ਰੋਪੜ ਪੁਲਿਸ ਵਲੋਂ ਉੱਤਰੀ ਭਾਰਤ ਦਾ ਅਤਿ ਲੋੜੀਂਦਾ ਗੈਂਗਸਟਰ ਗ੍ਰਿਫ਼ਤਾਰ
Published : Jun 10, 2019, 8:51 pm IST
Updated : Jun 10, 2019, 8:51 pm IST
SHARE ARTICLE
Ropar Police nabs north India's most wanted
Ropar Police nabs north India's most wanted

ਅਕਸ਼ੇ ਪਹਿਲਵਾਨ 15 ਕਤਲ ਕੇਸਾਂ ਅਤੇ 20 ਹਾਈਵੇਅ ਡਕੈਤੀਆਂ ਵਿਚ ਸੀ ਲੋੜੀਂਦਾ

ਰੋਪੜ: ਰੋਪੜ ਪੁਲਿਸ ਨੇ ਇਕ ਹੋਰ ਵੱਡੀ ਸਫ਼ਲਤਾ ਦਰਜ ਕਰਦਿਆਂ ਨੂਰਪੁਰਬੇਦੀ ਖੇਤਰ ਵਿਚ ਦੋਹਾਂ ਪਾਸੇ ਹੋਈ ਗੋਲੀਬਾਰੀ ਤੋਂ ਬਾਅਦ ਅਕਸ਼ੇ ਪਹਿਲਵਾਨ ਉਰਫ ਕਾਲੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਉਸ ਦੇ ਪਿਸਤੌਲ ਦੀਆਂ ਗੋਲੀਆਂ ਖ਼ਤਮ ਹੋ ਜਾਣ ਬਾਅਦ ਸੀ.ਏ.ਆਈ. ਅਤੇ ਸਥਾਨਕ ਪੁਲਿਸ ਦੀਆਂ ਟੀਮਾਂ ਨੇ ਉਸ ਨੂੰ ਦਬੋਚ ਲਿਆ। 19 ਸਾਲਾ ਅਕਸ਼ੇ ਚੰਡੀਗੜ੍ਹ, ਹਰਿਆਣਾ, ਦਿੱਲੀ ਅਤੇ ਰਾਜਸਥਾਨ ਵਿਚ ਘਿਨਾਉਣੇ ਕਤਲ ਦੇ ਮਾਮਲਿਆਂ ਵਿਚ ਲੋੜੀਂਦਾ ਸੀ।

ArrestedArrested

ਸਤੰਬਰ, 2015 ਵਿਚ ਉਸ ਨੂੰ ਸੋਨੀਪਤ ਵਿਖੇ 3 ਘਿਨਾਉਣੇ ਕਤਲ ਦੇ ਮਾਮਲਿਆਂ ਵਿਚ 18 ਮਹੀਨੇ ਦੀ ਜੇਲ੍ਹ ਹੋਈ। ਨਾਬਾਲਗ ਹੋਣ ਕਾਰਨ ਉਹ 2017 ਤੋਂ ਜਮਾਨਤ ’ਤੇ ਬਾਹਰ ਸੀ। ਇਕ ਵਾਰ ਜੇਲ੍ਹ ਤੋਂ ਬਾਹਰ ਆਉਣ ਤੋਂ ਬਾਅਦ ਉਹ ਦਿੱਲੀ ਅਧਾਰਤ ਗੈਂਗਸਟਰ ਰਾਜੂ ਬਿਸੌਦੀ ਜੋ ਕਿ ਸੋਨੀਪਤ ਦਾ ਰਹਿਣ ਵਾਲਾ ਹੈ ਦੇ ਸੰਪਰਕ ਵਿਚ ਆਇਆ। ਇੱਥੇ ਉਹ 3 ਕਤਲ ਕੇਸਾਂ, ਲੁੱਟ ਅਤੇ ਜਬਰਨ ਵਸੂਲੀ ਦੇ ਮਾਮਲਿਆਂ ਵਿਚ ਸ਼ਾਮਲ ਹੋਇਆ। ਉਸ ਨੇ ਹਰਿਆਣਾ ਅਤੇ ਪੱਛਮੀ ਉੱਤਰ ਪ੍ਰਦੇਸ਼ ਵਿਚ ਪਸ਼ੂ ਤਸਕਰੀ ਦਾ ਸੰਸਥਾਗਤ ਰੈਕੇਟ ਚਲਾਇਆ।

