ਚੰਡੀਗੜ੍ਹ ਦੇ ਸੈਕਟਰ 44 ’ਚ ਸਥਿਤ ਦਿਵਿਆ ਜਿਊਲਰੀ ਸ਼ੋਅਰੂਮ ’ਚੋਂ ਹੋਈ ਡਕੈਤੀ
ਚੰਡੀਗੜ੍ਹ: ਇੱਥੇ ਸੈਕਟਰ 44 ਤੋਂ ਕਰੋੜਾਂ ਦੀ ਡਕੈਤੀ ਹੋ ਜਾਣ ਦੀ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਦਰਅਸਲ, ਬੀਤੀ ਰਾਤ ਕੁਝ ਲੁਟੇਰੇ ਸੈਕਟਰ 44 ਸਥਿਤ ਦਿਵਿਆ ਜਿਊਲਰੀ ਸ਼ੋਅਰੂਮ ਚੋਂ ਹਥਿਆਰਾਂ ਦੀ ਨੋਕ ’ਤੇ ਲਗਭੱਗ 3 ਕਰੋੜ ਦੇ ਹੀਰੇ ਤੇ ਸੋਨਾ ਲੈ ਕੇ ਫ਼ਰਾਰ ਹੋ ਗਏ। ਇਹ ਵਾਰਦਾਤ ਉਸ ਸਮੇਂ ਹੋਈ ਜਦੋਂ ਸ਼ੋਅਰੂਮ ਦਾ ਮਾਲਕ ਅਜੇ ਸ਼ਾਪ ਦੇ ਅੰਦਰ ਹੀ ਸੀ।
Robbery Case
ਸ਼ੋਅਰੂਮ ਦੇ ਮਾਲਕ ਹਰਸ਼ ਬੇਦੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਹਥਿਆਰਾਂ ਨਾਲ ਲੈਸ ਤਿੰਨ ਲੁਟੇਰਿਆਂ ਨੇ ਉਸ ਉਤੇ ਪਿਸਤੌਲ ਤਾਣ ਦਿਤੀ ਤੇ ਉਸ ਦੇ ਹੱਥ-ਪੈਰ ਬੰਨ੍ਹ ਕੇ ਉਸ ਨੂੰ ਬੰਦੀ ਬਣਾ ਲਿਆ। ਉਸ ਤੋਂ ਬਾਅਦ ਸ਼ੋਅਰੂਮ ਵਿਚੋਂ ਲਗਭੱਗ 3 ਕਰੋੜ ਦੇ ਹੀਰੇ ਤੇ ਸੋਨਾ ਲੈ ਕੇ ਫਰਾਰ ਹੋ ਗਏ।
Robbery Case
ਲੁਟੇਰਿਆਂ ਦੇ ਜਾਣ ਮਗਰੋਂ ਸ਼ੋਅਰੂਮ ਦੇ ਮਾਲਕ ਨੇ ਰੌਲਾ ਪਾਇਆ ਤਾਂ ਲੋਕਾਂ ਨੇ ਉਸ ਦੇ ਹੱਥ ਪੈਰ ਖੋਲ੍ਹੇ ਤੇ ਤੁਰਤ ਪੁਲਿਸ ਨੂੰ ਇਸ ਬਾਰੇ ਜਾਣਕਾਰੀ ਦਿਤੀ। ਪੁਲਿਸ ਨੇ ਮੌਕੇ ’ਤੇ ਪਹੁੰਚ ਕੇ ਸ਼ੋਅਰੂਮ ਦੇ ਮਾਲਕ ਨੂੰ ਸੈਕਟਰ 32 ਹਸਪਤਾਲ ਵਿਚ ਦਾਖ਼ਲ ਕਰਵਾਇਆ ਤੇ ਇਸ ਘਟਨਾ ਦੀ ਜਾਂਚ ਸ਼ੁਰੂ ਕਰ ਦਿਤੀ।
Robbery Case
ਫ਼ਿਲਹਾਲ ਪੁਲਿਸ ਆਸ-ਪਾਸ ਦੇ ਸੀਸੀਟੀਵੀ ਕੈਮਰੇ ਚੈੱਕ ਕਰ ਰਹੀ ਹੈ। ਸ਼ੋਅਰੂਮ ਦੇ ਮਾਲਕ ਨੇ ਦੱਸਿਆ ਕਿ ਉਹ ਸ਼ੋਅਰੂਮ ਵਿਚ ਇਕੱਲਾ ਸੀ ਤੇ ਇੰਨੇ ਨੂੰ ਤਿੰਨ ਨੌਜਵਾਨ ਆਏ ਤੇ ਉਸ ਉਤੇ ਪਿਸਤੌਲ ਤਾਣ ਦਿਤਾ। ਫਿਰ ਉਸ ਦੇ ਹੱਥ ਪੈਰ ਬੰਨ੍ਹ ਕੇ ਵਾਰਦਾਤ ਨੂੰ ਅੰਜਾਮ ਦਿਤਾ।
