ਮਮਦੋਟ ਪੁਲਿਸ ਨੇ ਭਾਰਤ ਦੀ ਸੀਕਰੇਟ ਇਨਫਰਮੇਸ਼ਨ ਪਾਕਿਸਤਾਨ ਨੂੰ ਪਹੁੰਚਾਉਣ ਦੇ ਜ਼ੁਰਮ ਵਿਚ ਬੀ.ਐਸ.ਐਫ. ਦੇ...
ਫਿਰੋਜ਼ਪੁਰ (ਪੀਟੀਆਈ) : ਮਮਦੋਟ ਪੁਲਿਸ ਨੇ ਭਾਰਤ ਦੀ ਸੀਕਰੇਟ ਇਨਫਰਮੇਸ਼ਨ ਪਾਕਿਸਤਾਨ ਨੂੰ ਪਹੁੰਚਾਉਣ ਦੇ ਜ਼ੁਰਮ ਵਿਚ ਬੀ.ਐਸ.ਐਫ. ਦੇ ਇਕ ਜਵਾਨ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
BSFਬੀ.ਐਸ.ਐਫ. 29 ਬਟਾਲੀਅਨ ਦੇ ਡਿਪਟੀ ਕਮਾਂਡੈਂਟ ਮਮਦੋਟ ਦੁਆਰਾ ਦਿਤੀ ਗਈ ਲਿਖਤੀ ਸ਼ਿਕਾਇਤ ਦੇ ਆਧਾਰ ‘ਤੇ ਫਿਰੋਜ਼ਪੁਰ ਦੇ ਥਾਣਾ ਮਮਦੋਟ ਦੀ ਪੁਲਿਸ ਨੇ ਬੀ.ਐਸ.ਐਫ. ਦੇ ਜਵਾਨ ਸ਼ੇਖ ਰਿਆਜ ਊ ਦੀਨ ਉਰਫ਼ ਰਿਆਜ ਨਿਵਾਸੀ ਰੇਨ ਪੁਰਾ ਜ਼ਿਲ੍ਹਾ ਲਾਤੂਰ ਮਹਾਂਰਾਸ਼ਟਰ ਦੇ ਖਿਲਾਫ਼ ਪਾਕਿਸਤਾਨ ਨੂੰ ਭਾਰਤ ਦੀ ਸੀਕਰੇਟ ਇਨਫਰਮੇਸ਼ਨ ਭੇਜਣ ਦੇ ਦੋਸ਼ ਵਿਚ ਆਫਿਸ਼ੀਅਲ ਸੀਕਰੇਟ ਐਕਟ 1923 ਅਤੇ ਨੈਸ਼ਨਲ ਸਿਕਓਰਿਟੀ ਐਕਟ 1980 ਦੇ ਤਹਿਤ ਮੁਕੱਦਮਾ ਦਰਜ ਕੀਤਾ ਹੈ।
ਉਕਤ ਜਾਣਕਾਰੀ ਦਿੰਦੇ ਹੋਏ ਇਨਸਪੈਕਟਰ ਰੰਜੀਤ ਸਿੰਘ ਨੇ ਦੱਸਿਆ ਕਿ ਬੀ.ਐਸ.ਐਫ. ਦੇ ਜਵਾਨ ਕੋਲੋਂ 2 ਮੋਬਾਇਲ ਫ਼ੋਨ ਅਤੇ 7 ਮੋਬਾਇਲ ਸਿਮ ਬਰਾਮਦ ਕੀਤੇ ਗਏ ਹਨ। ਪੁਲਿਸ ਵਲੋਂ ਪੁੱਛਗਿਛ ਕੀਤੀ ਜਾ ਰਹੀ ਹੈl ਉਨ੍ਹਾਂ ਨੇ ਦੱਸਿਆ ਕਿ ਪੁਲਿਸ ਨੂੰ ਲਿਖਤੀ ਸ਼ਿਕਾਇਤ ਦਿੰਦੇ ਹੋਏ ਸ਼ਿਕਾਇਤ ਕਰਤਾ ਡਿਪਟੀ ਕਮਾਂਡੈਂਟ ਨੇ ਦੋਸ਼ ਲਗਾਇਆ ਸੀ ਕਿ ਸ਼ੇਖ ਰਿਆਜ ਊ ਦੀਨ ਬੀ.ਐਸ.ਐਫ. ਵਿਚ ਸਿਪਾਹੀ ਹੈ ਅਤੇ ਆਪਰੇਟਰ ਦੀ ਡਿਊਟੀ ਨਿਭਾ ਰਿਹਾ ਹੈ।
