ਵਿਆਹ ਤੋਂ ਬਾਅਦ ਪੰਜਾਬੀ ਮੁਟਿਆਰ 25 ਲੱਖ ਦੀ ਠੱਗੀ ਮਾਰ ਹੋਈ ਕੈਨੇਡਾ ਫਰਾਰ, ਮਾਮਲਾ ਦਰਜ
Published : Jun 7, 2019, 8:20 pm IST
Updated : Jun 7, 2019, 8:21 pm IST
SHARE ARTICLE
Canada
Canada

ਲੜਕੀ ਨੇ ਪਹਿਲਾਂ ਵਿਆਹ ਕਰਵਾਇਆ ਅਤੇ ਉਸ ਤੋਂ ਬਾਅਦ ਕੈਨੇਡਾ ਵਿਚ ਸਟੱਡੀ ਕਰਨ...

ਖਰੜ: ਲੜਕੀ ਨੇ ਪਹਿਲਾਂ ਵਿਆਹ ਕਰਵਾਇਆ ਅਤੇ ਉਸ ਤੋਂ ਬਾਅਦ ਕੈਨੇਡਾ ਵਿਚ ਸਟੱਡੀ ਕਰਨ ਦੀ ਜਿੱਦ ਦੇ ਚਲਦੇ ਅਪਣੇ ਪਤੀ ਕੋਲੋਂ 25 ਲੱਖ ਰੁਪਏ ਠੱਗ ਲਏ। ਉਸ ਤੋਂ ਬਾਅਦ ਪਤੀ ਨੂੰ ਬਗੈਰ ਦੱਸੇ ਕੈਨੇਡਾ ਚਲੀ ਗਈ। ਇਸ ਸਬੰਧ ਵਿਚ ਖਰੜ ਸਦਰ ਪੁਲਿਸ ਨੇ ਗੁਰਪ੍ਰੀਤ ਸਿੰਘ ਦੀ ਸ਼ਿਕਾਇਤ 'ਤੇ ਸੁਖਵਿੰਦਰ ਸਿੰਘ, ਮਨਿੰਦਰ ਕੌਰ, ਸਹੁਰਾ ਜਗਤਾਰ ਸਿੰਘ, ਸੱਸ ਸੁਰਿੰਦਰ ਕੌਰ ਅਤੇ ਸਾਲੇ ਇੰਦਰਜੀਤ ਸਿੰਘ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ। ਮੁਲਜ਼ਮਾਂ ਨੇ ਕਰੀਬ 25 ਲੱਖ ਰੁਪਏ ਦੀ ਧੋਖਾਧੜੀ ਕੀਤੀ ਹੈ। ਪੀੜਤ ਨੇ ਦੱਸਿਆ ਕਿ ਉਸ ਦਾ ਵਿਆਹ ਮਨਿੰਦਰ ਕੌਰ ਦੇ ਨਾਲ ਗੁਰਦੁਆਰਾ ਸਿੰਘ ਸ਼ਹੀਦਾਂ, ਪਿੰਡ ਦੁਬਾਲੀ ਵਿਚ 6 ਮਈ 2018 ਨੂੰ ਹੋਇਆ ਸੀ। ਮਨਿੰਦਰ ਕੌਰ ਨੇ ਉਸ ਨੂੰ ਕਿਹਾ ਸੀ ਕਿ ਉਹ ਵਿਆਹ ਤੋਂ ਬਾਅਦ ਕੈਨੇਡਾ ਜਾਵੇਗੀ।

