ਚੌਕਸੀ ਨੇ ਅਪਣੀ ਬਹੁਤ ਸਾਰੀਆਂ ਸਿਹਤ ਸਮੱਸਿਆਵਾਂ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਹੈ ਕਿ ਉਸ ਦੇ ਲਈ ਭਾਰਤ ਆਉਣ ਲਈ 41 ਘੰਟੇ ਦੀ ਲੰਮੀ ਯਾਤਰਾ ਕਰਨਾ ਸੰਭਵ ਨਹੀਂ ਹੈ।
ਨਵੀਂ ਦਿੱਲੀ, (ਭਾਸ਼ਾ) : ਪੰਜਾਬ ਨੈਸ਼ਨਲ ਬੈਂਕ ਦੇ ਅਰਬਾਂ ਰੁਪਏ ਦਾ ਗਬਨ ਕਰਨ ਵਾਲੇ ਹੀਰਾ ਕਾਰੋਬਾਰੀ ਮੇਹੁਲ ਚੌਕਸੀ ਨੇ ਇਨਫੋਰਸਮੈਂਟ ਡਾਇਰੈਕਟੋਰੇਟ ਦੀ ਪਟੀਸ਼ਨ ਨੂੰ ਖਾਰਜ ਕਰਵਾਉਣ ਲਈ 34 ਪੇਜਾਂ ਦਾ ਜਵਾਬ ਭੇਜਿਆ ਹੈ। ਈਡੀ ਨੇ ਉਸ ਨੂੰ ਭਗੌੜਾ ਵਿੱਤੀ ਅਪਰਾਧੀ ਐਲਾਨ ਕਰਨ ਲਈ ਪਟੀਸਨ ਦਾਖਲ ਕੀਤੀ ਹੋਈ ਹੈ। ਚੌਕਸੀ ਨੇ ਮਨੀ ਲਾਡਰਿੰਗ ਐਕਟ ਅਧੀਨ ਅਦਾਲਤ ਨੂੰ ਦੱਸਿਆ ਕਿ ਉਹ ਪੰਜਾਬ ਨੈਸ਼ਨਲ ਬੈਂਕ ਦੀ ਬਕਾਇਆ ਰਕਮ ਨੂੰ ਵਾਪਸ ਕਰਨ ਦੇ ਸਬੰਧ ਵਿਚ ਗੱਲਬਾਤ ਕਰ ਰਿਹਾ ਹੈ।
PNB Scam
ਚੌਕਸੀ ਦਾ ਦਾਅਵਾ ਹੈ ਕਿ ਈਡੀ ਨੇ ਇਸ ਚਿੱਠੀ ਨੂੰ ਅਦਾਲਤ ਦੇ ਸਾਹਮਣੇ ਠੀਕ ਢੰਗ ਨਾਲ ਪੇਸ਼ ਨਹੀਂ ਕੀਤਾ ਤਾਂ ਕਿ ਉਸ ਨੂੰ ਗੁੰਮਰਾਹ ਕੀਤਾ ਜਾ ਸਕੇ। ਇਸ ਜਵਾਬ ਨੂੰ ਵਿਸ਼ੇਸ਼ ਜਜ ਐਮਐਸ ਆਜ਼ਮੀ ਦੀ ਅਦਾਲਤ ਵਿਚ ਚੌਕਸੀ ਦੇ ਵਕੀਲ ਸੰਜੇ ਅਬੋਟ ਅਤੇ ਰਾਹੁਲ ਅਗਰਵਾਲ ਨੇ ਜਮ੍ਹਾਂ ਕਰਵਾਇਆ। ਈਡੀ ਨੇ ਪਟੀਸ਼ਨ ਦਿੰਦੇ ਹੋਏ ਦਲੀਲ ਦਿਤੀ ਕਿ ਚੌਕਸੀ ਨੂੰ ਭਗੌੜਾ ਵਿੱਤੀ ਅਪਰਾਧੀ ਐਲਾਨ ਕੀਤਾ ਜਾਵੇ ਅਤੇ ਉਸ ਦੀ ਜਾਇਦਾਦ ਨੂੰ ਭਗੌੜਾ ਵਿੱਤੀ ਅਪਰਾਧੀ ਐਕਟ ਅਧੀਨ ਜ਼ਬਤ ਕੀਤਾ ਜਾਵੇ।
The Enforcement Directorate
ਅਪਣੇ ਜਵਾਬ ਵਿਚ ਚੌਕਸੀ ਨੇ ਦੋਸ਼ ਲਗਾਇਆ ਕਿ ਈਡੀ ਨੇ ਜਾਣ ਬੁੱਝ ਕੇ ਜਾਇਦਾਦ ਦੇ ਮੁੱਲ ਨੂੰ ਘੱਟ ਦੱਸਿਆ ਹੈ ਤਾਂ ਕਿ ਉਹ ਵੱਧ ਤੋਂ ਵੱਧ ਜਾਇਦਾਦ ਨੂੰ ਜੋੜ ਸਕੇ। ਜਿਹਨਾਂ ਜਾਇਦਾਦਾਂ ਨੂੰ ਜੋੜਿਆ ਗਿਆ ਹੈ। ਉਹਨਾਂ ਦੀ ਕੀਮਤ 89 ਕਰੋੜ ਤੋਂ 537 ਕਰੋੜ ਰੁਪਏ ਵਿਚਕਾਰ ਹੈ। ਚੌਕਸੀ ਨੇ ਅਪਣੀ ਬਹੁਤ ਸਾਰੀਆਂ ਸਿਹਤ ਸਮੱਸਿਆਵਾਂ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਹੈ ਕਿ ਉਸ ਦੇ ਲਈ ਭਾਰਤ ਆਉਣ ਲਈ 41 ਘੰਟੇ ਦੀ ਲੰਮੀ ਯਾਤਰਾ ਕਰਨਾ ਸੰਭਵ ਨਹੀਂ ਹੈ। ਪਟੀਸ਼ਨ ਵਿਚ ਮਾਮਲੇ ਦੀ ਜਾਂਚ ਬਹੁਤ ਹੌਲੀ ਕਰਨ ਦੀ ਗੱਲ ਵੀ ਕੀਤੀ ਗਈ ਹੈ। ਇਸ ਤੋਂ ਇਲਾਵਾ ਉਸ ਨੇ ਕਿਹਾ ਕਿ ਟ੍ਰਾਇਲ ਨੂੰ ਸ਼ੁਰੂ ਹੋਣ ਵਿਚ ਸਾਲਾਂ ਦਾ ਸਮਾਂ ਲਗ ਜਾਵੇਗਾ।