BSF ਸ਼ਿਕਾਇਤ ਦੇ ਅਨੁਸਾਰ ਸ਼ੇਖ ਰਿਆਜੁਦੀਨ ਨੇ ਮਮਦੋਟ ਫਿਰੋਜ਼ਪੁਰ ਸੀਕਰੇਟ ਅਤੇ ਕਲਾਸੀਫਾਇਡ ਬੀਐਸਐਫ ਆਰਗਨਾਇਜ਼ੇਸ਼ਨ ਸਬੰਧੀ ਭਾਰਤ ਦੇ ਗੁਆਂਢੀ ਮੁਲਕ ਪਾਕਿਸਤਾਨ ਨੂੰ ਸੀਕਰੇਟ ਸੂਚਨਾਵਾਂ ਅਤੇ ਸਰਹੱਦ ਦੀ ਫੇਂਸਿੰਗ ਤਾਰ, ਸੜਕਾਂ ਦੀ ਫੁਟੇਜ, ਯੂਨਿਟ ਦੇ ਅਧਿਕਾਰੀਆਂ ਦੇ ਕਾਂਟੈਕਟ ਨੰਬਰ ਸੋਸ਼ਲ ਮੀਡੀਆ, ਫੇਸਬੁਕ ਅਤੇ ਮੈਸੈਂਜਰ ਦੁਆਰਾ ਮੋਬਾਇਲ ਫ਼ੋਨ ਨਾਲ ਪਾਕਿਸਤਾਨ ਇੰਟੈਲੀਜੈਂਸ ਆਪਰੇਟਿਵ ਦੇ ਮਿਰਜੇ ਫੈਸਲ ਨੂੰ ਪਾਕਿਸਤਾਨ ਵਿਚ ਭੇਜਦਾ ਰਿਹਾ ਹੈ।
ਇਸ ਸੰਗੀਨ ਜ਼ੁਰਮ ਨੂੰ ਵੇਖਦੇ ਹੋਏ ਮਮਦੋਟ ਪੁਲਿਸ ਨੇ ਨਾਮਜ਼ਦ ਦੋਸ਼ੀ ਦੇ ਖਿਲਾਫ਼ ਮੁਕੱਦਮਾ ਦਰਜ ਕਰਦੇ ਹੋਏ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ ਅਤੇ ਉਸ ਦੀ ਅਦਾਲਤ ਤੋਂ ਪੁਲਿਸ ਰਿਮਾਂਡ ਲੈ ਕੇ ਪੁੱਛਗਿਛ ਕੀਤੀ ਜਾਵੇਗੀ।
ਇਹ ਵੀ ਪੜ੍ਹੋ : ਕਸ਼ਮੀਰ ਵਿਚ ਅਤਿਵਾਦੀਆਂ ਨੂੰ ਘੁਸਪੈਠ ਕਰਾਉਣ ਦੀ ਅਸਫਲ ਕੋਸ਼ਿਸ਼ ਦੇ ਨਾਲ ਹੀ ਪਾਕਿਸਤਾਨ ਦੀ ਖੂਫ਼ੀਆ ਏਜੰਸੀ ਆਈ.ਐਸ.ਆਈ ਅਤਿਵਾਦੀਆਂ ਨੂੰ ਸਮੁੰਦਰੀ ਹਮਲੇ ਦੀ ਟ੍ਰੇਨਿੰਗ ਵੀ ਦੇ ਰਹੀ ਹੈ। ਅਧਿਕਾਰੀਆਂ ਨੂੰ ਮਿਲੀ ਸਪੈਸਿਫਿਕ ਇਨਪੁਟ ਦੇ ਮੁਤਾਬਕ ਪਾਕਿਸਤਾਨ ਦੀ ਆਈ.ਐਸ.ਆਈ ਅਤਿਵਾਦੀਆਂ ਅਤੇ ਪਾਕਿਸਤਾਨੀ ਘੁਸਪੈਠੀਆਂ ਨੂੰ ਸਵਿਮਿੰਗ ਅਤੇ ਡੀਪ ਡਾਇਵਿੰਗ ਦੀ ਟ੍ਰੇਨਿੰਗ ਦੇ ਰਹੀ ਹੈ ਅਤੇ ਨਾਲ ਹੀ ਕਸ਼ਮੀਰ ਵਿਚ ਅਤਿਵਾਦੀ ਸੁਰੱਖਿਆ ਬਲਾਂ ਨੂੰ ਨਿਸ਼ਾਨਾ ਬਣਾਉਦੇਂ ਹੋਏ ਆਈ.ਈ.ਡੀ ਬਲਾਸਟ ਕਰ ਸਕਦੇ ਹਨ।
