ਦੋ ਸਾਲ ਪਹਿਲਾਂ ਹੋਇਆ ਸੀ ਵਿਆਹ ; 5 ਮਹੀਨੇ ਦੀ ਇਕ ਬੇਟੀ ਵੀ ਹੈ
ਬਰੇਲੀ : ਉੱਤਰ ਪ੍ਰਦੇਸ਼ ਦੇ ਬਰੇਲੀ ਜ਼ਿਲ੍ਹੇ 'ਚ ਦਿਲ-ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਜਿਥੇ ਇਕ ਪਤਨੀ ਨੇ ਆਪਣੇ ਪਤੀ ਨੂੰ ਸਿਰਫ਼ ਇਸ ਲਈ ਜ਼ਿੰਦਾ ਸਾੜ ਦਿੱਤਾ ਕਿਉਂਕਿ ਉਸ ਦਾ ਰੰਗ ਕਾਲਾ ਸੀ ਅਤੇ ਉਹ ਆਪਣੇ ਪਤੀ ਨੂੰ ਪਸੰਦ ਨਹੀਂ ਕਰਦੀ ਸੀ। ਘਟਨਾ ਤੋਂ ਬਾਅਦ ਪਤੀ ਨੂੰ ਗੰਭੀਰ ਹਾਲਤ ਵਿਚ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ, ਜਿੱਥੇ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ। ਪੁਲਿਸ ਨੇ ਔਰਤ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
UP: Woman sets afire husband for his ‘Dark Complexion’
ਘਟਨਾ ਬਰੇਲੀ ਦੇ ਖੁਰਦ ਫ਼ਤਿਹਗੜ੍ਹ ਥਾਣਾ ਖੇਤਰ ਦੀ ਹੈ। ਜਿੱਥੇ 22 ਸਾਲਾ ਵਿਆਹੁਤਾ ਨੇ ਆਪਣੇ ਪਤੀ 'ਤੇ ਪਟਰੌਲ ਛਿੜਕ ਕੇ ਜ਼ਿੰਦਾ ਸਾੜ ਦਿੱਤਾ। ਔਰਤ ਦੀ ਪਛਾਣ ਪ੍ਰੇਮਸ਼੍ਰੀ ਵਜੋਂ ਹੋਈ ਹੈ। ਜਾਣਕਾਰੀ ਮੁਤਾਬਕ ਸਤਵੀਰ ਸਿੰਘ ਦਾ ਵਿਆਹ ਦੋ ਸਾਲ ਪਹਿਲਾਂ ਪ੍ਰੇਮਸ਼੍ਰੀ ਨਾਂ ਦੀ ਔਰਤ ਨਾਲ ਹੋਇਆ ਸੀ। ਦੋਹਾਂ ਦੀ 5 ਮਹੀਨੇ ਦੀ ਇਕ ਬੇਟੀ ਵੀ ਹੈ। ਸਤਵੀਰ ਦਾ ਕਾਲਾ ਰੰਗ ਹੋਣ ਕਾਰਨ ਪ੍ਰੇਮਸ਼੍ਰੀ ਉਸ ਨੂੰ ਨਾਪਸੰਦ ਕਰਦੀ ਸੀ।
Death
ਖੁਰਦ ਫ਼ਤਿਹਗੜ੍ਹ ਦੇ ਐਸ.ਐਚ.ਓ. ਸਹਿਦੇਵ ਸਿੰਘ ਨੇ ਦਸਿਆ ਕਿ ਬੀਤੀ ਸੋਮਵਾਰ ਦੀ ਸਵੇਰ ਲਗਭਗ 5:30 ਵਜੇ ਸਤਵੀਰ ਸਿੰਘ ਆਪਣੇ ਘਰ 'ਚ ਸੁੱਤਾ ਪਿਆ ਸੀ। ਉਸ ਸਮੇਂ ਪ੍ਰੇਮਸ਼੍ਰੀ ਨੇ ਉਸ ਦੇ ਉੱਪਰ ਪਟਰੌਲ ਛਿੜ ਕੇ ਅੱਗ ਲੱਗਾ ਦਿੱਤੀ। ਇਸ ਦੌਰਾਨ ਪ੍ਰੇਮਸ਼੍ਰੀ ਦੇ ਪੈਰ ਵੀ ਸੜ ਗਏ। ਰੌਲਾ ਸੁਣ ਕੇ ਆਸਪਾਸ ਦੇ ਲੋਕਾਂ ਨੇ ਸਤਵੀਰ ਨੂੰ ਹਸਪਤਾਲ 'ਚ ਦਾਖ਼ਲ ਕਰਵਾਇਆ, ਜਿਥੇ ਕੁਝ ਦੇਰ ਬਾਅਦ ਉਸ ਦੀ ਮੌਤ ਹੋ ਗਈ। ਪੁਲਿਸ ਨੇ ਪ੍ਰੇਮਸ਼੍ਰੀ ਵਿਰੁੱਧ ਮਾਮਲਾ ਦਰਜ ਕਰ ਕੇ ਗ੍ਰਿਫ਼ਤਾਰ ਕਰ ਲਿਆ ਹੈ।
