ਮੰਗਤ ਰਾਏ ਬਾਂਸਲ ਨੂੰ CBI ਕੋਰਟ ਨੇ ਸਾਲ 2014 ਵਿਚ ਚਾਵਲ ਘਪਲੇ ਵਿਚ ਦੋਸ਼ੀ ਮੰਨਦਿਆਂ 7 ਸਾਲ ਦੀ ਸਜ਼ਾ ਸੁਣਾਈ ਸੀ।
ਚੰਡੀਗੜ੍ਹ: ਸਾਬਕਾ ਕਾਂਗਰਸੀ ਵਿਧਾਇਕ ਮੰਗਤ ਰਾਏ ਬਾਂਸਲ (Mangat Rai Bansal) ਦੀ ਸਜ਼ਾ ’ਤੇ ਹਾਈਕੋਰਟ (High Court) ਵੱਲੋਂ ਰੋਕ ਲਗਾ ਦਿੱਤੀ ਗਈ ਹੈ, ਜਿਸ 'ਤੇ ਅਦਾਲਤ ਦੇ ਵਿਸਤ੍ਰਿਤ ਹੁਕਮ ਆਉਣੇ ਅਜੇ ਬਾਕੀ ਹਨ। ਦਰਅਸਲ, ਮੰਗਤ ਰਾਏ ਬਾਂਸਲ ਨੂੰ CBI ਕੋਰਟ ਨੇ ਸਾਲ 2014 ਵਿਚ ਚਾਵਲ ਘਪਲੇ ਵਿਚ ਦੋਸ਼ੀ ਮੰਨਦਿਆਂ 7 ਸਾਲ ਦੀ ਸਜ਼ਾ ਸੁਣਾਈ ਸੀ। ਇਸ ਮਾਮਲੇ ਵਿਚ 4 ਹੋਰਾਂ ਮੁਲਜ਼ਮਾਂ ਖਿਲਾਫ਼ ਵੀ ਕਾਰਵਾਈ ਕੀਤੀ ਗਈ ਸੀ। ਜਦੋਂਕਿ ਕੇਸ ’ਚ ਦੋਸ਼ੀ ਪਰਮਿੰਦਰ ਸਿੰਘ ਨੂੰ ਬਰੀ ਕਰ ਦਿੱਤਾ ਗਿਆ ਸੀ।
ਹੋਰ ਪੜ੍ਹੋ: ਕਿਸਾਨਾਂ ’ਤੇ ਹੋਏ ਅਤਿਆਚਾਰ ਦੇ ਵਿਰੋਧ ’ਚ ਸ਼੍ਰੋਮਣੀ ਅਕਾਲੀ ਦਲ ਸੰਯੁਕਤ ਦਾ ਪ੍ਰਦਰਸ਼ਨ
ਬਾਂਸਲ ਨੇ 17 ਅਪ੍ਰੈਲ, 2014 ਨੂੰ ਜੇਲ੍ਹ ਵਿਚ ਹੀ ਹਾਈਕੋਰਟ ਦੇ ਚੀਫ਼ ਜਸਟਿਸ ਨੂੰ ਪੱਤਰ ਲਿਖ ਕੇ ਸੀਬੀਆਈ ਜੱਜ ਹੇਮੰਤ ਗੋਪਾਲ (CBI Judge Hemant Gopal) ਦੇ ਸਟਿੰਗ (Sting) ਦੀ ਵੀਡੀਓ ਭੇਜੀ ਸੀ। ਇਸ ਵੀਡੀਓ ਵਿਚ CBI ਜੱਜ ਹੇਮੰਤ ਗੋਪਾਲ ਨੂੰ ਪੰਜਾਬ ਦੇ ਲਾਅ ਅਫ਼ਸਰ ਕੋਲੋਂ 40 ਲੱਖ ਦੀ ਰਿਸ਼ਵਤ (Bribe) ਲੈਂਦਿਆਂ ਵੇਖਿਆ ਗਿਆ ਸੀ, ਜੋ ਸਾਬਕਾ ਵਿਧਾਇਕ ਪਰਮਿੰਦਰ ਸਿੰਘ ਵੱਲੋਂ ਦਿੱਤੀ ਗਈ ਸੀ।
