ਦਿੱਗਜ ਕੰਪਨੀਆਂ ਨਵੀਨਤਾ ਅਤੇ ਵਿਕਾਸ ਉਤੇ ਹਰ ਸਾਲ ਲੱਖਾਂ ਡਾਲਰ ਖਰਚ ਕਰਦੀਆਂ ਹਨ। iPhone ਬਣਾਉਣ ਵਾਲੀ ਐਪਲ ਇਸ ਮਾਮਲੇ ਵਿਚ ਵੱਖ ਨਹੀਂ ਹੈ। ...
ਨਵੀਂ ਦਿੱਲੀ : (ਭਾਸ਼ਾ) ਦਿੱਗਜ ਕੰਪਨੀਆਂ ਨਵੀਨਤਾ ਅਤੇ ਵਿਕਾਸ ਉਤੇ ਹਰ ਸਾਲ ਲੱਖਾਂ ਡਾਲਰ ਖਰਚ ਕਰਦੀਆਂ ਹਨ। iPhone ਬਣਾਉਣ ਵਾਲੀ ਐਪਲ ਇਸ ਮਾਮਲੇ ਵਿਚ ਵੱਖ ਨਹੀਂ ਹੈ। ਪਾਣੀ ਉਤੇ ਵੱਡੀ ਰਕਮ ਖਰਚ ਕਰਨ ਤੋਂ ਜੁਡ਼ੀ ਖਬਰ ਵਖਰੀ ਜ਼ਰੂਰ ਹੈ ਪਰ ਐਪਲ ਲਈ ਇਹ ਅਹਿਮ ਨਿਵੇਸ਼ ਹੈ। ਰਿਪੋਰਟ ਦੇ ਮੁਤਾਬਕ ਟੈਕਨਾਲਜੀ ਕੰਪਨੀ ਐਪਲ ਪਾਣੀ 'ਤੇ 87 ਮਿਲਿਅਨ ਡਾਲਰ (ਲਗਭੱਗ 60 ਕਰੋਡ਼ ਰੁਪਏ) ਖਰਚ ਕਰੇਗੀ। ਐਪਲ ਇਹ ਪੈਸੇ ਵਾਟਰ ਸਟੋਰੇਜ ਫੈਸਿਲਿਟੀ 'ਤੇ ਖਰਚ ਕਰੇਗੀ, ਜੋ ਕਿ ਇਸ ਦੇ ਡੇਟਾ ਸੈਂਟਰ ਨੂੰ ਠੰਡਾ ਰੱਖੇਗੀ।
ਆਰੇਗਨ ਦੇ ਪ੍ਰਿਨਵਿਲੇ ਏਰੀਆ ਵਿਚ ਐਪਲ ਦੇ ਦੋ ਡੇਟਾ ਸੈਂਟਰ ਹਨ, ਜਿਨ੍ਹਾਂ ਨੂੰ ਠੰਡਾ ਰੱਖਣ ਲਈ ਬਹੁਤ ਪਾਣੀ ਲਗਦਾ ਹੈ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ 2016 ਵਿਚ ਐਪਲ ਨੇ ਕਰੀਬ 28 ਮਿਲੀਅਨ ਗੈਲਨ (2.8 ਕਰੋਡ਼ ਗੈਲਨ) ਪਾਣੀ ਦਾ ਇਸਤੇਮਾਲ ਕੀਤਾ। ਰਿਪੋਰਟ ਵਿਚ ਐਪਲ ਦੀ ਇਨਵਾਇਰਮੈਂਟਲ ਇਨੀਸ਼ੀਏਟਿਵ ਦੀ ਉਪ ਪ੍ਰਧਾਨ ਲੀਸਾ ਜੈਕਸਨ ਦੇ ਹਵਾਲੇ ਤੋਂ ਕਿਹਾ ਗਿਆ ਹੈ ਕਿ ਪ੍ਰਿਨਵਿਲੇ ਪ੍ਰਾਜੈਕਟ ਕੰਪਨੀ ਦੀਆਂ ਜ਼ਰੂਰਤਾਂ ਨੂੰ ਸਮਰਥਨ ਕਰੇਗੀ। ਨਾਲ ਹੀ, ਇਸ ਤੋਂ ਸਾਫ਼ - ਸੁਥਰੇ ਅਤੇ ਸਥਿਰ ਪਾਣੀ ਦੀ ਉਪਲਬਧਤਾ ਵਧੇਗੀ ਕਿਉਂਕਿ ਕੰਮਿਉਨਿਟੀ ਮੌਸਮ ਤਬਦੀਲੀ ਦੇ ਪ੍ਰਭਾਵ ਲਈ ਤਿਆਰ ਹੈ।
ਵਾਟਰ ਸਟੋਰੇਜ ਫੈਸਿਲਿਟੀ ਦੇ 2021 ਤੱਕ ਤਿਆਰ ਹੋਣ ਦੀ ਉਮੀਦ ਹੈ। ਪਿਛਲੇ ਕੁੱਝ ਸਾਲ ਵਿਚ ਐਪਲ ਨੇ ਅਪਣੇ ਆਰੇਗਨ ਪਲਾਂਟ ਵਿਚ 1 ਅਰਬ ਡਾਲਰ ਤੋਂ ਜ਼ਿਆਦਾ ਦਾ ਨਿਵੇਸ਼ ਕੀਤਾ ਹੈ। ਉਥੇ ਹੀ, CultoMac ਦੀ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਐਪਲ ਨੇ ਟੈਕਸ ਲਾਭ ਅਤੇ ਸਸਤੀ ਜ਼ਮੀਨ ਕਾਰਨ ਇਸ ਸਥਾਨ ਦੀ ਚੋਣ ਕੀਤੀ ਹੈ। ਇਸ ਖੇਤਰ ਵਿਚ ਕੂਲ ਡੇਜਰਟ ਜਲਵਾਯੂ ਹੈ, ਜੋ ਕਿ ਡੇਟਾ ਸੈਂਟਰ ਨੂੰ ਠੰਡਾ ਰੱਖਣ ਵਿਚ ਮਦਦ ਕਰਦਾ ਹੈ।
ਰੋਚਕ ਗੱਲ ਇਹ ਹੈ ਕਿ ਫ਼ੇਸਬੁਕ ਦਾ ਡੇਟਾ ਸੈਂਟਰ ਵੀ ਇਸ ਖੇਤਰ ਵਿਚ ਹੈ। ਐਪਲ ਨੂੰ ਫਿਲਹਾਲ ਭਾਰਤੀ ਬਾਜ਼ਾਰ 'ਚ ਕਮਜ਼ੋਰ ਵਿਕਰੀ ਦੇ ਕਾਰਨ ਭਾਰੀ ਦਬਾਅ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਵਾਲ ਸਟਰੀਟ ਜਰਨਲ ਦੀ ਇਕ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਕੰਪਨੀ ਦੇ ਕਾਰਜਕਾਰੀ ਛੇਤੀ ਹੀ ਭਾਰਤ ਸਰਕਾਰ ਦੇ ਅਧਿਕਾਰੀਆਂ ਨੂੰ ਮਿਲਣਗੇ।