ਇਥੇ ਬੂਟੇ ਲਗਾ ਕੇ ਬੇਕਾਰ ਦੀਆਂ ਵਸਤਾਂ ਨਾਲ ਚੀਜ਼ਾਂ ਤਿਆਰ ਕੀਤੀਆਂ ਜਾ ਰਹੀਆਂ ਹਨ ਅਤੇ ਇਸ ਦੀ ਸੁੰਦਰ ਦਿੱਖ ਲਈ ਉਪਰਾਲੇ ਕੀਤੇ ਜਾ ਰਹੇ ਹਨ।
ਇੰਦੌਰ, (ਭਾਸ਼ਾ) : ਸਵੱਛਤਾ ਸਰਵੇਖਣ ਤੋਂ ਪਹਿਲਾਂ ਇੰਦੌਰ ਨੇ ਸਫਾਈ ਵਿਚ ਪਹਿਲੇ ਨੰਬਰ ਦਾ ਸ਼ਹਿਰ ਹੋਣ ਦੀ ਦਾਵੇਦਾਰੀ ਨੂੰ ਮਜ਼ਬੂਤ ਕਰਦੇ ਹੋਏ ਟ੍ਰੇਚਿੰਗ ਮੈਦਾਨ 'ਤੇ ਪਿਆ ਸਾਲਾਂ ਪੁਰਾਣਾ ਕੂੜਾ ਸਾਫ ਕਰ ਦਿਤਾ ਹੈ। ਅਜਿਹਾ ਕਰਨ ਵਾਲਾ ਇੰਦੌਰ ਪਹਿਲਾਂ ਸ਼ਹਿਰ ਬਣ ਗਿਆ ਹੈ। ਟ੍ਰੇਚਿੰਗ ਮੈਦਾਨ 'ਤੇ ਪੁਰਾਣੇ ਕੂੜੇ ਦੇ ਢੇਰ ਅਤੇ ਪਹਾੜ ਗਾਇਬ ਹੋ ਗਏ ਹਨ ਅਤੇ ਉਥੇ ਮਾਹੌਲ ਨੂੰ ਸਾਫ-ਸੁਥਰਾ ਬਣਾਇਆ ਜਾ ਰਿਹਾ ਹੈ। ਇਥੇ 30-40 ਸਾਲ ਤੋਂ ਪੁਰਾਣਾ ਕੂੜਾ ਪਿਆ ਹੋਇਆ ਹੈ।
Thrash on trenching ground
ਸਵੱਛਤਾ ਸਰਵੇਖਣ ਦੀ ਸੇਵਨ ਸਟਾਰ ਰੇਟਿੰਗ ਹਾਸਲ ਕਰਨ ਲਈ ਪੁਰਾਣੇ ਕੂੜੇ ਦਾ ਨਿਪਟਾਰਾ ਕਰਨਾ ਲਾਜ਼ਮੀ ਸੀ। ਹੁਣ ਇੰਦੌਰ ਨੂੰ ਇਸ ਸਰਵੇਖਣ ਵਿਚ ਪੂਰੇ 80 ਨਬੰਰ ਮਿਲ ਸਕਣਗੇ। ਵਧੀਕ ਕਮਿਸ਼ਨਰ ਰੋਹਨ ਸਕਸੈਨਾ ਨੇ ਦੱਸਿਆ ਕਿ ਪੂਰਾਣੇ ਕੂੜੇ ਦੇ ਨਿਪਟਾਰੇ ਲਈ ਬਾਇਓ ਰੀਮੈਡੀਸ਼ਨ ਪ੍ਰਣਾਲੀ ਅਪਣਾਈ ਗਈ। ਕੂੜੇ ਵਿਚ ਪੱਥਰ, ਕਪੜੇ, ਲਿਫਾਫੇ, ਰਬੜ, ਮਿੱਟੀ ਅਤੇ ਧਾਤੂਆਂ ਸਬੰਧੀ ਕਚਰਾ ਹੁੰਦਾ ਹੈ। ਲਿਫਾਫੇ ਸਮੇਤ ਰਿਸਾਇਕਲ ਹੋਣ ਵਾਲੀਆਂ ਚੀਜ਼ਾਂ ਨੂੰ ਮਟੀਰਿਅਲ ਰਿਕਵਰੀ ਫਸੀਲਿਟੀ ਵਿਖੇ ਭੇਜਿਆ ਗਿਆ ਤਾਂ ਕਿ ਰਿਸਾਇਕਲ ਹੋਣ ਤੋਂ ਬਾਅਦ ਉਸ ਦੀ ਮੁੜ ਵਰਤੋਂ ਕੀਤੀ ਜਾ ਸਕੇ।