Canada will apply new immigration ruleCanada 

ਜਿਸ ਦੇ ਚਲਦਿਆਂ ਉਸ ਨੇ ਆਈਲੈਟਸ ਦਾ ਪੇਪਰ ਪਾਸ ਕੀਤਾ। ਉਹ ਕੈਨੇਡਾ ਦੇ ਕਾਲਜ ਵਿਚ ਪੜ੍ਹਨ ਜਾਵੇਗੀ। ਵਿਆਹ ਦੇ ਤੁਰੰਤ ਬਾਅਦ ਮਨਿੰਦਰ ਕੋਰ ਨੇ  14-5-2018 ਨੂੰ ਉਸ ਕੋਲੋਂ ਕੁੱਲ 11 ਲੱਖ 10 ਹਜ਼ਾਰ  500 ਰੁਪਏ ਲਏ। ਮਨਿੰਦਰ ਕੌਰ ਦੇ ਅਕਾਊਂਟ ਵਿਚ 7 ਅਗਸਤ 2018 ਨੂੰ 1 ਲੱਖ 42 ਹਜ਼ਾਰ ਰੁਪਏ ਖ਼ਰਚੇ ਦੇ ਲਈ ਟਰਾਂਸਫਰ ਕੀਤੇ ਗਏ। ਇਸ ਖ਼ਰਚੇ ਤੋਂ ਇਲਾਵਾ 6 ਲੱਖ ਦੇ ਕਰੀਬ ਰੁਪਏ ਨਕਦ ਵੀ ਉਸ ਨੇ ਮਨਿੰਦਰ ਕੌਰ ਨੂੰ ਦਿੱਤੇ। ਵਿਆਹ ਤੋਂ ਬਾਅਦ ਮਨਿੰਦਰ ਕੋਰ ਉਸ ਦੇ ਨਾਲ ਸਿਰਫ ਇੱਕ ਹਫਤਾ ਹੀ ਰਹੀ। ਜਿਸ ਤੋਂ ਬਾਅਦ ਉਹ ਅਪਣੇ ਪੇਕੇ ਮਾਪਿਆਂ ਦੇ ਕੋਲ ਚਲੀ ਗਈ ਅਤੇ ਆਈਲੈਟਸ ਦੀ ਤਿਆਰੀ ਕਰਨ ਲੱਗੀ। ਵੀਕਐਂਡ ਵਿਚ ਛੁੱਟੀ ਵਾਲੇ ਦਿਨ ਹੀ ਸਹੁਰੇ ਆਉਂਦੀ ਸੀ।

CanadaCanada

ਸਤੰਬਰ 2018 ਨੂੰ ਉਸ ਨੂੰ ਸੂਚਨਾ ਮਿਲੀ ਕਿ ਮਨਿੰਦਰ ਕੌਰ ਦਾ ਵੀਜ਼ਾ ਐਪਲੀਕੇਸ਼ਨ ਰਿਜੈਕਟ ਹੋ ਗਿਆ। ਹੁਣ ਉਹ ਮੁੜ ਆਈਲੈਟਸ ਦਾ ਪੇਪਰ ਦੇਣ ਵਾਲੀ ਹੈ ਜਦ ਉਸ ਨੇ ਮਨਿੰਦਰ ਕੋਲੋਂ ਇਸ ਬਾਰੇ ਪੁਛਿਆ ਤਾਂ ਉਹ ਬਹਾਨੇ ਬਾਜ਼ੀ ਕਰਨ ਲੱਗੀ। ਅਕਤੂਬਰ 2018 ਵਿਚ ਮਨਿੰਦਰ ਕੌਰ ਉਸ ਦੇ ਕੋਲ ਆਈ ਅਤੇ ਕਹਿਣ ਲੱਗੀ ਕਿ ਉਹ  ਅਪਣੇ ਕਿਸੇ ਰਿਸ਼ਤੇਦਾਰ ਦੇ ਘਰ ਵਿਆਹ ਵਿਚ ਜਾਣਾ ਚਾਹੁੰਦੀ ਹੈ। ਜਿਸ ਦੇ ਲਈ ਗਹਿਣਿਆਂ ਦੀ ਜ਼ਰੂਰਤ ਹੈ। ਉਹ ਅਪਣੇ ਸਾਰੇ ਗਹਿਣੇ ਅਤੇ ਉਸ ਦੇ ਘਰ ਤੋਂ ਲੈ ਗਈ ਜਿਨ੍ਹਾਂ ਦੀ ਕੀਮਤ ਸਾਢੇ 3 ਲੱਖ ਸੀ। ਉਸ ਦੀ ਮਾਂ ਦੇ ਕਰੀਬ ਸਾਢੇ 3 ਲੱਖ ਦੇ ਗਹਿਣੇ ਵੀ ਮਨਿੰਦਰ ਅਪਣੇ ਨਾਲ ਲੈ ਗਈ। ਜਿਸ ਤੋਂ ਬਾਅਦ ਉਹ ਮੁੜ ਕਦੇ ਉਸ ਦੇ ਨਾਲ ਨਹੀਂ ਰਹੀ। ਜਦ ਵੀ ਉਹ ਮਨਿੰਦਰ ਨਾਲ ਗੱਲ ਕਰਨ ਦੀ ਕੋਸ਼ਿਸ਼ ਕਰਦਾ ਤਾਂ ਬਹਾਨੇਬਾਜ਼ੀ ਕਰਦੀ।

