ਹੈਕਰਾਂ ਨੇ ਕੁਝ ਲੋਕਾਂ ਤੋਂ ਮੰਗੇ ਪੈਸੇ, ਵਿਧਾਇਕ ਨੇ ਪੁਲਿਸ ਕੋਲ ਦਰਜ ਕਰਵਾਈ ਸ਼ਿਕਾਇਤ
ਚੰਡੀਗੜ੍ਹ : ਸ਼ੋਸ਼ਲ ਮੀਡੀਆ ਉਪਰ ਹੈਕਰ ਲਗਾਤਾਰ ਭਾਰੂ ਪੈ ਰਹੇ ਹਨ। ਹੁਣ ਖੰਨਾ ਤੋਂ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਤਰੁਨਪ੍ਰੀਤ ਸਿੰਘ ਸੌਂਦ ਦੀ ਫ਼ੇਸਬੁੱਕ ਆਈ.ਡੀ. ਹੈਕ ਕਰ ਲਈ ਗਈ।
ਜਾਣਕਾਰੀ ਅਨੁਸਾਰ ਹੈਕਰ ਨੇ ਆਈ.ਡੀ. ਹੈਕ ਕਰਨ ਮਗਰੋਂ ਵਿਧਾਇਕ ਦੀ ਆਈਡੀ ਤੋਂ ਕੁੱਝ ਲੋਕਾਂ ਕੋਲੋਂ ਪੈਸੇ ਵੀ ਮੰਗੇ। ਜਿਵੇਂ ਹੀ ਵਿਧਾਇਕ ਨੂੰ ਇਸ ਬਾਰੇ ਪਤਾ ਲੱਗਿਆ ਤਾਂ ਉਨ੍ਹਾਂ ਨੇ ਆਪਣੇ ਫ਼ੇਸਬੁੱਕ ਪੇਜ ਤੋਂ ਆਈ.ਡੀ. ਹੈਕ ਹੋਣ ਦੀ ਜਾਣਕਾਰੀ ਸਾਂਝੀ ਕੀਤੀ।
ਇਸ ਦੇ ਨਾਲ ਹੀ ਵਿਧਾਇਕ ਨੇ ਇਸ ਮਾਮਲੇ ਬਾਰੇ ਪੁਲਿਸ ਕੋਲ ਸ਼ਿਕਾਇਤ ਵੀ ਦਰਜ ਕਰਵਾ ਦਿੱਤੀ ਗਈ। ਉਨ੍ਹਾਂ ਨੇ ਪ੍ਰਸ਼ਾਸਨ ਨੂੰ ਅਪੀਲ ਕੀਤੀ ਹੈ ਕਿ ਅਜਿਹੇ ਸ਼ਰਾਰਤੀ ਅਨਸਰਾਂ 'ਤੇ ਜਲਦ ਹੀ ਕਾਬੂ ਪਾਇਆ ਜਾਵੇ।