ਭਾਰਤ ਵਾਪਸ ਪਰਤਦੇ ਹੀ ਸਾਬਕਾ ਕ੍ਰਿਕੇਟਰ ਅਤੇ ਪੰਜਾਬ ਸਰਕਾਰ ਦੇ ਮੰਤਰੀ ਨਵਜੋਤ ਸਿੰਘ ਸਿੱਧੂ ਦੇ ਸੁਰ ਬਦਲ ਗਏ ਹਨ...............
ਨਵੀਂ ਦਿੱਲੀ : ਭਾਰਤ ਵਾਪਸ ਪਰਤਦੇ ਹੀ ਸਾਬਕਾ ਕ੍ਰਿਕੇਟਰ ਅਤੇ ਪੰਜਾਬ ਸਰਕਾਰ ਦੇ ਮੰਤਰੀ ਨਵਜੋਤ ਸਿੰਘ ਸਿੱਧੂ ਦੇ ਸੁਰ ਬਦਲ ਗਏ ਹਨ। ਪਾਕਿ ਫ਼ੌਜ ਮੁੱਖੀ ਨਾਲ ਗਲੇ ਮਿਲਣ ਅਤੇ ਪੀਓਕੇ ਦੇ ਪ੍ਰੈਸੀਡੈਂਟ ਦੇ ਨਾਲ ਬੈਠਣ ਨੂੰ ਲੈ ਕੇ ਉਨ੍ਹਾਂ ਨੇ ਆਪਣੇ ਹੀ ਅੰਦਾਜ਼ ਵਿਚ ਫਿਰ ਤੋਂ ਸਫ਼ਾਈ ਦੇਣ ਦੀ ਕੋਸ਼ਿਸ਼ ਕੀਤੀ ਹੈ। ਸਿੱਧੂ ਪਾਕਿਸਤਾਨ ਦੇ ਨਵੇਂ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਦੇ ਸਹੁੰ ਕਬੂਲ ਸਮਾਰੋਹ ਵਿਚ ਸ਼ਾਮਲ ਹੋਣ ਇਸਲਾਮਾਬਾਦ ਗਏ ਸਨ, ਜਿਸ ਉੱਤੇ ਉਨ੍ਹਾਂ ਦਾ ਦੌਰਾ ਵਿਵਾਦਾਂ ਵਿਚ ਘਿਰ ਗਿਆ। ਬੀਜੇਪੀ ਨੇ ਸਿੱਧੇ ਕਾਂਗਰਸ ਪਾਰਟੀ 'ਤੇ ਨਿਸ਼ਾਨਾ ਲਾਉਂਦਿਆ ਸਿੱਧੂ ਦੇ ਪਾਕਿਸਤਾਨ ਦੌਰੇ ਨੂੰ ਦੋਸ਼ ਕਰਾਰ ਦਿਤਾ ਹੈ।
ਉੱਧਰ, ਪੰਜਾਬ ਦੇ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਨੇ ਵੀ ਡੂੰਘੀ ਨਰਾਜ਼ਗੀ ਜਤਾਈ ਹੈ। ਐਤਵਾਰ ਨੂੰ ਭਾਰਤ ਆਉਂਦੇ ਹੀ ਸਿੱਧੂ ਨੇ ਸਹੁੰ ਚੁੱਕ ਦੇ ਦੌਰਾਨ ਪਾਕਿ ਫ਼ੌਜ ਮੁੱਖੀ ਜਨਰਲ ਕਮਰ ਜਾਵੇਦ ਬਾਜਵਾ ਨਾਲ ਗਲੇ ਮਿਲਣ ਨੂੰ ਲੈ ਕੇ ਖੜ੍ਹੇ ਹੋਏ ਵਿਵਾਦ 'ਤੇ ਕਿਹਾ ਕਿ ਜੇਕਰ ਕੋਈ (ਜਨਰਲ ਬਾਜਵਾ) ਮੇਰੇ ਕੋਲ ਆਉਂਦਾ ਹੈ ਅਤੇ ਕਹਿੰਦਾ ਹੈ ਕਿ ਸਾਡੀ ਸੰਸਕ੍ਰਿਤੀ ਇੱਕ ਹੈ ਅਤੇ ਅਸੀ ਗੁਰੂ ਨਾਨਕ ਦੇਵ ਦੇ 550ਵੇਂ ਪ੍ਰਕਾਸ਼ ਪੁਰਬ ਉੱਤੇ ਕਰਤਾਰਪੁਰ ਬਾਰਡਰ ਖੋਲ ਦੇਵਾਂਗੇ, ਤਾਂ ਮੈਂ ਹੋਰ ਕੀ ਕਰ ਸਕਦਾ ਸੀ?