ਪਿਛਲੇ 2 ਸਾਲਾਂ ਦੌਰਾਨ ਉਹ ਲਾਰੈਂਸ ਬਿਸ਼ਨੋਈ (ਕੈਦੀ ਗੈਂਗਸਟਰ) ਦੇ ਸੰਪਰਕ ਵਿਚ ਵੀ ਆਇਆ। ਇਸ ਗਰੁੱਪ ਦੇ ਮੈਂਬਰਾਂ ਨਾਲ ਮਿਲ ਕੇ ਉਸ ਨੇ 4 ਕਤਲ ਅਤੇ 6 ਹਾਈਵੇਅ ਡਕੈਤੀਆਂ ਨੂੰ ਅੰਜ਼ਾਮ ਦਿਤਾ। ਮਾਰਚ 2017 ਵਿਚ ਜੇਲ੍ਹ ਵਿਚੋਂ ਰਿਹਾਅ ਹੋਣ ਤੋਂ ਬਾਅਦ ਉਸ ਨੇ ਕਰੀਬ 10 ਹਾਈਵੇਅ ਡਕੈਤੀਆਂ ਕੀਤੀਆਂ ਅਤੇ ਤਕਰੀਬਨ 50 ਲੱਖ ਰੁਪਏ ਲੁੱਟੇ। ਸਤੰਬਰ 2015 ਵਿਚ ਉਸ ਨੇ ਕੰਦਲੀ ਸੋਨੀਪਤ ਦੀ ਮਾਰਕੀਟ ਦੀ ਭੀੜ ਵਿਚ ਪਿਓ, ਪੁੱਤਰ ਨੂੰ ਗੋਲੀ ਮਾਰ ਦਿਤੀ।

ਜਨਵਰੀ 2018 ਵਿਚ ਆਪਣੇ ਗਰੁੱਪ ਮੈਂਬਰਾਂ ਨਾਲ ਉਸ ਨੇ ਜੇ.ਐਮ.ਆਈ.ਸੀ, ਰਾਜਗੜ੍ਹ, ਚੁਰੂ (ਰਾਜਸਥਾਨ) ਦੀ ਅਦਾਲਤ ਵਿਚ 2 ਵਿਅਕਤੀਆਂ ਨੂੰ ਗੋਲੀ ਮਾਰ ਦਿੱਤੀ। ਬਾਅਦ ਵਿੱਚ ਜੂਨ, 2018 ਵਿੱਚ ਜੌਰਡਨ ਨੂੰ ਹਨੂੰਮਾਨਗੜ੍ਹ (ਰਾਜਸਥਾਨ) ਵਿਖੇ ਜਿੰਮ ਵਿੱਚ ਮੌਤ ਦੇ ਘਾਟ ਉਤਾਰ ਦਿਤਾ। ਇਸ ਗੈਂਗ ਦੇ ਸ਼ੋਸ਼ਲ ਮੀਡੀਆ ਅਕਾਊਂਅ ਇਨ੍ਹਾਂ ਦੇ ਕੈਨੇਡਾ ਅਧਾਰਤ ਪੁਰਾਣੇ ਸਾਥੀ ਦੁਆਰਾ ਚਲਾਏ ਜਾ ਰਹੇ ਹਨ। ਜਾਂਚ ਤੋਂ ਹੋਏ ਖੁਲਾਸਿਆਂ ਅਨੁਸਾਰ ਇਨ੍ਹਾਂ ਦੇ ਕੁਝ ਸਾਥੀ ਜਾਅਲੀ ਪਾਸਪੋਰਟਾਂ ਅਤੇ ਦਸਤਾਵੇਜਾਂ ਜ਼ਰੀਏ ਦੇਸ਼ ਤੋਂ ਬਾਹਰ ਚਲੇ ਗਏ ਹਨ।

