WHO ਨੇ ਸਪੱਸ਼ਟ ਕਿਹਾ ਹੈ ਕਿ ਹੋ ਸਕਦਾ ਹੈ ਕਿ ਕੋਵਿਡ-19...
ਨਵੀਂ ਦਿੱਲੀ: ਦੁਨੀਆ ਨੂੰ ਕੁੱਝ ਹੀ ਮਹੀਨਿਆਂ ਵਿਚ ਕੋਰੋਨਾ ਵੈਕਸੀਨ ਉਪਲੱਬਧ ਕਰਵਾਉਣ ਦੇ ਐਲਾਨ ਤੋਂ ਬਾਅਦ ਹੁਣ ਵਰਲਡ ਹੈਲਥ ਆਰਗੇਨਾਈਜੇਸ਼ਨ (WHO) ਨੇ ਦੁਨੀਆਭਰ ਦੇ ਦੇਸ਼ਾਂ ਲਈ ਚੇਤਾਵਨੀ ਜਾਰੀ ਕੀਤੀ ਹੈ ਕਿ ਉਹਨਾਂ ਨੂੰ ਅਜਿਹੀਆਂ ਸਥਿਤੀਆਂ ਲਈ ਵੀ ਤਿਆਰ ਰਹਿਣਾ ਚਾਹੀਦਾ ਹੈ ਜਿਹਨਾਂ ਵਿਚ ਇਹ ਵਾਇਰਸ ਕਦੇ ਖਤਮ ਨਹੀਂ ਹੋਵੇਗਾ।
WHO
WHO ਨੇ ਸਪੱਸ਼ਟ ਕਿਹਾ ਹੈ ਕਿ ਹੋ ਸਕਦਾ ਹੈ ਕਿ ਕੋਵਿਡ-19 (Covid-19) ਕਦੇ ਖ਼ਤਮ ਨਹੀਂ ਹੋਵੇਗਾ ਅਤੇ ਦੁਨੀਆ ਨੂੰ ਇਸ ਦੇ ਨਾਲ ਹੀ ਜੀਊਣ ਦੀ ਆਦਤ ਪਾਉਣੀ ਪਵੇਗੀ। WHO ਨੇ ਐਮਰਜੈਂਸੀ ਮਾਮਲਿਆਂ ਦੇ ਨਿਦੇਸ਼ਕ ਮਾਈਕਲ ਰਿਆਨ ਨੇ ਜੇਨੇਵਾ ਵਿਚ ਇਕ ਵਰਚੁਅਲ ਪ੍ਰੈਸ ਕਾਨਫਰੰਸ ਵਿਚ ਬੁੱਧਵਾਰ ਨੂੰ ਕਿਹਾ ਕਿ ਕੋਰੋਨਾ ਲੋਕਾਂ ਵਿਚ ਇੰਝ ਤਬਦੀਲ ਹੋ ਸਕਦਾ ਹੈ ਜੋ ਕਿ ਦੂਜੇ ਵਾਇਰਸ ਤੋਂ ਹਟ ਕੇ ਹੋਵੇ ਅਤੇ ਸੰਭਵ ਹੈ ਕਿ ਇਹ ਕਦੇ ਖਤਮ ਵੀ ਨਾ ਹੋਵੇ।
Veccine
ਉਹਨਾਂ ਨੇ ਐਚਆਈਵੀ (HIV) ਦਾ ਉਦਾਹਰਣ ਦਿੰਦੇ ਹੋਏ ਕਿਹਾ ਕਿ ਇਹ ਵਾਇਰਸ ਵੀ ਖ਼ਤਮ ਨਹੀਂ ਹੋਇਆ ਹੈ। ਮਾਈਕਲ ਰਿਆਨ ਮੁਤਾਬਕ ਵੈਕਸੀਨ ਦੇ ਬਿਨਾਂ ਆਮ ਲੋਕਾਂ ਨੂੰ ਇਸ ਬਿਮਾਰੀ ਨੂੰ ਲੈ ਕੇ ਇਮਿਊਨਿਟੀ ਦਾ ਉਪਯੁਕਤ ਪੱਧਰ ਹਾਸਿਲ ਕਰਨ ਵਿਚ ਸਾਲਾਂ ਲਗ ਜਾਂਦੇ ਹਨ।
Test
