ਲੁਧਿਆਣਾ: ਦਵਾਈਆਂ ਨੂੰ ਲੈ ਕੇ ਮੁੱਦਾ ਪੂਰੀ ਤਰ੍ਹਾਂ ਭੱਖ ਚੁੱਕਾ ਹੈ ਤੇ ਹੁਣ ਅਨਮੋਲ ਕਵਾਤਰਾ ਵੱਲੋਂ ਵੀ ਇਸ ਸਬੰਧੀ ਸੋਸ਼ਲ ਮੀਡੀਆ ਤੇ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ। ਉਹਨਾਂ ਨੇ ਦਸਿਆ ਕਿ ਉਹ ਲੋਕਾਂ ਨੂੰ ਸੱਚਾਈ ਤੋਂ ਜਾਣੂ ਕਰਵਾਉਣਾ ਚਾਹੁੰਦੇ ਹਨ। ਬਹੁਤ ਸਾਰੇ ਲੋਕ ਦਵਾਈਆਂ ਨੂੰ ਲੈ ਕੇ ਸਵਾਲ ਕਰ ਰਹੇ ਹਨ ਕਿ ਇਸ ਪੱਤੇ 70% ਆਫ ਲੈ ਕੇ ਦਿਖਾਓ।
Anmol Kwatra
ਉਹ ਸਪੱਸ਼ਟ ਕਰਨਾ ਚਾਹੁੰਦੇ ਹਨ ਕਿ ਦਵਾਈਆਂ ਦੋ ਤਰ੍ਹਾਂ ਦੀਆਂ ਹੁੰਦੀਆਂ ਹਨ ਜੈਨੇਰਿਕ ਅਤੇ ਐਥੀਕਲ ਅਤੇ ਇਹ ਦੋਵੇਂ ਇਕੋ ਜਿਹੀਆਂ ਹੁੰਦੀਆਂ ਹਨ। ਉਹਨਾਂ ਨੇ ਇਕ ਬਜ਼ੁਰਗ ਬਾਰੇ ਦਸਿਆ ਕਿ ਉਹਨਾਂ ਦੇ ਪੇਟ ਵਿਚ ਦਰਦ ਰਹਿਣ ਕਾਰਨ ਉਹਨਾਂ ਦਾ ਅਪਰੇਸ਼ਨ ਪੀਜੀਆਈ ਵਿਚ ਹੋਇਆ ਸੀ ਤੇ ਉਸ ਤੋਂ ਬਾਅਦ ਉਹ ਕਾਫੀ ਸਮੇਂ ਤੋਂ ਉਹਨਾਂ ਦੀ ਸੰਸਥਾ ਤੋਂ ਦਵਾਈ ਲੈ ਕੇ ਜਾਂਦੇ ਰਹੇ ਹਨ।
Chemists
ਅਨਮੋਲ ਨੇ ਉਹਨਾਂ ਨੂੰ ਪੁੱਛਿਆ ਕਿ ਉਹਨਾਂ ਨੂੰ ਪਤਾ ਹੈ ਕਿ ਇਹ ਦਵਾਈ ਜੈਨੇਰਿਕ ਹੈ ਜਾਂ ਐਥੀਕਲ ਤਾਂ ਉਹਨਾਂ ਦਸਿਆ ਕਿ ਉਹਨਾਂ ਨੂੰ ਸਿਰਫ ਐਮਆਰਪੀ ਦਾ ਪਤਾ ਹੈ ਤੇ ਇਹ ਜੈਨੇਰਿਕ ਹੈ ਜਾਂ ਨਹੀਂ ਇਸ ਬਾਰੇ ਨਹੀਂ ਪਤਾ। ਉਹਨਾਂ ਨੇ ਇਹ ਦਵਾਈ ਪਹਿਲੇ ਦਿਨ 3000 ਦੀ ਲਈ ਸੀ ਤੇ ਇਸ ਵਿਚ ਸਿਰਫ 3 ਪੱਤੇ ਸੀ ਦਵਾਈ ਦੇ। ਇਸ ਦੀ ਐਮਆਰਪੀ 4300 ਰੁਪਏ ਹੈ।
