ਪੁਲਿਸ ਨੇ ਕੀਤਾ ਖੁਲਾਸਾ
ਨਵੀਂ ਦਿੱਲੀ: ਉਨਾਵ ਵਿਚ ਮਦਰੱਸੇ ਦੇ ਬੱਚੇ ਤੋਂ ਜ਼ਬਰਦਸਤੀ ਜੈ ਸ਼੍ਰੀ ਰਾਮ ਦੇ ਨਾਅਰੇ ਲਗਵਾਉਣ ਦੇ ਮਾਮਲੇ ਵਿਚ ਇਕ ਨਵਾਂ ਮੋੜ ਆਇਆ ਹੈ। ਉਨਾਵ ਪੁਲਿਸ ਦਾ ਕਹਿਣਾ ਹੈ ਕਿ ਸੀਸੀਟੀਵੀ ਫ਼ੁਟੇਜ ਦੀ ਜਾਂਚ ਤੋਂ ਬਾਅਦ ਪਤਾ ਚੱਲਿਆ ਹੈ ਕਿ ਐਫਆਈਆਰ ਵਿਚ ਜਿਹਨਾਂ 4 ਲੋਕਾਂ ਦੇ ਨਾਮ ਹਨ ਉਹ ਮੌਕੇ ਮੌਜੂਦ ਨਹੀਂ ਸਨ। ਪੁਲਿਸ ਮੁਤਾਬਕ ਮਦਰੱਸੇ ਦੇ ਬੱਚੇ ਦੀ ਇਕ ਵਿਅਕਤੀ ਨਾਲ ਲੜਾਈ ਹੋ ਗਈ ਸੀ ਜਿਸ ਤੋਂ ਬਾਅਦ ਵਿਵਾਦ ਵਧ ਗਿਆ ਸੀ।
ਪੁਲਿਸ ਨੇ ਇਸ ਮਾਮਲੇ ਵਿਚ ਇਕ ਆਰੋਪੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਅਤੇ ਅੱਜੇ ਜਾਂਚ ਕਰ ਰਹੀ ਹੈ। ਪੁਲਿਸ ਨੇ ਇਹ ਵੀ ਕਿਹਾ ਕਿ ਜ਼ਬਰਦਸਤੀ ਜੈ ਸ਼੍ਰੀ ਰਾਮ ਦੇ ਨਾਅਰੇ ਲਗਵਾਉਣ ਵਾਲੀ ਕੋਈ ਵੀ ਗੱਲ ਸਾਹਮਣੇ ਨਹੀਂ ਆਈ। ਮਦਰੱਸੇ ਦੇ ਮੌਲਵੀ ਨੇ ਆਰੋਪ ਲਗਾਇਆ ਸੀ ਕਿ ਮਦਰੱਸੇ ਦੇ ਬੱਚਿਆਂ ਤੋਂ ਜ਼ਬਰਦਸਤੀ ਜੈ ਸ਼੍ਰੀ ਰਾਮ ਦੇ ਨਾਅਰੇ ਲਗਵਾ ਕੇ ਕੁੱਟਿਆ ਗਿਆ ਸੀ। ਮਾਮਲਾ ਵਧਦਾ ਦੇਖ ਪੁਲਿਸ ਨੇ ਕੁੱਝ ਲੋਕਾਂ ਨੂੰ ਹਿਰਾਸਤ ਵਿਚ ਲੈ ਲਿਆ ਸੀ।
Police
ਹਿਰਾਸਤ ਵਿਚ ਲਏ ਗਏ ਆਰੋਪੀਆਂ ਦੇ ਸਮਰਥਨ ਵਿਚ ਹਿੰਦੂ ਯੂਵਾ ਵਾਹਿਨੀ ਆ ਗਈ ਸੀ। ਹਿੰਦੂ ਯੂਵਾ ਵਾਹਿਨੀ ਅਤੇ ਬਾਕੀ ਹਿੰਦੂ ਸੰਗਠਨਾਂ ਦੇ ਕੁੱਝ ਵਰਕਰਾਂ ਨੇ ਆਰੋਪੀਆਂ ਦੇ ਸਮਰਥਨ ਵਿਚ ਉਨਾਵ ਵਿਚ ਕੋਤਵਾਲੀ ਦਾ ਘਿਰਾਉ ਕਰ ਕੇ ਭਿਆਨਕ ਅੰਦੋਲਨ ਦੀ ਧਮਕੀ ਦਿੱਤੀ ਸੀ। ਉਨਾਵ ਦੇ ਸੀਓ ਸਿਟੀ ਉਮੇਸ਼ ਕੁਮਾਰ ਤਿਆਗੀ ਨੇ ਦਸਿਆ ਸੀ ਕਿ ਜਾਮਾ ਮਸਜਿਦ ਦੇ ਮਦਰੱਸਾ ਦਾਰੂਲ ਉਲੂਮ ਦੇ ਬੱਚੇ ਦਾ ਹਾਫ਼ ਡੇ ਹੁੰਦਾ ਹੈ।
ਉਸ ਦਿਨ ਉਹ ਜੀਆਈਸੀ ਇੰਟਰ ਕਾਲਜ ਦੇ ਗ੍ਰਾਉਂਡ ਵਿਚ ਕ੍ਰਿਕਟ ਖੇਡਣ ਗਿਆ ਸੀ। ਉੱਥੇ ਮੌਜੂਦ ਕੁੱਝ ਲੋਕਾਂ ਨਾਲ ਬੱਚਿਆਂ ਦੀ ਲੜਾਈ ਹੋ ਗਈ ਤੇ ਮਾਮਲਾ ਮਾਰਕੁੱਟ ਤਕ ਪਹੁੰਚ ਗਿਆ।