The process of waste bioremediation
ਪੱਥਰਾਂ ਦੀ ਵਰਤੋਂ ਜ਼ਮੀਨ ਭਰਨ ਵਿਚ ਕੀਤੀ ਗਈ ਅਤੇ ਧਾਤਾਂ ਨੂੰ ਰਿਸਾਇਕਲ ਲਈ ਭੇਜਿਆ ਗਿਆ। ਇਸ ਤੋਂ ਬਾਅਦ ਬਿਲਾਵਲੀ ਤਲਾਅ ਦੀ ਖੁਦਾਈ ਤੋਂ ਕੱਢੀ ਗਈ ਮਿੱਟੀ ਲੈਂਡਫਿਲ ਵਿਚ ਪਾ ਕੇ ਟ੍ਰੇਚਿੰਗ ਮੈਦਾਨ ਦੀ ਰੂਪਰੇਖਾ ਬਦਲ ਦਿਤੀ ਗਈ। ਹੁਣ ਇਥੇ ਬੂਟੇ ਲਗਾ ਕੇ ਬੇਕਾਰ ਦੀਆਂ ਵਸਤਾਂ ਨਾਲ ਚੀਜ਼ਾਂ ਤਿਆਰ ਕੀਤੀਆਂ ਜਾ ਰਹੀਆਂ ਹਨ ਅਤੇ ਇਸ ਦੀ ਸੁੰਦਰ ਦਿੱਖ ਲਈ ਉਪਰਾਲੇ ਕੀਤੇ ਜਾ ਰਹੇ ਹਨ।
Country's first organized trenching ground
ਲੈਂਡਫਿਲ ਤੋਂ ਬਾਅਦ ਟ੍ਰੇਚਿੰਗ ਮੈਦਾਨ ਦੀ 80 ਏਕੜ ਤੋਂ ਵੱਧ ਜ਼ਮੀਨ ਗੋਲਫ ਕੋਰਸ ਦੇ ਹਿਸਾਬ ਨਾਲ ਵਰਤਣਯੋਗ ਹੋ ਗਈ ਹੈ। ਨਗਰ ਨਿਗਮ ਕਮਿਸ਼ਨਰ ਆਸ਼ੀਸ਼ ਸਿੰਘ ਨਾਲ ਇਥੇ ਗੋਲਫ ਕੋਰਸ ਬਣਾਉਣ ਦੀ ਗੱਲ ਕੀਤੀ ਗਈ ਹੈ। ਉਹਨਾਂ ਦੀ ਪ੍ਰਵਾਨਗੀ ਤੋਂ ਬਾਅਦ ਇਸ ਦੀ ਉਸਾਰੀ ਲਈ ਅੰਤਰਰਾਸ਼ਟਰੀ ਮਾਹਰ ਏਜੰਸੀਆਂ ਦੀ ਸਲਾਹ ਲਈ ਜਾਵੇਗੀ।
DC Rohan Saxena
ਨਗਰ ਨਿਗਮ ਦੇ ਅਧਿਕਾਰੀ ਮੁਤਾਬਕ ਇਹ ਸਰਵੇਖਣ ਮਹੀਨੇ ਦੇ ਆਖਰੀ ਦਿਨਾਂ ਜਾਂ ਫਿਰ ਜਨਵਰੀ ਵਿਚ ਹੋਵੇਗਾ। ਨਿਗਮ ਨੇ ਪਹਿਲਾਂ ਤੋਂ ਹੀ ਲੱਖਾਂ ਦਸਤਾਵੇਜ਼ ਆਨਲਾਈਨ ਜਮ੍ਹਾਂ ਕਰਵਾਏ ਸਨ। ਅਧਿਕਾਰੀਆਂ ਨੂੰ ਆਸ ਹੈ ਕਿ ਇੰਦੌਰ ਹੀ ਉਹ ਪਹਿਲਾ ਸ਼ਹਿਰ ਬਣੇਗਾ ਜਿਸ ਨੂੰ ਸੇਵਨ ਸਟਾਰ ਰੇਟਿੰਗ ਦਾ ਤਮਗਾ ਮਿਲੇਗਾ।
