ਪੰਜਾਬ ਪੁਲਿਸ ਦੇ ਨਾਲ ਨਾਲ ਪੈਰਾਮਿਲਟਰੀ ਵੀ ਤੈਨਾਤ
ਜਲਾਲਾਬਾਦ: ਜਲਾਲਾਬਾਦ ਜ਼ਿਮਨੀ ਚੋਣਾਂ ਲਈ ਕੱਲ੍ਹ 21 ਅਕਤੂਬਰ ਨੂੰ ਵੋਟਿੰਗ ਹੋਣੀ ਹੈ। ਜਿਸ ਦੇ ਲਈ ਪ੍ਰਸ਼ਾਸਨ ਦੇ ਵੱਲੋਂ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ। ਜਲਾਲਾਬਾਦ ਵਿਧਾਨ ਸਭਾ ਹਲਕੇ ਵਿੱਚ ਕੁੱਲ 239 ਪੋਲਿੰਗ ਬੂਥ ਹਨ। ਜਿਨ੍ਹਾਂ ਦੇ ਵਿੱਚੋਂ 100 ਪਲਿੰਗ ਬੂਥ ਸੈਂਸਟਿਵ ਅਤੇ 4 ਪੋਲਿੰਗ ਬੂਥ ਮੋਸਟ ਸੈਂਸਟਿਵ ਕਰਾਰ ਦਿੱਤੇ ਗਏ ਹਨ।
Jalalabad
ਰਿਟਰਨਿੰਗ ਅਫਸਰ ਕੇਸ਼ਵ ਗੋਇਲ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਨ੍ਹਾਂ ਸਾਰੇ ਬੂਥਾਂ ਤੇ ਵੀਡੀਓਗ੍ਰਾਫੀ ਕੀਤੀ ਜਾਵੇਗੀ ਅਤੇ ਜੋ ਇੱਕ 104 ਬੂਥ ਸੈਂਸਟਿਵ ਅਤੇ ਮੋਸਟ ਸੈਂਸਟਿਵ ਕਰਾਰ ਦਿੱਤੇ ਗਏ ਹਨ। ਇਨ੍ਹਾਂ ਦੇ ਅੰਦਰ ਅਤੇ ਬਾਹਰ ਦੋਨਾਂ ਜਗ੍ਹਾ ਤੇ ਵੀਡੀਓਗ੍ਰਾਫੀ ਕੀਤੀ ਜਾਏਗੀ। ਸਵੇਰੇ 7 ਵਜੇ ਤੋਂ ਲੈ ਕੇ ਸ਼ਾਮ 6 ਵਜੇ ਤੱਕ ਪੋਲਿੰਗ ਹੋਵੇਗੀ ਜਿਸ ਦੇ ਲਈ ਟ੍ਰੇਨਿੰਗ ਉਪਰੰਤ ਟੀਮਾਂ ਨੂੰ ਪੋਲਿੰਗ ਬੂਥਾਂ ਲਈ ਰਵਾਨਾ ਕਰ ਦਿੱਤਾ ਗਿਆ ਹੈ।
Jalalabad
ਇੱਥੇ ਜ਼ਿਕਰਯੋਗ ਹੈ ਕਿ ਇਸ ਵਾਰ ਜ਼ਿਮਨੀ ਚੋਣਾਂ ਦੇ ਵਿਚ ਪੰਜਾਬ ਪੁਲਸ ਦੇ ਨਾਲ ਨਾਲ ਪੈਰਾ ਮਿਲਟਰੀ ਫੋਰਸਿਜ਼ ਨੂੰ ਵੀ ਤੈਨਾਤ ਕੀਤਾ ਗਿਆ ਹੈ ਅਤੇ ਵੀਡੀਓਗ੍ਰਾਫੀ ਵੀ ਕੀਤੀ ਜਾ ਰਹੀ ਹੈ। ਉਹਨਾਂ ਦਸਿਆ ਕਿ 239 ਬੂਥਾਂ ਤੇ ਵੈਬਕਾਸਟਿੰਗ ਹੋ ਰਹੀ ਹੈ। ਬਾਕੀ 104 ਬੂਥਾਂ ਤੇ ਵੀ ਬਾਹਰ ਵੈਬਕਾਸਟਿੰਗ ਹੋ ਰਹੀ ਹੈ।
Jalalabad
ਦੱਸ ਦਈਏ ਕਿ ਸੂਬੇ ਦੇ 4 ਹਲਕਿਆਂ ਮੁਕੇਰੀਆਂ ਦਾਖਾ ਫਗਵਾੜਾ ਅਤੇ ਜਲਾਲਾਬਾਦ ਵਿਚ ਚੋਣਾਂ ਹੋਣ ਜਾ ਰਹੀਆਂ ਹਨ ਜਿਸ ਨੂੰ ਲੈਕੇ ਚੋਣ ਕਮਿਸ਼ਨ ਦੇ ਮੁਲਾਜ਼ਮ ਤਿਆਰੀਆਂ ਚ ਲੱਗੇ ਹੋਏ ਹਨ। ਉਨ੍ਹਾਂ ਦੇ ਨਾਲ ਨਾਲ ਉਮੀਦਵਾਰਾਂ ਨੇ ਵੀ ਕਮਰ ਕਸੀ ਹੋਈ ਹੈ।
Jalalabad
ਜਿਨ੍ਹਾਂ ਵਲੋਂ ਜਨਤਾ ਨੂੰ ਵੋਟਾਂ ਦੇਣ ਲਈ ਚੋਣ ਮੁਹਿੰਮਾਂ ਵੀ ਚਲਾਈਆਂ ਜਾ ਚੁੱਕੀਆਂ ਹਨ। ਬਸ ਹੁਣ ਇੰਤਜ਼ਾਰ ਹੈ 21 ਤਾਰੀਕ ਜਦੋਂ ਵੋਟਿੰਗ ਹੋਣੀ ਹੈ ਤੇ ਮਗਰੋਂ 24 ਤਾਰੀਕ ਦਾ ਜਦੋਂ ਇਨ੍ਹਾਂ ਚੋਣਾਂ ਦੇ ਨਤੀਜੇ ਆਉਣੇ ਹਨ ਜੋ ਕਿ ਜੇਤੂ ਉਮੀਦਵਾਰਾਂ ਦੇ ਨਾਮ ਐਲਾਨਣਗੀਆਂ ਤੇ ਕੌਣ ਜਿੱਤ ਦਾ ਝੰਡਾ ਲਹਿਰਾਏਏਗਾ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
