24 ਦਸੰਬਰ ਨੂੰ ਉੱਤਰ ਪ੍ਰਦੇਸ਼ ਦੇ ਦੱਖਣੀ ਹਿੱਸਿਆਂ ‘ਚ ਕੁਝ ਥਾਵਾਂ ‘ਤੇ ਗਰਜ ਨਾਲ ਛਿੱਟੇ ਪੈਣ ਦੀ ਸੰਭਾਵਨਾ ਹੈ।
ਨਵੀਂ ਦਿੱਲੀ: ਸਰਦੀ ਨਾਲ ਕਈ ਸੂਬਿਆਂ ‘ਚ ਲੋਕ ਸਰਦੀ ਨਾਲ ਠਰ ਰਹੇ ਹਨ, ਅਜਿਹੇ ‘ਚ ਮੀਂਹ ਪੈਣ ਨਾਲ ਕਾਂਬਾ ਵਧ ਸਕਦਾ ਹੈ। ਮੌਸਮ ਦੇ ਜਾਣਕਾਰਾਂ ਦਾ ਅਨੁਮਾਨ ਹੈ ਕਿ 23, 24 ਦਸੰਬਰ ਨੂੰ ਉੱਤਰ ਭਾਰਤ ਅਤੇ 26 ਦਸੰਬਰ ਨੂੰ ਮੱਧ ਭਾਰਤ ਦੇ ਕਈ ਸ਼ਹਿਰਾਂ ‘ਚ ਦਰਮਿਆਨੇ ਤੋਂ ਤੇਜ਼ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਇਹ ਬੇਮੌਸਮੀ ਬਾਰਿਸ਼ ਲੋਕਾਂ ਲਈ ਮੁਸੀਬਤ ਦਾ ਸਬੱਬ ਬਣ ਸਕਦੀ ਹੈ।
ਹਾਲਾਂਕਿ ਕੁਝ ਫ਼ਸਲਾਂ ਲਈ ਇਹ ਲਾਭਕਾਰੀ ਹੈ ਪਰ ਜ਼ਿਆਦਾਤਰ ਲਈ ਮੁਸ਼ਕਿਲ ਭਰੀ ਹੋਵੇਗੀ। 23 ਅਤੇ 24 ਦਸੰਬਰ ਨੂੰ ਰਾਜਸਥਾਨ ‘ਚ ਮੀਂਹ ਦੀ ਤੀਬਰਤਾ ਥੋੜ੍ਹੀ ਵਧੇਗੀ ਅਤੇ ਪੂਰੇ ਪੂਰਬੀ ਰਾਜਸਥਾਨ ਨੂੰ ਕਵਰ ਕਰੇਗੀ। ਇਸ ਦੌਰਾਨ ਰਾਜ ਦੇ ਕੋਟਾ, ਬੂੰਦੀ, ਭੀਲਵਾੜਾ, ਅਜਮੇਰ, ਜੈਪੁਰ, ਦੌਸਾ, ਧੌਲਪੁਰ, ਅਲਵਰ, ਉਦੈਪੁਰ, ਬਾਂਸਵਾੜਾ ਆਦਿ ਥਾਵਾਂ ਇਸ ਨਾਲ ਪ੍ਰਭਾਵਿਤ ਹੋਣਗੀਆਂ।
ਮੱਧ ਪ੍ਰਦੇਸ਼ ‘ਚ ਰਾਜਸਥਾਨੀ ਭੋਪਾਲ ਸਮੇਤ ਗੁਣਾ, ਅਸ਼ੋਕ ਨਗਰ, ਸ਼ਿਵਪੁਰੀ, ਦਤੀਆ, ਭਿੰਡ, ਗਵਾਲੀਅਰ, ਮੁਰੈਨਾ, ਸਤਨਾ, ਦਮੋਹ, ਉਜੈਨ, ਪੰਨਾ, ਰੀਵਾ, ਸੀਧੀ, ਹੋਸ਼ੰਗਾਬਾਦ, ਜਬਲਪੁਰ ਆਦਿ ਸ਼ਹਿਰਾਂ ‘ਚ ਮੀਂਹ ਪੇਣ ਦੀ ਸੰਭਾਵਨਾ ਹੈ। ਇਹ ਸਿਲਸਿਲਾ 26 ਦਸੰਬਰ ਤਕ ਚੱਲਣ ਦਾ ਅਨੁਮਾਨ ਹੈ। ਉੱਤਰ ਪ੍ਰਦੇਸ਼ ‘ਚ ਝਾਂਸੀ, ਅਲਾਹਾਬਾਦ, ਕਾਨਪੁਰ, ਚਿਤਰਕੂਟ, ਬਾਂਦਾ, ਆਰਾ, ਪ੍ਰਤਾਪਗੜ੍ਹ, ਰਾਏਬਰੇਲੀ, ਨੋਗੌਂਗ ਆਦਿ ਸ਼ਹਿਰ ਇਸ ਮੀਂਹ ਨਾਲ ਪ੍ਰਭਾਵਿਤ ਹੋ ਸਕਦੇ ਹਨ।
