ਸਾਲ 2018 ਵਿਚ ਦੇਸ਼ ਵਿਚ ਆਨਲਾਈਨ ਵੀਡੀਓ ਦੇਖਣ ਵਿਚ ਲਗਭਗ ਪੰਜ ਗੁਣਾ ਵਾਧਾ ਹੋਇਆ ਹੈ।
ਨਵੀਂ ਦਿੱਲੀ, ਸਾਲ 2018 ਵਿਚ ਦੇਸ਼ ਵਿਚ ਆਨਲਾਈਨ ਵੀਡੀਓ ਦੇਖਣ ਵਿਚ ਲਗਭਗ ਪੰਜ ਗੁਣਾ ਵਾਧਾ ਹੋਇਆ ਹੈ। ਰਿਪੋਰਟ ਦੇ ਮੁਤਾਬਕ, ਇਨ੍ਹਾਂ ਅੰਕੜਿਆਂ ਵਿਚ 96 ਫੀਸਦੀ ਵੀਡੀਓ ਲੰਮੇ ਸਮੇਂ ਤੱਕ ਦੇਖੇ ਜਾਣ ਵਾਲੇ ਹਨ। ਸਰਵੇਖਣ ਦੇ ਮੁਤਾਬਕ ਆਨਲਾਇਨ ਵੀਡੀਓ ਪਲੇਟਫਾਰਮ ਹਾਟਸਟਾਰਸ ਦੀ 'ਇੰਡੀਆ ਵਾਚ ਰਿਪੋਰਟ' ਦੇ ਅਨੁਸਾਰ ਇੰਟਰਨੈਟ ਦੀਆਂ ਦਰਾਂ ਦਾ ਸਸਤਾ ਹੋਣ ਨਾਲ ਪਿਛਲੇ ਇੱਕ ਸਾਲ ਵਿਚ ਛੋਟੇ ਸ਼ਹਿਰਾਂ ਵਿਚ ਆਨਲਾਇਨ ਵੀਡੀਓ ਦੇਖੇ ਜਾਣ ਵਿਚ ਵਾਧਾ ਹੋਇਆ ਹੈ।
ਹਾਲਾਂਕਿ ਵੱਡੇ ਸ਼ਹਿਰਾਂ ਵਾਲੇ ਵੀ ਇਸ ਤਬਦੀਲੀ ਦਾ ਹਿੱਸਾ ਹਨ, ਪਰ ਜ਼ਿਆਦਾਤਰ ਲੋਕ ਛੋਟੇ ਸ਼ਹਿਰਾਂ ਵਾਲੇ ਹਨ ਜਿਨ੍ਹਾਂ ਦੇ ਆਨਲਾਇਨ ਵੀਡੀਓ ਦੇਖਣ ਵਿਚ ਵਾਧਾ ਹੋਇਆ ਹੈ। ਰਿਪੋਰਟ ਦੇ ਮੁਤਾਬਕ, ਇਹ ਭਾਰਤ ਵਿਚ ਇੱਕ ਮਹੱਤਵਪੂਰਣ ਬਦਲਾਅ ਨੂੰ ਦਰਸਾਉਂਦਾ ਹੈ। ਜਿੱਥੇ ਸ਼ੁਰੂਆਤੀ ਸਾਲਾਂ ਵਿਚ ਇੰਟਰਨੈਟ ਦੀਆਂ ਮਹਿੰਗੀਆਂ ਕੀਮਤਾਂ ਦੇ ਕਾਰਨ ਖਪਤਕਾਰ ਛੋਟੀ ਮਿਆਦ ਦੇ ਵੀਡੀਓ ਨੂੰ ਹੀ ਆਨਲਾਇਨ ਦੇਖਦੇ ਸਨ ਅਤੇ ਹੁਣ ਵੱਡੇ ਵੀਡੀਓ ਵੀ ਦੇਖੇ ਜਾ ਰਹੇ ਹਨ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਹੁਣ ਵੇਬਸਾਈਟ ਦੇ ਮੁਕਾਬਲੇ ਲੋਕ ਮੋਬਾਇਲ ਉੱਤੇ ਹੀ ਵੀਡੀਓ ਦੇਖਣਾ ਜ਼ਿਆਦਾ ਪਸੰਦ ਕਰ ਰਹੇ ਹਨ।
