ਸਾਲ 2019 ਦੀ ਸ਼ੁਰੂਆਤ ਭਿਆਨਕ ਕੁਦਰਤੀ ਆਫ਼ਤਾਂ ਜਿਵੇਂ ਹੜ੍ਹ ਅਤੇ ਭੂਚਾਲ ਨਾਲ ਹੋਵੇਗੀ। ਅਤਿਵਾਦ ਵਧੇਗਾ ਅਤੇ ਮਾਨਵੀ ਆਬਾਦੀ ਦਾ ਵੱਡਾ ਹਿੱਸਾ ਹੜ੍ਹ ਵਿਚ ਵਹਿ ...
ਨਵੀਂ ਦਿੱਲੀ (ਭਾਸ਼ਾ) :- ਸਾਲ 2019 ਦੀ ਸ਼ੁਰੂਆਤ ਭਿਆਨਕ ਕੁਦਰਤੀ ਆਫ਼ਤਾਂ ਜਿਵੇਂ ਹੜ੍ਹ ਅਤੇ ਭੂਚਾਲ ਨਾਲ ਹੋਵੇਗੀ। ਅਤਿਵਾਦ ਵਧੇਗਾ ਅਤੇ ਮਾਨਵੀ ਆਬਾਦੀ ਦਾ ਵੱਡਾ ਹਿੱਸਾ ਹੜ੍ਹ ਵਿਚ ਵਹਿ ਜਾਵੇਗਾ। ਅਜਿਹੀਆਂ ਕਈ ਭਵਿੱਖਵਾਣੀਆਂ ਫਰਾਂਸੀਸੀ ਕਵੀ ਨਾਸਤਰੇਦਮਸ ਨੇ 2019 ਨੂੰ ਲੈ ਕੇ ਕੀਤੀ ਸੀ। ਉਨ੍ਹਾਂ ਦੇ ਅਨੁਸਾਰ 2019 ਵਿਚ ਤੀਜਾ ਵਿਸ਼ਵ ਯੁੱਧ ਹੋਵੇਗਾ ਅਤੇ ਮਨੁੱਖ ਆਬਾਦੀ ਨੂੰ ਬਹੁਤ ਤਕਲੀਫਾਂ ਦਾ ਸਾਹਮਣਾ ਕਰਨਾ ਪਵੇਗਾ।
ਫ਼ਰਾਂਸ ਵਿਚ 16ਵੀਂ ਸ਼ਤਾਬਦੀ (1503 - 1566) ਵਿਚ ਜੰਮੇ ਨਾਸਤਰੇਦਮਸ ਨੇ 400 ਸਾਲ ਪਹਿਲਾਂ ਹੀ ਆਉਣ ਵਾਲੀਆਂ 20 ਸਦੀਆਂ ਦੀਆਂ ਭਵਿੱਖਬਾਣੀਆਂ ਕਰ ਦਿਤੀਆਂ ਸਨ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਉਨ੍ਹਾਂ ਨੇ ਜੋ ਵੀ ਭਵਿੱਖਵਾਣੀ ਕੀਤੀ ਸੀ, ਉਹ ਜ਼ਿਆਦਾਤਰ ਸਟੀਕ ਸਾਬਤ ਹੋ ਚੁੱਕੀ ਹੈ। ਜਿਵੇਂ ਬ੍ਰਿਟਿਸ਼ ਰਾਜਕੁਮਾਰੀ ਡਾਇਨਾ ਦੀ ਮੌਤ, ਜਰਮਨੀ ਦੇ ਸ਼ਾਸਕ ਐਡੋਲਫ ਹਿਟਲਰ ਦਾ ਉਦੈ, ਪ੍ਰਮਾਣੂ ਬੰਬ, ਦੂਸਰਾ ਵਿਸ਼ਵ ਯੁੱਧ ਅਤੇ 9/11 ਦੇ ਹਮਲੇ ਵਰਗੀਆਂ ਅਨੇਕ ਸਟੀਕ ਭਵਿੱਖਵਬਾਣੀਆਂ ਨਾਸਤਰੇਦਮਸ ਪਹਿਲਾਂ ਕਰ ਚੁੱਕੇ ਸਨ।