ਇਸ ਤੋਂ ਪਹਿਲਾਂ ਵਿਸ਼ਵ ਸਿਹਤ ਸੰਗਠਨ ਦੇ ਮੁੱਖੀ ਟੇਡਰਾਸ ਐਡਹਨਾਮ ਗਿਬ੍ਰਇਸਾਸ ਨੇ ਕਿਹਾ ਸੀ ਕਿ ਵੈਕਸੀਨ ਬਣਾਉਣ ਦਾ ਕੰਮ ਤੇਜ਼ੀ ਨਾਲ ਚਲ ਰਿਹਾ ਹੈ ਅਤੇ ਘਟ ਤੋਂ ਘਟ 100 ਵੈਕਸੀਨ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਇਹਨਾਂ ਵਿਚ 7 ਤੋਂ 8 ਅਜਿਹੀਆਂ ਹਨ ਜੋ ਕਿ ਮੰਜ਼ਿਲ ਦੇ ਕਾਫੀ ਨੇੜੇ ਹਨ। ਦਸ ਦਈਏ ਕਿ ਸਿਰਫ WHO ਹੀ ਨਹੀਂ ਦੁਨੀਆਭਰ ਦੇ ਐਕਸਪਰਟ ਖ਼ਦਸ਼ਾ ਜਤਾ ਰਹੇ ਹਨ ਕਿ ਅਜਿਹੀ ਕੋਈ ਵੈਕਸੀਨ ਕਦੇ ਤਿਆਰ ਨਹੀਂ ਹੋ ਸਕੇਗੀ।
Test Kits
ਦੁਨੀਆਭਰ ਦੇ ਦੇਸ਼ਾਂ ਨੇ ਲਾਕਡਾਊਨ ਵਿਚ ਢਿੱਲ ਦੇਣਾ ਸ਼ੁਰੂ ਕਰ ਦਿੱਤਾ ਹੈ ਜਿਸ ਤੋਂ ਬਾਅਦ ਟੇਡਰਾਸ ਨੇ ਚੇਤਾਵਨੀ ਦਿੱਤੀ ਹੈ ਕਿ ਇਸ ਨਾਲ ਵਾਇਰਸ ਦੀ ਰਫ਼ਤਾਰ ਕਾਫ਼ੀ ਵਧ ਸਕਦੀ ਹੈ। ਟੇਡਰਾਸ ਨੇ ਕਿਹਾ ਕਿ ਕਈ ਦੇਸ਼ ਮੌਜੂਦਾ ਲਾਕਡਾਊਨ ਸਥਿਤੀ ਤੋਂ ਬਾਹਰ ਨਿਕਲਣ ਲਈ ਵੱਖ-ਵੱਖ ਤਰੀਕੇ ਅਪਣਾ ਰਹੇ ਹਨ। ਪਰ ਵਿਸ਼ਵ ਸਿਹਤ ਸੰਗਠਨ ਦੁਨੀਆ ਦੇ ਸਾਰੇ ਦੇਸ਼ਾਂ ਨੂੰ ਅਲਰਟ ਰਹਿਣ ਦੀ ਸਲਾਹ ਦੇ ਰਿਹਾ ਹੈ।
Vaccine
ਹਰ ਦੇਸ਼ ਨੂੰ ਹੁਣ ਵੀ ਸਭ ਤੋਂ ਵੱਡੇ ਅਲਰਟ ਤੇ ਰਹਿਣ ਦੀ ਜ਼ਰੂਰਤ ਹੈ। ਰਿਆਨ ਨੇ ਕਿਹਾ ਕਿ ਹੁਣ ਮਨੁੱਖੀ ਜੀਵਨ ਆਮ ਹੋਣ ਵਿਚ ਕਾਫੀ ਲੰਬਾ ਸਮਾਂ ਲਗੇਗਾ। ਉਹਨਾਂ ਅੱਗੇ ਕਿਹਾ ਕਿ ਇਹ ਕੋਈ ਨਹੀਂ ਦਸ ਸਕਦਾ ਇਹ ਵਾਇਰਸ ਕਦੋਂ ਖਤਮ ਹੋਵੇਗਾ। ਇਸ ਨੂੰ ਲੈ ਕੇ ਕੋਈ ਠੋਸ ਸਬੂਤ ਜਾਂ ਬਿਆਨ ਜਾਰੀ ਨਹੀਂ ਕੀਤਾ ਜਾ ਸਕਦਾ।
ਉਹਨਾਂ ਕਿਹਾ ਕਿ ਜੇ ਕੋਵਿਡ-19 ਦੀ ਵੈਕਸੀਨ ਤਿਆਰ ਹੋ ਵੀ ਜਾਂਦੀ ਹੈ ਤਾਂ ਉਸ ਨੂੰ ਦੁਨੀਆਭਰ ਵਿਚ ਟੈਸਟ ਕਰਨਾ ਪਵੇਗਾ ਅਤੇ ਕੋਰੋਨਾ ਵਾਇਰਸ ਤੇ ਕੰਟਰੋਲ ਕਰਨ ਲਈ ਬਹੁਤ ਵੱਡੇ ਯਤਨਾਂ ਦੀ ਜ਼ਰੂਰਤ ਆਉਣ ਵਾਲੇ ਦਿਨਾਂ ਵਿਚ ਵੀ ਪਵੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