MarriageMarriage

27 ਮਾਰਚ 2019 ਨੂੰ ਉਹ ਅਪਣੇ ਪਿਤਾ ਦੇ ਨਾਲ ਮਨਿੰਦਰ ਕੌਰ ਦੇ ਘਰ ਗਿਆ। ਜਿੱਥੇ ਮਨਿੰਦਰ ਦੇ ਘਰ ਵਾਲੇ ਮਿਲੇ ਅਤੇ ਕਿਹਾ ਕਿ ਮਨਿੰਦਰ ਨੂੰ ਵਾਪਸ ਭੇਜ ਦਿਓ। ਮਨਿੰਦਰ ਦੇ ਪਿਤਾ ਜਗਤਾਰ ਸਿੰਘ ਨੇ ਉਸ ਨਾਲ ਵਾਅਦਾ ਕੀਤਾ ਕਿ ਮਨਿੰਦਰ 15 ਦਿਨ ਵਿਚ ਵਾਪਸ ਸਹੁਰੇ ਆ ਜਾਵੇਗੀ। ਲੇਕਿਨ ਉਸ ਤੋਂ ਬਾਅਦ ਮਨਿੰਦਰ ਕੌਰ ਨੇ ਉਸ ਦਾ ਫੋਨ ਵੀ ਚੁੱਕਣਾ ਬੰਦ ਕਰ ਦਿੱਤਾ। ਇਸ ਤੋਂ ਬਾਅਦ ਬਗੈਰ ਦੱਸੇ ਕੈਨੇਡਾ ਚਲੀ ਗਈ। ਉਸ ਨੇ ਦੋਸ਼ ਲਾਇਆ ਕਿ ਮਨਿੰਦਰ ਕੌਰ ਨੇ ਵਿਦੇਸ਼ ਜਾਣ ਦੇ ਲਈ ਅਪਣਾ ਖ਼ਰਚਾ ਕੱਢਣ ਲਈ ਉਸ ਦੇ ਨਾਲ ਵਿਆਹ ਕੀਤਾ ਅਤੇ ਧੋਖੇ ਨਾਲ ਉਸ ਕੋਲੋਂ ਰੁਪਏ ਅਤੇ ਗਹਿਣੇ ਲੈ ਕੇ ਚਲੀ ਗਈ। ਇਸ ਧੋਖਾਧੜੀ ਵਿਚ ਮਨਿੰਦਰ ਕੌਰ ਦੇ ਘਰ ਵਾਲੇ ਵੀ ਸ਼ਾਮਲ ਹਨ। ਪੁਲਿਸ ਨੇ ਜਾਂਚ ਤੋਂ ਬਾਅਦ ਪਤਨੀ ਮਨਿੰਦਰ ਕੌਰ, ਉਸ ਦੇ ਮਾਤਾ ਪਿਤਾ ਅਤੇ ਹੋਰਾਂ ਖ਼ਿਲਾਫ਼ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ।

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

Mohali ਦੇ Pind 'ਚ ਹਾਲੇ ਗਲੀਆਂ ਤੇ ਛੱਪੜਾਂ ਦੇ ਮਸਲੇ ਹੱਲ ਨਹੀਂ ਹੋਏ, ਜਾਤ-ਪਾਤ ਦੇਖ ਕੇ ਹੁੰਦੇ ਸਾਰੇ ਕੰਮ !

29 Mar 2024 11:58 AM

'ਚੋਰ ਵੀ ਕਹਿੰਦਾ ਮੈਂ ਚੋਰੀ ਨਹੀਂ ਕੀਤੀ, ਜੇ Kejriwal ਬੇਕਸੂਰ ਨੇ ਤਾਂ ਸਬੂਤ ਪੇਸ਼ ਕਰਨ'

29 Mar 2024 11:53 AM

Punjab-Delhi 'ਚ ਤੋੜੇਗੀ BJP GOVT ! ਕੌਰ ਗਰੁੱਪ ਦੀ ਮੀਟਿੰਗ ਤੋਂ ਪਹਿਲਾ ਬੋਲਿਆ ਆਗੂ, ਕੋਈ ਸਾਡੇ ਕੋਲ ਆਉਂਦਾ ਹੈ...

29 Mar 2024 11:34 AM

Mukhtar Ansari ਦੀ ਹੋਈ ਮੌਤ, Jail 'ਚ ਪਿਆ ਦਿਲ ਦਾ ਦੌਰਾ, UP ਦੇ ਕਈ ਜ਼ਿਲ੍ਹਿਆਂ 'ਚ High Alert

29 Mar 2024 9:33 AM

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM
Advertisement