ਗਾਜ਼ੀਆਬਾਦ ਤੋਂ ਬਾਅਦ ਹੁਣ ਦਿੱਲੀ ਤੋਂ ਸਟੇ ਗ੍ਰੇਟਰ ਨੋਇਡਾ 'ਚ ਵੀ ਭੀੜ ਨੇ ਬੱਚਾ ਚੋਰੀ ਦੀ ਅਫਵਾਹ 'ਚ ਆਪਣੇ ਬੱਚੇ ਦੇ ਨਾਲ ਜਾ ਰਹੇ ਪਿਤਾ ਦੀ ਬੁਰੀ ਤਰ੍ਹਾਂ
ਨਵੀਂ ਦਿੱਲੀ : ਗਾਜ਼ੀਆਬਾਦ ਤੋਂ ਬਾਅਦ ਹੁਣ ਦਿੱਲੀ ਤੋਂ ਸਟੇ ਗ੍ਰੇਟਰ ਨੋਇਡਾ 'ਚ ਵੀ ਭੀੜ ਨੇ ਬੱਚਾ ਚੋਰੀ ਦੀ ਅਫਵਾਹ 'ਚ ਆਪਣੇ ਬੱਚੇ ਦੇ ਨਾਲ ਜਾ ਰਹੇ ਪਿਤਾ ਦੀ ਬੁਰੀ ਤਰ੍ਹਾਂ ਮਾਰ ਕੁਟਾਈ ਕਰ ਦਿੱਤੀ। ਜਖ਼ਮੀ ਪਿਤਾ ਨੂੰ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ ਜਦੋਂ ਕਿ ਪੁਲਿਸ ਨੇ ਇਸ ਮਾਮਲੇ ਵਿੱਚ ਤਿੰਨ ਆਰੋਪੀਆਂ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਹੈ।
ਦਰਅਸਲ ਗ੍ਰੇਟਰ ਨੋਇਡਾ ਦੇ ਕੁਲਸੇਰਾ ਪਿੰਡ ਵਿੱਚ ਰਾਜਮਿਸਤਰੀ ਦਾ ਕੰਮ ਕਰਨ ਵਾਲੇ ਕਿਸ਼ਨ ਆਪਣੇ 2 ਬੱਚਿਆਂ ਅਤੇ ਸਾਲੇ ਦੇ 2 ਬੱਚਿਆਂ ਦੇ ਨਾਲ ਕਾਰ ਤੋਂ ਕਿਤੇ ਜਾ ਰਹੇ ਸਨ। ਉਸੀ ਦੌਰਾਨ ਬਾਜ਼ਾਰ 'ਚ ਬੱਚਿਆਂ ਨੇ ਸਮੋਸਾ ਖਾਣ ਦੀ ਜਿੱਦ ਕੀਤੀ ਤਾਂ ਕਿਸ਼ਨ ਬੱਚਿਆਂ ਨੂੰ ਕਾਰ 'ਚ ਛੱਡ ਕੇ ਹੀ ਸਮੋਸਾ ਲਿਆਉਣ ਚਲੇ ਗਏ।
ਜਦੋਂ ਉਹ ਆਪਣੇ ਬੱਚਿਆਂ ਲਈ ਸਮੋਸਾ ਲੈ ਕੇ ਵਾਪਸ ਆ ਰਹੇ ਸਨ ਤਾਂ ਕਿਸੇ ਨੇ ਅਫਵਾਹ ਉੱਡਾ ਦਿੱਤੀ ਕਿ ਉਹ ਬੱਚਿਆਂ ਨੂੰ ਚੋਰੀ ਕਰ ਕਿਤੇ ਲੈ ਜਾ ਰਹੇ ਹੈ। ਇਸ ਅਫਵਾਹ ਤੋਂ ਬਾਅਦ ਉੱਥੇ ਭੀੜ ਜਮਾਂ ਹੋ ਗਈ ਅਤੇ ਬਿਨ੍ਹਾਂ ਸੱਚਾਈ ਜਾਣ ਪਿਤਾ ਕਿਸ਼ਨ ਨੂੰ ਬੁਰੀ ਤਰ੍ਹਾਂ ਕੁੱਟਣ ਲੱਗੇ।
ਭੀੜ ਦੁਆਰਾ ਮਾਰ ਕੁਟਾਈ ਦੀ ਖਬਰ ਮਿਲਣ 'ਤੇ ਪੁਲਿਸ ਤੁਰੰਤ ਮੌਕੇ 'ਤੇ ਪਹੁੰਚੀ ਜਿਸ ਤੋਂ ਬਾਅਦ ਪੀੜਿਤ ਪਿਤਾ ਕਿਸ਼ਨ ਨੂੰ ਹਸਪਤਾਲ ਪਹੁੰਚਾਇਆ ਗਿਆ। ਪੁਲਿਸ ਨੇ ਇਸ ਮਾਮਲੇ 'ਚ 3 ਆਰੋਪੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਜਦੋਂ ਕਿ ਹੋਰ ਨੂੰ ਫੜਨ ਦੀ ਕੋਸ਼ਿਸ਼ ਵਿੱਚ ਜੁਟੀ ਹੋਈ ਹੈ।
ਪੁਲਿਸ ਨੇ ਅਫਵਾਹ ਫੈਲਾਉਣ ਸਹਿਤ ਕਈ ਧਾਰਾਵਾਂ 'ਚ ਕੇਸ ਦਰਜ ਕੀਤਾ ਹੈ ਅਤੇ ਤਿੰਨਾਂ ਆਰੋਪੀਆਂ ਨੂੰ ਕੋਰਟ 'ਚ ਪੇਸ਼ ਕਰਕੇ ਜੇਲ੍ਹ ਭੇਜ ਦਿੱਤਾ ਹੈ। ਦੱਸ ਦਈਏ ਕਿ ਇਸ ਤੋਂ ਕੁੱਝ ਦਿਨ ਪਹਿਲਾਂ ਹੀ ਗਾਜ਼ੀਆਬਾਦ 'ਚ ਇੱਕ ਬੁੱਢੀ ਮਹਿਲਾ ਦੀ ਬੱਚਾ ਚੋਰੀ ਦੇ ਇਲਜ਼ਾਮ 'ਚ ਮਾਰ ਕੁਟਾਈ ਕਰ ਦਿੱਤੀ ਸੀ ਜਦੋਂ ਕਿ ਉਹ ਮਹਿਲਾ ਬੱਚੀ ਦੀ ਦਾਦੀ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।