ਗੂਗਲ ਨੇ ਅਪਣੀ ਇਸ਼ਤਿਹਾਰੀ ਨੀਤੀ ਵਿਚ ਤਬਦੀਲੀ ਕੀਤੀ ਹੈ ਤੇ ਹੁਣ ਅਜਿਹੇ ਇਸ਼ਤਿਹਾਰਾਂ ਨੂੰ ਇਸ ਪਲੇਟ ਫ਼ਾਰਮ 'ਤੇ ਥਾਂ ਨਹੀਂ ਮਿਲੇਗੀ
ਗੂਗਲ ਨੇ ਅਪਣੀ ਇਸ਼ਤਿਹਾਰੀ ਨੀਤੀ ਵਿਚ ਤਬਦੀਲੀ ਕੀਤੀ ਹੈ ਤੇ ਹੁਣ ਅਜਿਹੇ ਇਸ਼ਤਿਹਾਰਾਂ ਨੂੰ ਇਸ ਪਲੇਟ ਫ਼ਾਰਮ 'ਤੇ ਥਾਂ ਨਹੀਂ ਮਿਲੇਗੀ, ਜੋ ਕਿਸੇ ਨਾ ਕਿਸੇ ਰੂਪ ਵਿਚ ਜਾਸੂਸੀ ਨੂੰ ਵਧਾਉਂਦੇ ਹਨ।
Google
ਜਾਣਕਾਰੀ ਮੁਤਾਬਕ ਦੁਨੀਆਂ ਦੇ ਸੱਭ ਤੋਂ ਵੱਡੇ ਸਰਚ ਇੰਜਣ ਗੂਗਲ ਨੇ ਸਟਾਕਰਵੇਅਰ ਜਿਹੇ ਨਿਗਰਾਨੀ ਸਾਫ਼ਟ ਵੇਅਰਾਂ 'ਤੇ ਰੋਕ ਲਾਉਣ ਦਾ ਫ਼ੈਸਲਾ ਲਿਆ ਹੈ। ਨਾਲ ਹੀ ਸਪਾਈਵੇਅਰ ਦੇ ਇਸ਼ਤਿਹਾਰ ਵੀ ਨਹੀਂ ਦਿਖਾਈ ਦੇਣਗੇ।
Google
ਗੂਗਲ ਇਸ਼ਤਿਹਾਰ ਤੇ ਜਾਸੂਸੀ ਸਾਫ਼ਟਵੇਅਰ ਨੂੰ ਲੈ ਕੇ ਅਪਣੀ ਇਸ਼ਤਿਹਾਰੀ ਨੀਤੀ ਵਿਚ 11 ਅਗੱਸਤ ਤੋਂ ਇਹ ਤਬਦੀਲੀ ਕਰੇਗਾ। ਗੂਗਲ ਕੰਪਨੀ ਨੇ ਨੂੰ ਇਸ ਸਬੰਧ ਵਿਚ ਬਿਆਨ ਜਾਰੀ ਕੀਤਾ।
Google
ਗੂਗਲ 'ਤੇ ਅਜਿਹੇ ਇਸ਼ਤਿਹਾਰ ਉਤਪਾਦ ਵੀ ਬੰਦ ਹੋ ਜਾਣਗੇ, ਜਿਨ੍ਹਾਂ ਵਿਚ ਸਪਾਈਵੇਅਰ, ਮੈਲਵੇਅਰ ਸ਼ਾਮਲ ਹੋਣਗੇ ਤੇ ਜਿਨ੍ਹਾਂ ਦੀ ਵਰਤੋਂ ਟੈਕਸਟ, ਫ਼ੋਨ ਕਾਲ ਜਾਂ ਬ੍ਰਾਊਜਿੰਗ ਹਿਸਟਰੀ 'ਤੇ ਨਜ਼ਰ ਰੱਖਣ ਲਈ ਕੀਤੀ ਜਾ ਸਕਦੀ ਹੈ। ਜੀਪੀਐਸ ਟ੍ਰੈਕਰ ਵਿਸ਼ੇਸ਼ ਰੂਪ ਵਿਚ ਜਾਸੂਸੀ ਕਰਨ ਜਾਂ ਕਿਸੇ ਦੀ ਸਹਿਮਤੀ ਤੋਂ ਬਿਨਾਂ ਉਸ ਨੂੰ ਟਰੈਕ ਕਰਨ ਕਰਨ ਲਈ ਕੀਤਾ ਜਾਂਦਾ ਹੈ।
Google
ਗੂਗਲ ਅਨੁਸਾਰ ਸਟਾਕਰਵੇਅਰ ਤੇ ਸਪਾਈਵੇਅਰ ਜਿਹੇ ਸਾਫ਼ਟਵੇਅਰ ਨਾਲ ਜੀਵਨਸਾਥੀ ਦੀ ਜਾਸੂਸੀ ਕਰਵਾਉਣ ਜਾਂ ਪ੍ਰੇਮਿਕਾ ਦੇ ਫ਼ੋਨ ਤੋਂ ਲੋਕੇਸ਼ਨ ਪਤਾ ਲਾਉਣ ਤੇ ਮੈਸੇਜ ਪੜ੍ਹਨ ਵਿਚ ਕੀਤਾ ਜਾਂਦਾ ਹੈ। ਨਵੀਂ ਇਸ਼ਤਿਹਾਰ ਨੀਤੀ ਤਹਿਤ ਸਾਥੀ ਦੀ ਨਿਗਰਾਨੀ ਕਰਨ ਵਾਲੇ ਸਪਾਈਵੇਅਰ ਤੇ ਤਕਨਾਲੋਜੀ 'ਤੇ ਰੋਕ ਲੱਗੇਗੀ।
Google
ਖ਼ਾਸ ਤੌਰ 'ਤੇ ਸਪਾਈਵੇਅਰ ਦੀ ਵਰਤੋਂ ਅਜਿਹੇ ਲੋਕਾਂ ਵਲੋਂ ਕੀਤੀ ਜਾਂਦੀ ਹੈ, ਜਿਨ੍ਹਾਂ ਨੂੰ ਕਿਸੇ ਦੀ ਨਿੱਜਤਾ ਵਿਚ ਦਖ਼ਲ ਦੇਣ ਵਿਚ ਕੋਈ ਝਿਜਕ ਨਹੀਂ ਹੁੰਦੀ। ਕੁੱਝ ਪਤੀ ਵੀ ਅਪਣੀ ਪਤਨੀ 'ਤੇ ਨਜ਼ਰ ਰੱਖਣ ਲਈ ਇਸ ਤਰ੍ਹਾਂ ਦੇ ਸਪਾਈਵੇਅਰ ਦੀ ਵਰਤੋਂ ਕਰਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
