ਚਿਦੰਬਰਮ ਨੇ ਕਿਹਾ ਕਿ ਦੁਨੀਆਂ ਜਾਣਦੀ ਹੈ ਕਿ ਅਜ਼ਾਦੀ ਤੋਂ ਬਾਅਦ ਤੋਂ ਲੈ ਕੇ ਹੁਣ ਤੱਕ ਦੀ ਸੱਭ ਤੋਂ ਵੱਧ ਵਿਕਾਸ ਦਰ ਯੂਪੀਏ ਸਰਕਾਰ ਦੇ ਕਾਰਜਕਾਲ ਵਿਚ ਰਹੀ ਹੈ।
ਨਵੀਂ ਦਿੱਲੀ : ਕਾਂਗਰਸ ਨੇਤਾ ਪੀ.ਚਿਦੰਬਰਮ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਦੇਸ਼ ਦੀ ਅਰਥਵਿਵਸਥਾ ਕਿਸ ਦਿਸ਼ਾ ਵੱਲ ਜਾ ਰਹੀ ਹੈ ਅਤੇ ਮੌਜੂਦਾ ਵਿੱਤਮੰਤਰੀ ਦੀ ਕੰਮਕਾਜੀ ਪ੍ਰਣਾਲੀ ਕਿਹੋ ਜਿਹੀ ਹੈ। ਲੋਕਸਭਾ ਚੋਣਾਂ ਹੋਣ ਤੱਕ ਭਾਵ ਕਿ ਸਿਰਫ 60 ਦਿਨਾਂ ਵਿਚ ਸਰਕਾਰ ਅਜਿਹਾ ਕੀ ਕਰ ਦੇਵੇਗੀ ਕਿ ਜਿਸ ਨਾਲ ਅਰਥਵਿਵਸਥਾ ਸਹੀ ਹੋ ਜਾਵੇ। ਗੱਲਬਾਤ ਦੌਰਾਨ ਜੇਤਲੀ ਸਬੰਧੀ ਪੁਛੇ ਗਏ ਸਵਾਲ ਦੌਰਾਨ ਉਹਨਾਂ ਜਵਾਬ ਦਿਤਾ ਕਿ ਜੇਕਰ ਮੈਂ ਐਨਡੀਏ ਸਰਕਾਰ ਵਿਚ ਵਿੱਤ ਮੰਤਰੀ ਹੁੰਦਾ ਤਾਂ ਅਸਤੀਫਾ ਦੇ ਦਿੰਦਾ।
Demonetisation
ਮੋਦੀ ਸਰਕਾਰ ਦੇ ਸਾਢੇ ਚਾਰ ਸਾਲ ਦੇ ਕਾਰਜਕਾਲ ਵਿਚ ਨੋਟਬੰਦੀ ਅਤੇ ਜੀਐਸਟੀ ਵਰਗੇ ਫ਼ੈਸਲੇ ਲੋਕਾਂ ਲਈ ਕਿਸੇ ਆਫ਼ਤ ਨਾਲੋਂ ਘੱਟ ਨਹੀਂ ਸਨ। ਚਿਦੰਬਰਮ ਨੇ ਕਿਹਾ ਕਿ ਦੁਨੀਆਂ ਜਾਣਦੀ ਹੈ ਕਿ ਅਜ਼ਾਦੀ ਤੋਂ ਬਾਅਦ ਤੋਂ ਲੈ ਕੇ ਹੁਣ ਤੱਕ ਦੀ ਸੱਭ ਤੋਂ ਵੱਧ ਵਿਕਾਸ ਦਰ ਯੂਪੀਏ ਸਰਕਾਰ ਦੇ ਕਾਰਜਕਾਲ ਵਿਚ ਰਹੀ ਹੈ। ਮੋਦੀ ਸਰਕਾਰ ਵਿਚ ਤਾਂ ਅਰਥਵਿਵਸਥਾ ਪੂਰੀ ਤਰ੍ਹਾਂ ਖਰਾਬ ਹੋ ਗਈ ਹੈ। ਸਰਕਾਰ ਝੂਠ ਬੋਲਣ 'ਤੇ ਲਗੀ ਹੋਈ ਹੈ। ਅਰਥਵਿਵਸਥਾ ਨੂੰ ਜਦ ਸਾਢੇ ਚਾਰ ਸਾਲਾਂ ਵਿਚ ਸਹੀ ਨਹੀਂ ਕੀਤਾ ਜਾ ਸਕਿਆ ਤਾਂ ਸਰਕਾਰ ਬਾਕੀ ਬਚੇ 60 ਦਿਨਾਂ ਵਿਚ ਕੀ ਕਰ ਲਵੇਗੀ।
Indian economy
ਕਾਂਗਰਸ ਪਾਰਟੀ ਅਪਣੇ ਮੈਨੀਫੈਸਟੋ ਵਿਚ ਦੇਸ਼ ਦੀ ਅਰਥਵਿਵਸਥਾ ਤੋਂ ਲੈ ਕੇ ਦੂਜੇ ਸਾਰੇ ਖੇਤਰਾਂ ਵਿਚ ਵਿਕਾਸ ਕਿਸ ਤਰ੍ਹਾਂ ਹੋਵੇਗਾ ਅਤੇ ਕੋਈ ਯੋਜਨਾ ਕਦੋਂ ਤੱਕ ਪੂਰੀ ਹੋਵੇਗੀ, ਇਹਨਾਂ ਸਾਰੀਆਂ ਗੱਲਾਂ ਨੂੰ ਸ਼ਾਮਲ ਕਰ ਰਹੀ ਹੈ। ਰਾਫੇਲ ਮੁੱਦੇ 'ਤੇ ਸਾਂਝੀ ਸੰਸਦੀ ਕਮੇਟੀ ਬਣਾਉਣ 'ਤੇ ਚਿਦੰਬਰਮ ਨੇ ਕਿਹਾ ਕਿ ਜੇਪੀਸੀ ਬਣਾਉਣ ਵੱਲ ਸਰਕਾਰ ਨੇ ਕਦੇ ਧਿਆਨ ਨਹੀਂ ਦਿਤਾ।
Congress
ਪਿਛਲੇ ਸੈਸ਼ਨ ਦੌਰਾਨ ਵੀ ਜੇਪੀਸੀ ਬਣਾਈ ਜਾ ਸਕਦੀ ਸੀ। ਇਹ ਵੀ ਹੋ ਸਕਦਾ ਸੀ ਕਿ ਰਾਫੇਲ ਮਾਮਲੇ ਦੀ ਜਾਂਚ ਦੇ ਲਈ ਬਣਾਈ ਗਈ ਜੇਪੀਸੀ ਮਾਰਚ ਤੱਕ ਅਪਣੀ ਰੀਪੋਰਟ ਦੇ ਦਿੰਦੀ। ਰਾਫੇਲ ਨੂੰ ਲੈ ਕੇ ਸਰਕਾਰ ਨੂੰ ਡਰ ਲਗਿਆ ਰਹਿੰਦਾ ਹੈ।
