File Photo
ਜੰਮੂ-ਕਸ਼ਮੀਰ ਦੇ ਬਾਹਰੀ ਹਿੱਸੇ ਵਿਚ ਅੱਜ ਇਕ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ, ਜਿਸ ਕਾਰਨ 3 ਲੋਕਾਂ ਦੀ ਮੌਤ ਹੋ ਗਈ।
ਜੰਮੂ, 28 ਜੂਨ : ਜੰਮੂ-ਕਸ਼ਮੀਰ ਦੇ ਬਾਹਰੀ ਹਿੱਸੇ ਵਿਚ ਅੱਜ ਇਕ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ, ਜਿਸ ਕਾਰਨ 3 ਲੋਕਾਂ ਦੀ ਮੌਤ ਹੋ ਗਈ। ਪੁਲਿਸ ਦੇ ਇਕ ਅਧਿਕਾਰੀ ਨੇ ਦਸਿਆ ਕਿ ਤੇਜ਼ ਰਫ਼ਤਾਰ ਆ ਰਹੀ ਕਾਰ 'ਚ ਖੇਤਾਂ 'ਚ ਕੰਮ ਕਰਨ ਵਾਲੇ ਕੁੱਝ ਮਜ਼ਦੂਰ ਸਵਾਰ ਸਨ। ਆਰ.ਐਸ. ਪੁਰਾ ਕੋਲ ਗੋਂਡਲਾ ਪਿੰਡ ਵਿਚ ਸਵੇਰੇ ਕਰੀਬ ਸਵਾ 8 ਵਜੇ ਡਰਾਈਵਰ ਨੇ ਵਾਹਨ ਤੋਂ ਅਪਣਾ ਕੰਟਰੋਲ ਗੁਆ ਦਿਤਾ, ਜੋ ਹਾਦਸੇ ਦਾ ਸ਼ਿਕਾਰ ਹੋ ਗਈ।
ਮੌਕੇ 'ਤੇ ਮੌਜੂਦ ਚਸ਼ਮਦੀਦ ਗਵਾਹਾਂ ਦੇ ਹਵਾਲੇ ਤੋਂ ਦਸਿਆ ਗਿਆ ਕਿ ਕਾਰ ਸੜਕ 'ਤੇ ਫਿਸਲ ਗਈ ਅਤੇ ਕਈ ਵਾਰ ਪਲਟੀਆਂ ਖਾਂਦੇ ਹੋਏ ਦਰੱਖ਼ਤਾਂ ਨਾਲ ਜਾ ਟਕਰਾਈ। ਪੁਲਿਸ ਮੁਤਾਬਕ ਹਾਦਸੇ ਵਿਚ 48 ਸਾਲਾ ਗੁਰਦਾਸ ਚੰਦ ਅਤੇ 45 ਸਾਲਾ ਰਾਜਕੁਮਾਰ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਜਦਕਿ ਇਕ ਹੋਰ ਜ਼ਖ਼ਮੀ ਕੁਲਦੀਪ ਕੁਮਾਰ (45) ਹਸਪਤਾਲ ਵਿਚ ਦਮ ਤੋੜ ਗਿਆ। ਉਨ੍ਹਾਂ ਦਸਿਆ ਕਿ ਤਿੰਨ ਜ਼ਖ਼ਮੀਆਂ ਵਿਚੋਂ ਇਕ ਦੀ ਹਾਲਤ ਗੰਭੀਰ ਹੈ। (ਪੀਟੀਆਈ)
