ਪੁੱਤਰ ਦੀ ਅਸ਼ਲੀਲ ਹਰਕਤ ਛੁਪਾਉਣ ਲਈ ਮਾਂ ਨੇ ਕੀਤਾ ਕਤਲ!
ਗੁਰਦਾਸਪੁਰ: ਇਕ ਔਰਤ ਵੱਲੋਂ ਬੇਰਹਿਮ ਨਾਲ ਕਤਲ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਨੇ ਆਪਣੇ ਪੁੱਤਰ ਦੀ ਇੱਕ ਹਰਕਤ ਛੁਪਾਉਣ ਲਈ ਕਿਸੇ ਹੋਰ ਮਾਂ ਦੇ ਪੁੱਤ ਨੂੰ ਕਤਲ ਕਰਨ ਵਿਚ ਜ਼ਰਾ ਵੀ ਤਕਲੀਫ ਮਹਿਸੂਸ ਨਹੀਂ ਕੀਤੀ।
ਇਸ ਔਰਤ ਦਾ ਨਾਮ ਸਰਬਜੀਤ ਕੌਰ ਹੈ ਅਤੇ ਇੱਕ 8 ਸਾਲਾ ਮਾਸੂਮ ਬੱਚੇ ਰਾਜਾ ਮਸੀਹ ਦੀ ਕਾਤਲ ਹੈ। ਦੱਸ ਦਈਏ ਕਿ ਡੇਰਾ ਬਾਬਾ ਨਾਨਕ ਪੁਲਿਸ ਨੇ ਸਿੰਘਪੁਰਾ ਵਿਚ ਬੱਚੇ ਦੇ ਹੋਏ ਕਤਲ ਦੀ ਗੁਥੀ ਸੁਲਝਾ ਲਈ ਹੈ। ਇਸ ਕਤਲ ਮਾਮਲੇ ਵਿਚ ਇਕ ਔਰਤ ਸਰਬਜੀਤ ਕੌਰ ਉਸ ਦੇ ਨਾਬਾਲਗ 15 ਸਾਲਾ ਲੜਕੇ ਅਤੇ ਇੱਕ ਪਾਦਰੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
ਪੁਲਿਸ ਦੇ ਦੱਸਣ ਅਨੁਸਾਰ ਸਰਬਜੀਤ ਨਾਮ ਦੀ ਇਸ ਔਰਤ ਨੇ ਆਪਣੇ 15 ਸਾਲਾ ਲੜਕੇ ਨੂੰ 8 ਸਾਲਾ ਰਾਜਾ ਮਸੀਹ ਨਾਲ ਗ਼ਲਤ ਕੰਮ ਕਰਦੇ ਹੋਏ ਦੇਖ ਲਿਆ ਸੀ ਅਤੇ ਆਪਣੇ ਲੜਕੇ ਦੀ ਇਸ ਕਰਤੂਤ ਨੂੰ ਦਬਿਆ ਰੱਖਣ ਲਈ ਉਸ ਨੇ 8 ਸਾਲਾ ਮਾਸੂਮ ਨੂੰ ਸਾਹ ਘੁੱਟ ਕੇ ਮਾਰ ਦਿੱਤਾ।
ਇੱਕ ਪਾਦਰੀ ਨੂੰ ਬਲਾਤਕਾਰ ਦਾ ਡਰਾਵਾ ਦੇ ਕੇ ਉਸ ਦੀ ਮਦਦ ਨਾਲ ਲਾਸ਼ ਨੂੰ ਖੁਰਦ ਬੁਰਦ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਇਹ ਔਰਤ ਫਿਲਹਾਲ ਆਪਣੇ ਇਸ ਘਿਨਾਉਣੇ ਕਾਰੇ ਕਾਰਨ ਪੁਲਿਸ ਦੀ ਹਿਰਾਸਤ ਵਿਚ ਹੈ। ਦੱਸ ਦਈਏ ਕਿ 8 ਸਾਲਾ ਰਾਜਾ ਮਸੀਹ ਇੱਕ ਵਿਆਹ ਵਿਚ ਗਿਆ ਸੀ ਜਿਥੋਂ ਇਹ ਲਾਪਤਾ ਹੋ ਗਿਆ ਸੀ।
ਇਸ ਤੋਂ ਬਾਅਦ ਇਸ ਦੀ ਲਾਸ਼ 4 ਦਸੰਬਰ ਨੂੰ ਸਕੂਲ ਗਰਾਉਂਡ ਵਿਚੋਂ ਮਿਲੀ ਪਰ ਫਿਲਹਾਲ ਪੁਲਿਸ ਨੇ ਇਸ ਅੰਨ੍ਹੇ ਕਤਲ ਦੀ ਗੁਥੀ ਸੁਲਝਾ ਲਈ ਹੈ ਅਤੇ ਕਤਲ ਹੁਣ ਪੁਲਿਸ ਦੀ ਹਿਰਾਸਤ ’ਚ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।