ਡੀਜੀਸੀਏ ਨੇ ਲਿਆ ਐਕਸ਼ਨ
ਚੇਨਈ: ਕੋਰੋਨਾ ਮਹਾਂਮਾਰੀ ਦੇ ਚਲਦਿਆਂ ਤਮਿਲਨਾਡੂ ਦਾ ਇਕ ਵਿਆਹ ਕਾਫੀ ਚਰਚਾ ਵਿਚ ਹੈ। ਦਰਅਸਲ ਕੋਰੋਨਾ ਵਾਇਰਸ ਲਾਕਡਾਊਨ ਦੌਰਾਨ ਮਦੁਰਈ ਦੇ ਇਕ ਜੋੜੇ ਨੇ ਚਾਰਟਡ ਪਲੇਨ ਵਿਚ ਵਿਆਹ ਕਰਵਾਇਆ। ਇਸ ਵਿਆਹ ਦੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਕਾਫੀ ਵਾਇਰਲ ਵੀ ਹੋ ਰਹੀ ਹੈ। ਦਰਅਸਲ ਲਾਕਡਾਊਨ ਹੋਣ ਕਰਕੇ ਜੋੜੇ ਨੇ ਅਪਣੇ ਵਿਆਹ ਲਈ ਇਕ ਚਾਰਟਡ ਪਲੇਟ ਨੂੰ ਚੁਣਿਆ ਅਤੇ ਮਦੁਰਈ ਤੋਂ ਬੰਗਲੁਰੂ ਤੱਕ ਲਈ ਇਕ ਪੂਰੀ ਚਾਰਟਡ ਉਡਾਣ ਬੁੱਕ ਕਰ ਲਈ। ਵਿਆਹ ਦਾ ਸਾਰਾ ਸਮਾਰੋਹ ਉਡਾਣ ਵਿਚ ਹੋਇਆ।
Mid-air wedding in SpiceJet chartered flight
ਵੀਡੀਓ ਵਿਚ ਦੇਖਿਆ ਗਿਆ ਕਿ ਵਿਆਹ ਸਮਾਰੋਹ ਵਿਚ ਸ਼ਾਮਲ ਜ਼ਿਆਦਾਤਰ ਲੋਕਾਂ ਨੇ ਮਾਸਕ ਨਹੀਂ ਪਹਿਨਿਆ ਅਤੇ ਕੋਰੋਨਾ ਪ੍ਰੋਟੋਕੋਲ ਦਾ ਪਾਲਣ ਵੀ ਨਹੀਂ ਹੋਇਆ। ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਰੈਗੂਲੇਟਰੀ ਬਾਡੀ ਡੀਜੀਸੀਏ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਮਦੁਰਈ ਦੇ ਏਅਰਪੋਰਟ ਡਾਇਰੈਕਟਰ ਨੇ ਦੱਸਿਆ, ‘ਕੱਲ੍ਹ ਸਪਾਈਸ ਜੈੱਟ ਦੀ ਉਡਾਣ ਮਦੁਰਈ ਤੋਂ ਬੁੱਕ ਹੋਈ ਸੀ। ਏਅਰਪੋਰਟ ਅਥਾਰਿਟੀ ਦੇ ਅਧਿਕਾਰੀਆਂ ਨੂੰ ਵਿਆਹ ਦੀ ਕੋਈ ਜਾਣਕਾਰੀ ਨਹੀਂ ਸੀ’।
Mid-air wedding in SpiceJet chartered flight
ਡੀਜੀਸੀਏ ਨੇ ਦੱਸਿਆ ਕਿ ਏਅਰਲਾਈਨ ਅਤੇ ਏਅਰਪੋਰਟ ਅਥਾਰਿਟੀ ਕੋਲੋਂ ਇਸ ਸਬੰਧੀ ਰਿਪੋਰਟ ਮੰਗੀ ਗਈ ਹੈ। ਉੱਥੇ ਹੀ ਸਪਾਈਸ ਜੈੱਟ ਦੀ ਉਸ ਫਲਾਈਟ ’ਤੇ ਮੌਜੂਦ ਕਰੂ ਨੂੰ ਫਿਲਹਾਲ ਡਿਊਟੀ ਤੋਂ ਹਟਾ ਦਿੱਤਾ ਗਿਆ ਹੈ। ਇਸ ਸਬੰਧੀ ਸਪਾਈਸ ਜੈੱਟ ਨੇ ਵੀ ਇਕ ਬਿਆਨ ਜਾਰੀ ਕੀਤਾ ਹੈ।
A couple tied the knot on-board a chartered flight from Madurai, Tamil Nadu. Their relatives & guests were on the same flight.
— ANI (@ANI) May 24, 2021
"A SpiceJet chartered flight was booked y'day from Madurai. Airport Authority officials unaware of the mid-air marriage ceremony," says Airport Director pic.twitter.com/wzMCyMKt5m
ਏਅਰਲਾਈਨ ਦੇ ਬੁਲਾਰੇ ਨੇ ਦੱਸਿਆ ਕਿ 23 ਮਈ 2021 ਨੂੰ ਮਦੁਰਈ ਦੇ ਇਕ ਟਰੈਵਲ ਏਜੰਟ ਨੇ ਫਲਾਈਟ ਬੁੱਕ ਕੀਤੀ ਸੀ। ਇਸ ਨੂੰ ਵਿਆਹ ਤੋਂ ਬਾਅਦ ਇਕ, ‘ਜੁਆਏ ਰਾਈਡ’ ਦੇ ਤੌਰ ’ਤੇ ਬੁੱਕ ਕੀਤਾ ਗਿਆ ਸੀ। ਏਜੰਟ ਅਤੇ ਰਿਸ਼ਤੇਦਾਰਾਂ ਨੂੰ ਕੋਵਿਡ ਨਿਰਦੇਸ਼ਾਂ ਦੀ ਜਾਣਕਾਰੀ ਦਿੱਤੀ ਗਈ ਸੀ। ਦੱਸ ਦਈਏ ਕਿ ਕੋਰੋਨਾ ਵਾਇਰਸ ਦੇ ਚਲਦਿਆਂ ਤਮਿਲਨਾਡੂ ਵਿਚ 31 ਮਈ ਤੱਕ ਲਾਕਡਾਊਨ ਲਗਾਇਆ ਗਿਆ ਹੈ।
