ਤੀਜੀ ਤਿਮਾਹੀ 'ਚ ਨੌ ਪ੍ਰਮੁੱਖ ਸ਼ਹਿਰਾਂ 'ਚ 30 ਫ਼ੀ ਸਦੀ ਘਟੀ ਘਰਾਂ ਦੀ ਵਿਕਰੀ
ਨਵੀਂ ਦਿੱਲੀ : ਅਰਥਵਿਵਸਥਾ ਵਿਚ ਸੁਸਤੀ ਦੇ ਦੌਰਾਨ ਚਾਲੂ ਵਿੱਤੀ ਸਾਲ ਦੀ ਤੀਜੀ ਤਿਮਾਹੀ 'ਚ ਦੇਸ਼ ਦੇ ਨੌ ਪ੍ਰਮੁੱਖ ਸ਼ਹਿਰਾਂ 'ਚ ਘਰਾਂ ਦੀ ਵਿਕਰੀ 30 ਫ਼ੀ ਸਦੀ ਘੱਟ ਕੇ 64,000 ਇਕਾਈ ਰਹਿ ਗਈ। ਪ੍ਰਾਪਰਟਾਈਗਰ ਦੀ ਇਕ ਰਿਪੋਰਟ ਵਿਚ ਇਹ ਜਾਣਕਾਰੀ ਦਿਤੀ ਗਈ ਹੈ।
Photo
ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਚਾਲੂ ਵਿੱਤੀ ਸਾਲ ਦੇ ਪਹਿਲੇ ਨੌ ਮਹੀਨੇ 'ਚ ਰਿਹਾਇਸ਼ੀ ਸੰਪਤੀਆਂ ਦੀ ਵਿਕਰੀ 13 ਫ਼ੀ ਸਦੀ ਘੱਟ ਕੇ 2,28,220 ਇਕਾਈ ਰਹਿ ਗਈ, ਜੋ ਇਸ ਤੋਂ ਪਿਛਲੇ ਵਿੱਤੀ ਸਾਲ ਦੀ ਸਮਾਨ ਤਿਮਾਹੀ 'ਚ 2,63,294 ਇਕਾਈ ਰਹੀ ਸੀ।
Photo
ਨਿਊਜ਼ ਕਾਰਪ ਸਮਰਥਿਤ ਕੰਪਨੀ ਨੇ ਰੀਅਲ ਇਨਸਾਈਟ ਤੀਜੀ ਤਿਮਾਹੀ ਦੀ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਅਕਤੂਬਰ-ਦਸੰਬਰ ਦੇ ਦੌਰਾਨ ਨੌ ਪ੍ਰਮੁੱਖ ਸ਼ਹਿਰਾਂ 'ਚ ਘਰਾਂ ਦੀ ਵਿਕਰੀ 30 ਫ਼ੀ ਸਦੀ ਘਟੀ ਹੈ। ਹਾਲਾਂਕਿ ਇਸ ਦੌਰਾਨ ਸਰਕਾਰ ਵਲੋਂ ਘਰ ਖਰੀਦਾਰਾਂ ਦੀ ਧਾਰਨਾ 'ਚ ਸੁਧਾਰ ਲਈ ਕਈ ਕਦਮ ਚੁੱਕੇ ਗਏ।
Photo
ਰਿਪੋਰਟ ਮੁਤਾਬਕ ਚਾਲੂ ਵਿੱਤੀ ਸਾਲ ਦੀ ਤੀਜੀ ਤਿਮਾਹੀ 'ਚ ਨੌ ਪ੍ਰਮੁੱਖ ਸ਼ਹਿਰਾਂ ਵਿਚ ਘਰਾਂ ਦੀ ਵਿਕਰੀ 64,034 ਇਕਾਈ ਰਹੀ, ਜੋ ਇਸ ਤੋਂ ਪਿਛਲੇ ਵਿੱਤੀ ਸਾਲ ਦੀ ਸਮਾਨ ਤਿਮਾਹੀ 'ਚ 91,464 ਇਕਾਈ ਰਹੀ ਸੀ।
Photo
ਪ੍ਰੋਪਰਟਾਈਗਰ ਨੇ ਹਾਲ ਹੀ 'ਚ ਨਿਊਜ਼ ਕਾਰਪ ਅਤੇ ਉਸ ਦੇ ਆਸਟ੍ਰੇਲੀਆ ਗਰੁੱਪ ਦੀ ਕੰਪਨੀ ਆਰ.ਈ.ਏ. ਤੋਂ ਸੱਤ ਕਰੋੜ ਡਾਲਰ ਦਾ ਫ਼ੰਡ ਜੁਟਾਇਆ ਹੈ। ਇਹ ਕੰਪਨੀ ਅਹਿਮਦਾਬਾਦ, ਬੰਗਲੁਰੂ, ਚੇਨਈ, ਗੁਰੂਗ੍ਰਾਮ, ਹੈਦਰਾਬਾਦ, ਕੋਲਕਾਤਾ, ਮੁੰਬਈ, ਪੁਣੇ ਅਤੇ ਨੋਇਡਾ ਦੇ ਸੰਪਤੀ ਬਾਜ਼ਾਰ ਦੇ ਅੰਕੜੇ ਜੁਟਾਉਂਦੀ ਹੈ।