ਸਮਾਰੋਹ ਦੇ ਦੌਰਾਨ ਸਿੱਧੂ ਪਾਕਿਸਤਾਨ ਅਧਿਕਾਰਤ ਕਸ਼ਮੀਰ ਦੇ ਪ੍ਰੈਜ਼ੀਡੈਂਟ ਦੇ ਨਾਲ ਵੀ ਬੈਠੇ ਦੇਖੇ ਗਏ ਸਨ। ਇਸ 'ਤੇ ਬੀਜੇਪੀ ਨੇ ਸਖ਼ਤ ਪ੍ਰਤੀਕਰਮ ਕੀਤਾ ਹੈ। ਬੀਜੇਪੀ ਬੁਲਾਰੇ ਸੰਬਿਤ ਪਾਤਰਾ ਨੇ ਇੱਥੋਂ ਤੱਕ ਕਹਿ ਦਿਤਾ ਕਿ ਕੀ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਸਿੱਧੂ ਨੂੰ ਮੁਅਤਲ ਕਰਨਗੇ? ਹੁਣ ਸਿੱਧੂ ਨੇ ਕਿਹਾ ਹੈ ਕਿ ਜੇਕਰ ਤੁਹਾਨੂੰ ਮਹਿਮਾਨ ਦੇ ਤੌਰ 'ਤੇ ਸੱਦਿਆ ਜਾਂਦਾ ਹੈ ਤਾਂ ਤੁਹਾਨੂੰ ਜਿੱਥੇ ਕਿਹਾ ਜਾਂਦਾ ਹੈ
ਤੁਸੀ ਉੱਥੇ ਬੈਠਦੇ ਹੋ। ਮੈਂ ਕਿਤੇ ਹੋਰ ਬੈਠਾ ਸੀ ਪਰ ਉਨ੍ਹਾਂ ਨੇ ਮੈਨੂੰ ਉਸ ਜਗ੍ਹਾ 'ਤੇ ਬੈਠਣ ਨੂੰ ਕਿਹਾ। ਸ਼ਨਿਚਰਵਾਰ ਨੂੰ ਇਸਲਾਮਾਬਾਦ ਵਿਖੇ ਮੀਡੀਆ ਨੂੰ ਸੰਬੋਧਤ ਕਰਦਿਆਂ ਸਿੱਧੂ ਨੇ ਕਿਹਾ ਸੀ, ਇਹ ਸਾਡਾ ਕਰਤੱਵ ਹੈ ਕਿ ਅਸੀਂ ਵਾਪਸ ਜਾ ਕੇ ਆਪਣੀ ਸਰਕਾਰ ਨਾਲ ਇੱਕ ਕਦਮ ਅੱਗੇ ਵਧਣ ਨੂੰ ਕਿਹਾ ਕਿਉਂਕਿ ਇੱਥੇ ਦੇ ਲੋਕ ਦੋ ਕਦਮ ਅੱਗੇ ਵਧਣ ਨੂੰ ਤਿਆਰ ਹਨ। (ਪੀਟੀਆਈ)