ਹੋਰ ਪੜ੍ਹੋ: ਭਾਜਪਾ MP ਸਾਧਵੀ ਪ੍ਰੱਗਿਆ ਨੇ ਗਊ ਮੂਤਰ ਨੂੰ ਦੱਸਿਆ ਹਾਈ ਐਂਟੀਬਾਇਓਟਿਕ, ਵਾਇਰਲ ਹੋਇਆ ਵੀਡੀਓ
ਦੱਸ ਦੇਈਏ, ਬਾਂਸਲ ਨੇ ਦੋਸ਼ ਲਗਾਇਆ ਸੀ ਕਿ ਜੱਜ ਨੇ ਲਾਅ ਅਫ਼ਸਰ ਕੋਲੋਂ ਸਾਰੇ ਮੁਲਜ਼ਮਾਂ ਨੂੰ ਬਰੀ ਕਰਨ ਦੇ ਬਦਲੇ 2 ਕਰੋੜ ਦੀ ਮੰਗ ਕੀਤੀ ਸੀ, ਜਿਸ ਦੇ ਤਹਿਤ ਮੁਲਜ਼ਮਾਂ ਨੇ 40-40 ਲੱਖ ਰੁਪਏ ਦੇਣੇ ਸਨ, ਜੋ ਸਿਰਫ਼ ਪਰਮਿੰਦਰ ਸਿੰਘ ਨੇ ਪਿਤਾ ਵੱਲੋਂ ਚੰਡੀਗੜ੍ਹ ਵਿਚ ਲਾਅ ਅਫ਼ਸਰ ਨੂੰ ਦਿੱਤੇ ਗਏ। ਬਾਕੀ ਮੁਲਜ਼ਮਾਂ ਨੇ ਪੈਸੇ ਨਹੀਂ ਦਿੱਤੇ ਅਤੇ 17 ਅਪ੍ਰੈਲ ਨੂੰ ਸਟਿੰਗ ਕਰ ਦਿੱਤਾ।
ਹੋਰ ਪੜ੍ਹੋ: ਪਾਣੀ ਦੀਆਂ ਬੁਛਾੜਾਂ ਝੱਲਣ ਪਿੱਛੋਂ ਪਰਮਿੰਦਰ ਢੀਂਡਸਾ ਦੀ ਸਾਥੀਆਂ ਸਮੇਤ ਗ੍ਰਿਫ਼ਤਾਰੀ
ਇਸ ਤੋਂ ਬਾਅਦ ਜੱਜ ਹੇਮੰਤ ਗੋਪਾਲ ਨੇ 20 ਅਪ੍ਰੈਲ ਨੂੰ ਉਨ੍ਹਾਂ ਨੂੰ ਸਜ਼ਾ ਸੁਣਾ ਦਿੱਤੀ। ਹਾਈਕੋਰਟ ਨੇ ਸਟਿੰਗ ਤੋਂ ਬਾਅਦ ਜੱਜ ਨੂੰ ਮੁਅੱਤਲ ਵੀ ਕਰ ਦਿੱਤਾ ਸੀ, ਜਿਸ ਤੋਂ ਬਾਅਦ ਸਾਬਕਾ ਕਾਂਗਰਸੀ ਵਿਧਾਇਕ (Former Congress MLA) ਮੰਗਤ ਰਾਏ ਬਾਂਸਲ ਨੇ ਸਜ਼ਾ 'ਤੇ ਰੋਕ ਲਗਾਉਣ ਲਈ ਹਾਈਕੋਰਟ 'ਚ ਪਟੀਸ਼ਨ (Petition) ਦਾਇਰ ਕੀਤੀ ਸੀ।