ਉਨ੍ਹਾਂ ਨੇ 2019 ਦੇ ਬਾਰੇ ਵਿਚ ਵੀ ਭਵਿੱਖਵਾਣੀ ਕੀਤੀ ਸੀ। ਕਵਿਤਾਵਾਂ ਦੇ ਜ਼ਰੀਏ ਭਵਿੱਖਬਾਣੀ ਕਰਨ ਵਾਲੇ ਨਾਸਤਰੇਦਮਸ ਅਪਣੇ ਭਿਆਨਕ ਬਿਆਨ ਲਈ ਦੁਨਿਆਂਭਰ ਵਿਚ ਆਲੋਚਨਾ ਦਾ ਸ਼ਿਕਾਰ ਬਣਦੇ ਰਹੇ ਹਨ। ਅੱਜ ਵੀ ਵਿਦਵਾਨ ਉਨ੍ਹਾਂ ਦੀ ਆਲੋਚਨਾ ਕਰਨ ਤੋਂ ਨਹੀਂ ਰੁਕਦੇ ਹਨ। ਨਾਸਤਰੇਦਮਸ ਦੇ ਮੁਤਾਬਕ ਸਾਲ 2019 ਵਿਚ ਧਰਤੀ ਦੇ ਲੋਕਾਂ ਨੂੰ ਭਿਆਨਕ ਦੁੱਖ ਝੱਲਣਾ ਪਵੇਗਾ। ਉਨ੍ਹਾਂ ਦੀ ਗਿਣਤੀ ਵਿਚ ਕਿਹਾ ਗਿਆ ਸੀ ਕਿ 2019 ਵਿਚ ਸ਼ੁਰੂ ਹੋਣ ਵਾਲਾ ਦੁੱਖ 2046 ਤੱਕ ਬਣਿਆ ਰਹੇਗਾ।
1555 ਵਿਚ ਲਿਖੀ ਕਿਤਾਬ ‘ਲੀਸ ਪ੍ਰਾਪਰਟੀਜ’ ਵਿਚ ਨਾਸਤਰੇਦਮਸ ਨੇ ਕਿਹਾ ਸੀ ਕਿ ਸਾਲ 2019 ਵਿਚ ਪੂਰੀ ਦੁਨੀਆ ਦਾ ਸਰਵਨਾਸ਼ ਕਰ ਦੇਣ ਵਾਲਾ ਯੁੱਧ (ਵਿਸ਼ਵ ਯੁੱਧ 3) ਸ਼ੁਰੂ ਹੋਵੇਗਾ, ਜੋ ਕਰੀਬ 27 ਸਾਲ ਤੱਕ ਚੱਲੇਗਾ। 942 ਕਵਿਤਾਵਾਂ ਨਾਲ ਭਰੀ ਉਸ ਕਿਤਾਬ ਵਿਚ ਭਵਿੱਖ ਦੇ ਬਾਰੇ ਵਿਚ ਲਿਖਿਆ ਗਿਆ ਹੈ। ਉਸ ਦੇ ਮੁਤਾਬਕ ਯੂਰੋਪ ਵਿਚ ਭਿਆਨਕ ਹੜ੍ਹ ਆਵੇਗਾ, ਜੋ ਜੱਮ ਕੇ ਤਬਾਹੀ ਮਚਾਏਗਾ। ਇਕ ਵਿਨਾਸ਼ਕਾਰੀ ਭੂਚਾਲ ਵੀ ਆਵੇਗਾ, ਜੋ ਕੈਲੀਫੋਰਨੀਆ (ਅਮਰੀਕਾ) ਤੋਂ ਵੈਂਕੁਵਰ (ਕੇਨੇਡਾ) ਦੇ ਵਿਚ ਉੱਭਰ ਰਿਹਾ ਹੈ।
ਵਿਸ਼ਵ ਦੇ ਮੱਧ ਪੂਰਬੀ ਦੇਸ਼ਾਂ ਵਿਚ ਅਤਿਵਾਦ ਅਤੇ ਧਾਰਮਿਕ ਉਗਰਵਾਦ ਵੀ ਕਾਫ਼ੀ ਤੇਜੀ ਨਾਲ ਵਧੇਗਾ। ਇਨ੍ਹਾਂ ਸਾਰੀਆਂ ਗੱਲਾਂ ਤੋਂ ਇਲਾਵਾ ਨਾਸਤਰੇਦਮਸ ਨੇ ਇਹ ਵੀ ਭਵਿੱਖਵਾਣੀ ਕੀਤੀ ਸੀ ਕਿ ਇਨਸਾਨ, ਜਾਨਵਾਰਾਂ ਨਾਲ ਗੱਲਬਾਤ ਕਰਨ ਦੀ ਸਮਰੱਥਾ ਵੀ ਵਿਕਸਿਤ ਕਰਨਗੇ। ਹਾਲਾਂਕਿ ਨਾਸਤਰੇਦਮਸ ਨੇ ਸਾਲ 1999 ਵਿਚ ਹੀ ਸੰਸਾਰ ਦੇ ਖਾਤਮੇ ਦੀ ਭਵਿੱਖਵਾਣੀ ਕੀਤੀ ਸੀ, ਜੋ ਬਿਲਕੁੱਲ ਗਲਤ ਸਾਬਤ ਹੋਈ। ਇਹੀ ਕਾਰਨ ਹੈ ਕਿ ਦੀ ਵਿਦਵਾਨ ਨਾਸਤਰੇਦਮਸ ਦੀਆਂ ਭਵਿਖ ਬਾਣੀਆਂ ਤੋਂ ਨਾ ਡਰਨ ਦੀਆਂ ਗੱਲਾਂ ਕਹਿੰਦੇ ਹਨ।