24 ਦਸੰਬਰ ਨੂੰ ਉੱਤਰ ਪ੍ਰਦੇਸ਼ ਦੇ ਦੱਖਣੀ ਹਿੱਸਿਆਂ ‘ਚ ਕੁਝ ਥਾਵਾਂ ‘ਤੇ ਗਰਜ ਨਾਲ ਛਿੱਟੇ ਪੈਣ ਦੀ ਸੰਭਾਵਨਾ ਹੈ। ਉੱਤਰੀ ਮਹਾਰਾਸ਼ਟਰ ‘ਚ ਪੂਣੇ, ਔਰੰਗਾਬਾਦ, ਅਹਿਮਦ ਨਗਰ ਅਤੇ ਮਹਾਬਲੇਸ਼ਵਰ ਵਰਗੇ ਸ਼ਹਿਰਾਂ ‘ਚ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਇਸ ਦੌਰਾਨ, ਸਾਂਗਲੀ, ਸਿੰਧੂਦੁਰਗ, ਰਤਨਾਗਿਰੀ, ਮੁੰਬਈ, ਸਤਾਰਾ, ਦਹਾਨੂੰ, ਜਲਗਾਂਵ, ਜਾਲਨਾ ਅਤੇ ਅਕੋਲਾ ‘ਚ ਹਲਕਾ ਮੀਂਹ ਦੇਖਣ ਨੂੰ ਮਿਲ ਸਕਦਾ ਹੈ। ਮੀਂਹ ਤੋਂ ਇਲਾਵਾ ਰਾਜਸਥਾਨ ‘ਚ ਧੁੰਦ ਵੀ ਵੇਖੀ ਜਾ ਸਕਦੀ ਹੈ।
ਇੱਥੇ ਉੱਤਰੀ ਹਿੱਸਿਆਂ ਵਰਗੇ ਹਨੂੰਮਾਨਗੜ੍ਹ, ਸ੍ਰੀਗੰਗਾਨਗਰ, ਪਿਲਾਨੀ ਆਦਿ ਸ਼ਹਿਰਾਂ ‘ਚ ਅਗਲੇ ਕੁਝ ਦਿਨਾਂ ਤਕ ਸਵੇਰ ਸਮੇਂ ਮੱਧਮ ਤੋਂ ਸੰਘਣੀ ਧੁੰਦ ਪੈ ਸਕਦੀ ਹੈ। ਮੱਧ ਪ੍ਰਦੇਸ਼ ‘ਚ ਅਗਲੇ 24 ਘੰਟਿਆਂ ਦੌਰਾਨ ਪੱਛਮੀ ਹਿੱਸਿਆਂ ‘ਚ ਵੱਖ-ਵੱਖ ਥਾਵਾਂ ‘ਤੇ ਗਰਜ ਨਾਲ ਹਲਕੀ ਵਰਖਾ ਹੋ ਸਕਦੀ ਹੈ। ਉੱਤਰ ਭਾਰਤ ‘ਚ ਪਿਛਲੇ ਦਿਨੀਂ ਹੋਈ ਬਰਫ਼ਬਾਰੀ ਤੋਂ ਬਾਅਦ ਹੁਣ ਠੰਢ ਵਧ ਸਕਦੀ ਹੈ। ਮੀਂਹ ਕਾਰਨ ਵੀ ਠੰਢ ਵਧਣ ਦਾ ਅਨੁਮਾਨ ਹੈ।
ਅਨੁਮਾਨ ਹੈ ਕਿ ਹੁਣ ਰਾਤ ਦਾ ਤਾਪਮਾਨ 1 ਤੋਂ 2 ਡਿਗਰੀ ਸੈਲਸੀਅਸ ਤਕ ਵਧ ਸਕਦਾ ਹੈ, ਜਦੋਂਕਿ ਦਿਨ ਦਾ ਤਾਪਮਾਨ 2 ਤੋਂ 4 ਡਿਗਰੀ ਤਕ ਘਟ ਸਕਦਾ ਹੈ। ਲਗਾਤਾਰ ਬੱਦਲ ਛਾਏ ਰਹਿਣ ਤੇ ਮੀਂਹ ਕਾਰਨ ਇਹ ਸੰਭਵ ਹੈ। ਇਸ ਸਮੇਂ ਦਿੱਲੀ ਦੇ ਚਾਂਦਨੀ ਚੌਕ ‘ਚ ਏਅਰ ਕੁਆਲਟੀ ਬਹੁਤੀ ਚੰਗੀ ਨਹੀਂ ਹੈ।
ਹੋਰ ਥਾਵਾਂ ‘ਤੇ ਇਹ ਕੁਆਲਟੀ ਬਹੁਤ ਖ਼ਰਾਬ ਹੈ। ਹਾਲਾਂਕਿ ਹਵਾ ਦੀ ਰਫ਼ਤਾਰ ‘ਚ ਵਾਧੇ ਕਾਰਨ ਦਿੱਲੀ ਅਤੇ ਐੱਨਸੀਆਰ ‘ਚ ਪ੍ਰਦੂਸ਼ਣ ਪੱਧਰ ‘ਚ ਥੋੜ੍ਹਾ ਸੁਧਾਰ ਹੋਇਆ ਹੈ। ਓਵਰਆਲ ਦਿੱਲੀ ਅਤੇ ਐੱਨਸੀਆਰ ਦਾ ਸਮੁੱਚਾ ਏਕਿਊਆਈ ‘ਮੱਧਮ’ ਤੋਂ ‘ਗੰਭੀਰ’ ਸ਼੍ਰੇਣੀ ‘ਚ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।