Anmol Kwatra
ਫਿਰ ਉਹਨਾਂ ਨੇ ਜਦੋਂ ਇਹ ਦਵਾਈ ਮੰਗਵਾਈ ਤਾਂ ਉਹਨਾਂ ਨੂੰ ਇਹੀ ਦਵਾਈ 1200 ਰੁਪਏ ਦੀ ਮਿਲੀ। ਹੁਣ ਮੁੱਦਾ ਇਹੀ ਹੈ ਕਿ ਦਵਾਈਆਂ ਤੇ ਜਿਹੜੀ ਐਮਆਰਪੀ ਲਿਖੀ ਗਈ ਹੈ ਉਹ ਘਟਾ ਕੇ ਉੰਨੀ ਲਿਖੀ ਜਾਵੇ ਜਿਸ ਵਿਚ ਦਵਾਈ ਵਿਕ ਸਕੇ। ਇਹ ਸਰਕਾਰ ਤੈਅ ਕਰੇਗੀ ਕਿ ਕਿਹੜੇ ਰੇਟ ਤੇ ਦਵਾਈ ਵਿਕਣੀ ਚਾਹੀਦੀ ਹੈ।
Chemists
ਅੱਜ ਦਵਾਈਆਂ ਦੀਆਂ ਕੀਮਤਾਂ ਅਸਮਾਨ ਛੂੰਹ ਰਹੀਆਂ ਹਨ ਤੇ ਇਹਨਾਂ ਦਵਾਈਆਂ ਨੂੰ ਸਸਤਾ ਕਿਵੇਂ ਲਿਆ ਜਾਵੇ ਇਸ ਦੇ ਲਈ ਉਹਨਾਂ ਦਸਿਆ ਕਿ ਤੁਹਾਨੂੰ ਡਾਕਟਰ ਜਿਹੜੀ ਦਵਾਈ ਲਿਖ ਕੇ ਦਿੰਦਾ ਹੈ ਤੁਸੀਂ ਉਹ ਨਹੀਂ ਲੈਣੀ, ਤੁਸੀਂ ਦੁਕਾਨ ਤੇ ਜਾ ਕੇ ਦੁਕਾਨਦਾਰ ਨੂੰ ਕਹਿਣਾ ਹੈ ਕਿ ਜਿਹੜੀ ਦਵਾਈ ਡਾਕਟਰ ਨੇ ਲਿਖ ਕੇ ਦਿੱਤੀ ਹੈ ਉਹ ਨਹੀਂ ਲੈਣੀ ਪਰ ਇਸ ਤਰ੍ਹਾਂ ਦੇ ਸਾਲਟ ਵਾਲੀ ਜੈਨੇਰਿਕ ਦਵਾਈ ਚਾਹੀਦਾ ਹੈ।
Balwinder Singh Jindu
ਫਿਰ ਦੁਕਾਨਦਾਰ ਤੁਹਾਨੂੰ ਇਹੀ ਦਵਾਈ 20 ਰੁਪਏ ਵਿਚ ਮਿਲ ਜਾਵੇਗੀ। ਇਹ ਅਸਰ ਵੀ ਉੰਨਾ ਹੀ ਕਰੇਗੀ ਜਿੰਨਾ ਡਾਕਟਰ ਦੀ ਲਿਖੀ ਹੋਈ ਦਵਾਈ ਕਰੇਗੀ। ਸਾਰੇ ਡਾਕਟਰ ਜਾਂ ਕੈਮਿਸਟਸ ਚੰਗੇ ਨਹੀਂ ਤੇ ਸਾਰੇ ਮਾੜੇ ਨਹੀਂ। ਜਿੱਥੇ ਮਾੜੇ ਹਨ ਉੱਥੇ ਚੰਗੇ ਵੀ ਲੋਕ ਹਨ ਜੋ ਕਿ ਦੁਨੀਆ ਦਾ ਭਲਾ ਕਰਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