ਵੀਡੀਓ ਦੇਖਣ ਦੇ ਕੁਲ ਸਮੇਂ ਵਿਚੋਂ 90 ਫੀਸਦੀ ਤੋਂ ਜ਼ਿਆਦਾ ਸਮਾਂ ਲੋਕਾਂ ਨੇ ਮੋਬਾਈਲ 'ਤੇ ਵੀਡੀਓ ਦੇਖਣ ਵਿਚ ਗੁਜ਼ਾਰਿਆ। ਇੱਕ ਔਸਤ ਖਪਤਕਾਰ ਦਾ ਮੋਬਾਈਲ ਉੱਤੇ ਵੀਡੀਓ ਦੇਖਣ ਦਾ ਸਮਾਂ ਵੀ ਵੇਬਸਾਈਟ ਦੀ ਤੁਲਨਾ ਵਿੱਚ ਢਾਈ ਗੁਣਾ ਜ਼ਿਆਦਾ ਹੋਇਆ ਹੈ। ਕਰੀਬ 35 ਕਰੋੜ ਫਾਲੋਅਰਸ ਦੀ ਗਿਣਤੀ ਵਾਲੇ ਹਾਟਸਟਾਰ ਨੇ ਪਾਇਆ ਕਿ ਉਸਦੇ ਪਲੇਟਫਾਰਮ ਉੱਤੇ ਆਨਲਾਇਨ ਵੀਡੀਓ ਦੇਖੇ ਜਾਣ ਦੇ ਸਮੇਂ ਦਾ 96 ਫੀਸਦੀ 20 ਮਿੰਟ ਤੋਂ ਜ਼ਿਆਦਾ ਲੰਮੇ ਵੀਡੀਓ ਨੂੰ ਦੇਖਣ ਵਿਚ ਖਰਚ ਕੀਤਾ ਗਿਆ।
ਆਨਲਾਇਨ ਵੀਡੀਓ ਦੇਖਣ ਦੇ ਸਮੇਂ ਵਿਚ ਇੱਕ ਲੱਖ ਨਾਲੋਂ ਦਸ ਲੱਖ ਦੀ ਆਬਾਦੀ ਵਾਲੇ ਸ਼ਹਿਰਾਂ ਵਿਚ ਸਭ ਤੋਂ ਜ਼ਿਆਦਾ ਵਾਧਾ ਯਾਨੀ 4.3 ਗੁਣਾ ਦੇਖਿਆ ਗਿਆ ਹੈ। ਕੁੱਝ ਸ਼ਹਿਰਾਂ ਵਿਚ ਇਹ ਰਾਸ਼ਟਰੀ ਔਸਤ ਨਾਲੋਂ ਜ਼ਿਆਦਾ ਜਿਵੇਂ ਮੁਰਾਦਾਬਾਦ ਵਿਚ ਇਹ 22 ਗੁਣਾ, ਅਲਾਹਾਬਾਦ ਵਿਚ 13 ਗੁਣਾ, ਹੁਬਲੀ ਵਿਚ 12 ਗੁਣਾ ਅਤੇ ਸੋਨੀਪਤ ਵਿਚ 12 ਗੁਣਾ ਵਧਿਆ ਹੈ।
ਰਿਪੋਰਟ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਇਸ ਸਹੂਲਤ ਨੇ ਔਰਤਾਂ, ਖਾਸਕਰ ਛੋਟੇ ਸ਼ਹਿਰਾਂ ਵਿਚ ਰਹਿਣ ਵਾਲੀਆਂ ਔਰਤਾਂ ਲਈ ਵੀਡੀਓ ਦੇਖਣ ਦੇ ਨਵੇਂ ਮੌਕੇ ਪ੍ਰਦਾਨ ਕੀਤੇ ਹਨ।