ArrestedArrested

ਇਹ ਪਤਾ ਲਗਾਇਆ ਗਿਆ ਹੈ ਕਿ ਕਤਲ ਦੇ ਸਾਰੇ ਮਾਮਲਿਆਂ ਦੇ ਪਿੱਛੇ ਦਾ ਕਾਰਨ ਸੁਪਾਰੀ ਜਾਂ ਵਿਰੋਧੀ ਗਰੁੱਪਾਂ ਦਰਮਿਆਨ ਆਪਸੀ ਦੁਸ਼ਮਣੀ ਹੈ। ਮਨੋਵਿਗਿਆਨ ਅਤੇ ਹੋਰ ਤੱਥਾਂ ਤੋਂ ਮਿਲੀ ਜਾਣਕਾਰੀ ਤੋਂ ਇਹ ਖੁਲਾਸਾ ਹੁੰਦਾ ਹੈ ਕਿ ਉਕਤ ਮੁਲਜ਼ਮ ਕਤਲ ਕਰਨ ਅਤੇ ਜ਼ਿਆਦਾ ਗੋਲੀਆਂ ਦਾਗਣ ਵਿੱਚ ਮਾਣ ਮਹਿਸੂਸ ਕਰਦੇ ਹਨ। ਰੋਪੜ ਦੇ ਐਸ.ਐਸ.ਪੀ. ਸਵਪਨ ਸ਼ਰਮਾ ਨੇ ਦੱਸਿਆ, ''ਅਕਸ਼ੇ ਪੁਰਾਣੀ ਰੰਜਿਸ਼ ਦੇ ਚਲਦਿਆਂ ਸੋਨੀਪਤ ਵਿੱਚ ਇੱਕ ਵਿਅਕਤੀ ਨੂੰ ਮਾਰਨ ਦੀ ਯੋਜਨਾ ਘੜ ਰਿਹਾ ਸੀ।

ਉਹ ਰੋਪੜ ਜ਼ਿਲ੍ਹੇ ਦੇ ਨੂਰਪੁਰਬੇਦੀ ਖੇਤਰ ਵਿੱਚ ਹਥਿਆਰਾਂ ਅਤੇ ਹੋਰ ਸਹਾਇਤਾ ਲਈ ਗਿਆ। ਉਸ ਪਾਸੋਂ 32 ਬੋਰ ਦੇ 3 ਪਿਸਤੌਲ ਅਤੇ ਗੋਲੀ ਸਿੱਕਾ ਬਰਾਮਦ ਕੀਤਾ ਗਿਆ ਹੈ।'' ਪਿਛਲੇ 10 ਮਹੀਨਿਆਂ ਦੌਰਾਨ, ਰੋਪੜ ਪੁਲਿਸ ਵਲੋਂ 9 ਗੈਂਗਸਟਰ ਫੜ੍ਹੇ ਗਏ ਹਨ। ਇਨ੍ਹਾਂ ਵਿਚ ਖਾਸ ਏਰੀਏ ਨਾਲ ਸਬੰਧਤ ਗੈਂਗਸਟਰ ਅਤੇ ਖੰਨਾ, ਫਤਿਹਗੜ੍ਹ ਸਾਹਿਬ, ਤਰਨ ਤਾਰਨ ਅਤੇ ਨੰਦੇੜ੍ਹ (ਮਹਾਰਾਸ਼ਟਰ) ਦੇ ਸ਼ਰਪ ਸ਼ੂਟਰ ਸ਼ਾਮਲ ਹਨ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Nepal, Bangladesh, Sri Lanka ਚ ਤਖ਼ਤਾ ਪਲਟ ਤੋਂ ਬਾਅਦ ਅਗਲਾ ਨੰਬਰ ਕਿਸ ਦਾ? Nepal Gen-Z protests | Corruption

17 Sep 2025 3:21 PM

Kapurthala migrant grabs sikh beard : Parvasi ਦਾ Sardar ਨਾਲ ਪੈ ਗਿਆ ਪੰਗਾ | Sikh Fight With migrant

17 Sep 2025 3:21 PM

Advocate Sunil Mallan Statement on Leaders and Migrants: ਲੀਡਰਾਂ ਨੇ ਸਾਰੇ ਪ੍ਰਵਾਸੀਆਂ ਦੀਆਂ ਬਣਵਾਈਆਂ ਵੋਟਾਂ

15 Sep 2025 3:01 PM

Sukhjinder Randhawa Interview On Rahul Gandhi Punjab'S Visit In Dera Baba nanak Gurdaspur|News Live

15 Sep 2025 3:00 PM

"100 ਰੁਪਏ ਲੁੱਟ ਕੇ 2 ਰੁਪਏ ਦੇ ਕੇ ਆਖੇ ਮੈਂ ਵੱਡਾ ਦਾਨੀ, Sukhbir Badal ਨੂੰ ਸਿੱਧੇ ਹੋਏ Gurdeep Brar | SGPC

13 Sep 2025 1:07 PM
Advertisement