Death
ਸੜੀ ਹੋਈ ਰੋਟੀ ਦੇਣ ਕਾਰਨ ਫ਼ੋਨ 'ਤੇ ਪਤੀ ਦੁਆਰਾ ਤਿੰਨ ਤਲਾਕ ਕਹੇ ਜਾਣ ਮਗਰੋਂ ਮਹੀਨੇ ਭਰ ਲਈ ਕਮਰੇ ਵਿਚ ਕਥਿਤ ਤੌਰ 'ਤੇ ਭੁੱਖੀ ਪਿਆਸੀ ਰੱਖੀ ਗਈ ਔਰਤ ਦੀ ਮੌਤ ਹੋ ਗਈ......
ਬਰੇਲੀ : ਸੜੀ ਹੋਈ ਰੋਟੀ ਦੇਣ ਕਾਰਨ ਫ਼ੋਨ 'ਤੇ ਪਤੀ ਦੁਆਰਾ ਤਿੰਨ ਤਲਾਕ ਕਹੇ ਜਾਣ ਮਗਰੋਂ ਮਹੀਨੇ ਭਰ ਲਈ ਕਮਰੇ ਵਿਚ ਕਥਿਤ ਤੌਰ 'ਤੇ ਭੁੱਖੀ ਪਿਆਸੀ ਰੱਖੀ ਗਈ ਔਰਤ ਦੀ ਮੌਤ ਹੋ ਗਈ। ਔਰਤ ਦੇ ਪਤੀ ਸਮੇਤ ਸਹੁਰਾ ਪਰਵਾਰ ਵਿਰੁਧ ਦਾਜ ਹਤਿਆ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲਿਸ ਨੇ ਦਸਿਆ ਕਿ ਮ੍ਰਿਤਕਾ ਦਾ ਛੇ ਸਾਲ ਦਾ ਬੱਚਾ ਹੈ। ਮ੍ਰਿਤਕਾ ਦੀ ਭੈਣ ਦਾ ਦੋਸ਼ ਹੈ ਕਿ ਰਜ਼ੀਆ ਦਾ ਪਤੀ ਦਾਜ ਲਈ ਅਕਸਰ ਉਸ ਦੀ ਕੁੱਟਮਾਰ ਕਰਦਾ ਸੀ। ਪਹਿਲਾਂ ਉਸ ਨੂੰ ਤਿੰਨ ਤਲਾਕ ਕਿਹਾ ਗਿਆ। ਫਿਰ ਉਸ ਨੂੰ ਕਮਰੇ ਵਿਚ ਭੁੱਖੀ ਪਿਆਸੀ ਰਖਿਆ ਗਿਆ।
ਜ਼ਿਲ੍ਹਾ ਪੁਲਿਸ ਉਸ ਦੀ ਪਤੀ ਅਤੇ ਸਹੁਰਾ ਪਰਵਾਰ ਦੇ ਜੀਆਂ ਨੂੰ ਗ੍ਰਿਫ਼ਤਾਰ ਕਰਨ ਲਈ ਛਾਪੇ ਮਾਰ ਰਹੀ ਹੈ। ਯੂਪੀ ਦੇ ਮਹੋਬਾ ਦੀ ਰਹਿਣ ਵਾਲੀ ਰਜ਼ੀਆ ਨੂੰ ਤਿੰਨ ਤਲਾਕ ਕਿਹਾ ਗਿਆ ਅਤੇ ਪਤੀ ਦਾ ਘਰ ਛੱਡਣ ਲਈ ਮਜਬੂਰ ਕਰ ਦਿਤਾ ਗਿਆ। ਰਜ਼ੀਆ ਦੀ ਗ਼ਲਤੀ ਸਿਰਫ਼ ਏਨੀ ਸੀ ਕਿ ਉਸ ਦੀ ਬਣਾਈ ਰੋਟੀ ਸੜ ਗਈ ਸੀ। (ਏਜੰਸੀ)
