ਹੈ।  ਵਿਸ਼ਵ ਸਿਹਤ ਸੰਗਠਨ ਮੁਤਾਬਕ ਸਿਜੇਰੀਅਨ ਜਣੇਪਾ 10 ਤੋਂ 15 ਫ਼ੀ ਸਦੀ ਤੋਂ ਵੱਧ ਨਹੀਂ ਹੋਣਾ ਚਾਹੀਦਾ ਪਰ ਇੰਦੌਰ ਸਮੇਤ ਰਾਜ ਵਿਚ ਇਹ ਅੰਕੜਾ 20 ਤੋਂ 40 ਫ਼ੀ ਸਦੀ ਤੱਕ ਪਹੁੰਚਣ ਲਗਾ ਹੈ। ਸਰਕਾਰੀ ਹਸਪਤਾਲਾਂ ਵਿਚ ਹੀ 17 ਤੋਂ 20 ਫ਼ੀ ਸਦੀ ਸਿਜੇਰੀਅਨ ਜਣੇਪਾ ਹੋਣ ਲਗਾ ਹੈ ਅਤੇ ਨਿਜੀ ਹਸਪਤਾਲਾਂ ਵਿਚ 40 ਫ਼ੀ ਸਦੀ।

yoga positions for-pregnant womenyoga positions for-pregnant women

ਇਸ ਨੈਟਵਰਕ ਦੀ ਸਥਾਪਨਾ ਕਰਨ ਵਾਲੇ ਡਾ.ਊਸ਼ਾ ਉਕਾਂਡੇ ਮੁਤਾਬਕ ਔਰਤਾਂ ਨੂੰ ਅਪਣੀ ਤਾਕਤ ਦੀ ਵਰਤੋਂ ਕਰਦੇ ਹੋਏ ਬੱਚੇ ਨੂੰ ਜਨਮ ਦੇਣਾ ਚਾਹੀਦਾ ਹੈ। ਗਰਭ ਦੌਰਾਨ ਅਤੇ ਜਣੇਪੇ ਤੋਂ ਬਾਅਦ ਔਰਤ ਨੂੰ ਘੱਟ ਤੋਂ ਘੱਟ ਦਵਾਈ ਦੇਣੀ ਚਾਹੀਦੀ ਹੈ। ਉਹਨਾਂ ਕਿਹਾ ਕਿ ਉਹਨਾਂ ਦਾ ਟੀਚਾ ਕੰਮਕਾਜੀ ਔਰਤਾਂ ਤੋਂ ਲੈ ਕੇ ਹੇਠਲੇ ਤਬਕੇ ਦੀਆਂ ਔਰਤਾਂ ਤੱਕ ਇਹ ਸੁਨੇਹਾ ਪਹੁੰਚਾਉਣਾ ਹੈ। ਉਹਨਾਂ ਕਿਹਾ ਕਿ ਨੈਟਵਰਕ ਅਧੀਨ ਔਰਤਾਂ ਨੂੰ ਯੋਗਾ ਕਰਵਾਇਆ ਜਾਂਦਾ ਹੈ । ਹਰ ਰੋਜ਼ ਪੈਦਲ ਤੁਰਨਾ ਅਤੇ ਧਿਆਨ ਲਗਾਉਣਾ ਵੀ ਇਸ ਵਿਚ ਸ਼ਾਮਲ ਹੈ। ਇਸ ਨਾਲ ਮਾਂ ਦਾ ਸਰੀਰਕ ਅਤੇ ਮਾਨਸਿਕ ਸਤੁੰਲਨ ਬਣਿਆ ਰਹਿੰਦਾ ਹੈ।   

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Bikram Majithia Case Update : ਮਜੀਠੀਆ ਮਾਮਲੇ 'ਚ ਹਾਈਕੋਰਟ ਤੋਂ ਵੱਡਾ ਅਪਡੇਟ, ਦੇਖੋ ਕੀ ਹੋਇਆ ਫੈਸਲਾ| High court

04 Jul 2025 12:21 PM

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 04/07/2025

04 Jul 2025 12:18 PM

Bikram Singh Majithia Case Update : Major setback for Majithia! No relief granted by the High Court.

03 Jul 2025 12:23 PM

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 03/07/2025

03 Jul 2025 12:21 PM

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 29/06/2025

29 Jun 2025 12:30 PM
Advertisement