ਅਦਾਲਤ ਨੇ ਸੁਣਵਾਈ ਦੀ ਅਗਲੀ ਤਰੀਕ 2 ਜੁਲਾਈ ਤੈਅ ਕੀਤੀ ਹੈ
Ram Rahim Parole News in Punjabi ਚੰਡੀਗੜ੍ਹ - ਡੇਰਾ ਸੱਚਾ ਸੌਦਾ ਦੇ ਮੁਖੀ ਬਲਾਤਕਾਰੀ ਸੌਦਾ ਸਾਧ ਨੇ ਪੰਜਾਬ-ਹਰਿਆਣਾ ਹਾਈ ਕੋਰਟ 'ਚ ਇਕ ਵਾਰ ਫਿਰ 21 ਦਿਨਾਂ ਦੀ ਪੈਰੋਲ ਦੀ ਮੰਗ ਕੀਤੀ ਹੈ। ਉਸ ਨੇ ਇਸ ਬਾਰੇ ਹਾਈ ਕੋਰਟ ਵਿਚ ਅਰਜ਼ੀ ਦਾਇਰ ਕੀਤੀ ਹੈ। ਰਾਮ ਰਹੀਮ ਨੇ ਆਪਣੀ ਫਰਲੋ ਪਟੀਸ਼ਨ 'ਚ ਕਿਹਾ ਕਿ ਇਸ ਮਹੀਨੇ ਡੇਰਾ ਸੱਚਾ ਸੌਦਾ ਦਾ ਪ੍ਰੋਗਰਾਮ ਹੈ, ਜਿਸ 'ਚ ਉਸ ਨੂੰ ਸ਼ਾਮਲ ਹੋਣਾ ਹੈ।
ਇਸ ਦੇ ਜਵਾਬ 'ਚ ਹਾਈ ਕੋਰਟ ਨੇ ਉਨ੍ਹਾਂ ਨੂੰ ਪ੍ਰੋਗਰਾਮ ਮੁਲਤਵੀ ਕਰਨ ਲਈ ਕਿਹਾ ਹੈ। ਹਾਈ ਕੋਰਟ ਨੇ ਵੀ ਗੁੱਸੇ ਭਰੇ ਲਹਿਜੇ 'ਚ ਕਿਹਾ ਕਿ ਪਹਿਲਾਂ ਤੁਸੀਂ ਪ੍ਰੋਗਰਾਮ ਰੱਖ ਲੈਂਦੇ ਹੋ, ਫਿਰ ਅਦਾਲਤ ਆਉਂਦੇ ਹੋ ਅਤੇ ਪਟੀਸ਼ਨਕਰਤਾ 'ਤੇ ਇਸ 'ਚ ਸ਼ਾਮਲ ਹੋਣ ਲਈ ਦਬਾਅ ਪਾਉਂਦੇ ਹੋ। ਕਾਰਜਕਾਰੀ ਚੀਫ਼ ਜਸਟਿਸ ਦੀ ਬੈਂਚ ਹੁਣ ਇਸ ਅਰਜ਼ੀ 'ਤੇ ਜੁਲਾਈ 'ਚ ਸੁਣਵਾਈ ਕਰੇਗੀ, ਕਿਉਂਕਿ ਇਹ ਮਾਮਲਾ ਉਸੇ ਬੈਂਚ 'ਚ ਚੱਲ ਰਿਹਾ ਹੈ।
ਅਦਾਲਤ ਨੇ ਇਸ 'ਤੇ ਹਰਿਆਣਾ ਸਰਕਾਰ ਤੋਂ ਜਵਾਬ ਮੰਗਿਆ ਹੈ। ਅਦਾਲਤ ਨੇ ਸੁਣਵਾਈ ਦੀ ਅਗਲੀ ਤਰੀਕ 2 ਜੁਲਾਈ ਤੈਅ ਕੀਤੀ ਹੈ। ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਵੀ ਡੇਰਾ ਮੁਖੀ ਨੇ ਫਰਲੋ ਦੀ ਮੰਗ ਕੀਤੀ ਸੀ। ਉਨ੍ਹਾਂ ਕਿਹਾ ਕਿ ਮੈਂ 14 ਦਿਨਾਂ ਦੀ ਫਰਲੋ ਦਾ ਹੱਕਦਾਰ ਹਾਂ ਪਰ ਅਦਾਲਤ ਨੇ ਇਸ ਦੀ ਇਜਾਜ਼ਤ ਨਹੀਂ ਦਿੱਤੀ।
ਸੌਦਾ ਸਾਧ ਨੂੰ 3 ਸਾਲ 'ਚ ਮਿਲੀ 10 ਵਾਰ ਪੈਰੋਲ
ਪਹਿਲੀ ਵਾਰ-24 ਅਕਤਬੂਰ 2020 ਨੂੰ ਇੱਕ ਦਿਨ ਦੀ ਪੈਰੋਲ ਮਿਲੀ
ਉਸ ਵੇਲੇ ਸੌਦਾ ਸਾਧ ਬਿਮਾਰ ਮਾਂ ਨੂੰ ਮਿਲਣ ਆਇਆ ਸੀ
ਦੂਜੀ ਵਾਰ- 21 ਮਈ 2021 ਨੂੰ ਇਕ ਦਿਨ ਦੀ ਪੈਰੋਲ ਮਿਲੀ
ਫਿਰ ਤੋਂ ਸੌਦਾ ਸਾਧ ਬਿਮਾਰ ਮਾਂ ਨੂੰ ਮਿਲਣ ਆਇਆ ਸੀ
ਤੀਜੀ ਵਾਰ- 7 ਫਰਵਰੀ 2022 ਨੂੰ 21 ਦਿਨ ਦੀ ਪੈਰੋਲ
ਚੌਥੀ ਵਾਰ- ਜੂਨ 2022 'ਚ ਇੱਕ ਮਹੀਨੇ ਦੀ ਪੈਰੋਲ
ਪੰਜਵੀਂ ਵਾਰ- ਅਤਬੂਰ 2022 'ਚ 40 ਦਿਨ ਦੀ ਪੈਰੋਲ
ਛੇਂਵੀਂ ਵਾਰ- 21 ਜਨਵਰੀ 2023 ਨੂੰ 40 ਦਿਨ ਦੀ ਪੈਰੋਲ
ਸੱਤਵੀਂ ਵਾਰ- 20 ਜੁਲਾਈ 2023 ਨੂੰ 30 ਦਿਨ ਦੀ ਪੈਰੋਲ
8ਵੀਂ ਵਾਰ- 15 ਅਕਤੂਬਰ ਨੂੰ 40 ਦਿਨਾਂ ਲਈ ਪੈਰੋਲ ਮਿਲੀ
9ਵੀਂ ਵਾਰ- ਨਵੰਬਰ 2023 'ਚ 29 ਦਿਨ ਦੀ ਫਰਲੋ
10ਵੀਂ ਵਾਰ- 19 ਜਨਵਰੀ 2024 ਨੂੰ 50 ਦਿਨ ਦੀ ਪੈਰੋਲ
